3 Juan 1:8 - Manobo Western Bukidnon

⁸ Ne tenged dutun kinahanglan he iyan ki is tumutuu ebeg̵ey ziyà te kandan su wey ki meketavang dutun te kedsengyawa zan te tutuu he tuluuwen.

3 Juan 1:8 Cross References

Mateo 10:14

Ne ke zuen inged he wazà dutun egalewg̵alew keniyu, wey ke wazà ebpemineg te ibpesavut niw kandan, ewai niw sikandan wey tektaka niw is menge eliyavuk diyà te menge paa niw he tuus diyà te kandan he edsilutan sikandan te Megbevayà.

Mateo 10:40

Is etew he edawat keniyu, edawat daan kediey; ne is edawat kediey, edawat daan te Megbevayà he midsugù kedì.

Lucas 11:7

Ne zutun, edtavak sikandin dutun te valey zin te, ‘Es! egkepeg̵ulan ad he ed-enew su midlekevan ku en heeyan is gemawan ne nemekelipezeng en heini is menge anak ku kayi te hulid ku. Ne kenè e en ebpekeenew he ebeg̵ey ziyan te kenikew te egkekaan.’

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

2 Kurintu 8:23

Si Tito, iyan timbang ku te kedhimuwa ku te kedtavang keniyu. Ne heini is menge suled tew he zezuwa he eduma kandin pehendiyan, menge sug̵ù sikandan te menge g̵urupu te tumutuu zini. Pinaag̵i kandan egkevantug layun si Kristu ziyà te menge etew.

Pilipus 4:3

Ne sikew zaan is timbang ku ziyan, egkesuatan ku he tevangi nu heini is menge vahi wey zan heini metuman su mibpenigudu zan te kedtavang kedì te kedsengyawa ku te Meupiya he Tudtulanen. Ne elin daan si Clemente wey zuen pa menge zuma niw he midtavang kedì. Is menge ngazan dan te langun, ne nekesurat en diyà te libru te Megbevayà he zutun inlista zin is mibeg̵ayan te untung he wazè din pidtemanan.

Kulusas 4:11

Ne elin daan ebpengemusta keniyu si Jesus he egngezanan daan ki Hustu. Heini is tetelu, si Eristarku, si Marcos wey si Hustu, ne iyan dà sikandan menge Hudiyu he zuma ku kayi te kedsengyawa ku te kedhadì te Megbevayà. Ingkelipey sikandan te g̵ehinawa ku.

1 Tiselunika 3:2

Ne zutun midsug̵ù dey ziyan si Timoteo he suled tew wey sulug̵uen daan te Megbevayà te kegkesengyawa te Meupiya he Tudtulanen mehitenged ki Kristu. Iyan insug̵ua zey kandin su wey zin meheg̵eti is kedtuu niw ne wey kew zin mesembag̵i

Pilimun 1:24

Ebpengemusta zaan keniyu ensi Marcos, si Eristarku, si Dimas, wey si Lucas. Menge timbang ku sikandan kayi te ebpeveelan te Megbevayà.

3 Juan 1:10

Emun ebpekehendiyan a, edseyseyen ku keniyu is langun he mezaat he ed-ul-ulahan din, su kenà tutuu is menge memezaat he lalag din he ebpemekesug̵at kenami. Ne kenà duen dà taman su kenè din ed-elimahan is menge zuma ta he tumutuu ke ebpekeuma zan. Ne kenè din daan idtug̵ut he ed-elimahan sikandan te menge zuma zin he tumutuu ziyan. Is ed-elima mulà kandan, kenè din idtug̵ut he edtampu zan te kedsimba niw.

3 Juan 1:7

Su midhipanew zan wey zan mekesangyew te impenurù ni Kristu, iyan, kenè dan ebpetavang te kenà menge tumutuu.

3 Juan 1:9

Mibpesuratan ku is menge tumutuu ziyan, iyan, si Diyutripis, kenè din ebpemineg̵en is menge sug̵ù ku. Iyan egkesuatan din is: iyan dà sikandin ebayàbayà.