3 Juan 1:7 - Manobo Western Bukidnon

⁷ Su midhipanew zan wey zan mekesangyew te impenurù ni Kristu, iyan, kenè dan ebpetavang te kenà menge tumutuu.

3 Juan 1:7 Cross References

Juan 15:21

Iyan, ebpesipelahan kew te menge etew tenged te kedtuu niw kediey su wazè dan mekilala is Amey ku he midsug̵ù kediey.

Nengeulaula 20:33

Is selapì wey minsan manggad te minsan hentei keniyu, kenà iyan tuyù ku.

Nengeulaula 20:35

Ne pinaag̵i kayi te langun, impeehè ku keniyu he kinahanglan he pinaag̵i te kebpenigudu tew egketevangan tew is egkengeayuayu su egketenuzan tew is menge lalag dengan te Nengazen tew he si Jesus su ke sikandin te, ‘Dekelà is kelipey ta ke ebeg̵ey ki, kenà ke iyan ki edawat.’ ”

Nengeulaula 5:41

Ne is menge epustul, migenat dan ne utew zan nelipey su mid-isip sikandan te Megbevayà he meinentusen te ked-el-eleza kandan tenged te kedtuu zan ki Jesus.

Nengeulaula 8:4

Ne sikan is nemekedsusuwey he menge tumutuu he nemelag̵uy, impesavut dan diyà te menge inged is Lalag te Megbevayà.

Nengeulaula 9:16

Ne ibpesavut ku kandin he mezakel is menge kemereg̵enan he egkeeg̵iyan din tenged te sulug̵uen ku sikandin.”

1 Kurintu 9:18

Ne hengkey ve is suhul ku kayi? Iyan suhul ku kayi is: egkehimu he ibpesavut ku is Meupiya he Tudtulanen te wazà bayad diyà te menge etew minsan pa te zuen ku ketenged te kebuyù te igkeuyag ku.

2 Kurintu 12:13

Is kedtavang ku keniyu ne iring ded te kedtavang ku te menge tumutuu ziyà te zuma he menge inged. Asal kela ke kunaan niw ke kenè ku idtavang keniyu is kenè ku keniyu kebuyui te selapì. Emun nekesalà a keniyu pinaag̵i kayi peseyluwa a keniyu.

2 Kurintu 4:5

Kenà iyan dey ibpenurù su wey key mevantug te menge etew, kekenà, iyan dey ibpenurù su wey mevantug si Jesu Kristu he iyan Nengazen te langun. Sikami, edtevangan dey en sikiyu su wey zey metuman is sug̵ù ni Jesus.

Pilipus 2:9

Ne tenged kayi midhimu en sikandin te Megbevayà he utew lavew, ne migeraran din sikandin te g̵erar he lavew pa te minsan hengkey he g̵erar te minsan hentei.

Kulusas 1:24

Maambe ke ebpekeantus a g̵untaan te merasey su iyan igkezeyzey niw. Igkelipey ku heini su iring te kegkerasey ni Kristu edhimesazan ku en is langun he mereg̵en he ibpaantus din kediey su wey mezeyzey is lawa ni Kristu, he ke và dà egkeg̵iya, is menge tumutuu kandin.

3 Juan 1:8

Ne tenged dutun kinahanglan he iyan ki is tumutuu ebeg̵ey ziyà te kandan su wey ki meketavang dutun te kedsengyawa zan te tutuu he tuluuwen.

Impezayag 2:3

Netuenan ku he ed-antus kew te mereg̵en tenged te kedtuu niw kediey ne minsan pa zutun kenè niw ed-isipen he ed-engkezan niw is kedtumana niw te menge sug̵ù ku.