3 Juan 1:5 - Manobo Western Bukidnon

⁵ Minahal ku he suled, utew ka velig̵eg̵awen su mibpurungan nu is menge suled tew he midtuluy ziyan minsan te sikan nu pa sikandan mekilala.

3 Juan 1:5 Cross References

Mateo 24:45

Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Mateo 25:16

Ne sikan is sulug̵uen he mibeg̵ayan te lelima he libu he pisus, impetig̵ayun din haazà is kandin, ne netig̵ayun te lelima pa he libu.

Lucas 12:42

Ne midtavak is Nengazen te, “Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Nengeulaula 1:15

Ne nekepira zutun, nengetig̵um is menge tumutuu, menge nenggatus wey keluwaan sikandan is mibpetemtempuwà dutun; ne midhitindeg si Pedro is egkag̵i te,

Ruma 12:13

Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

Kulusas 3:17

Ne minsan hengkey he egkeg̵iyen niw wey ed-ul-ulahan niw, kinahanglan he zait heini he ulaula te sulug̵uen te Nengazen tew he si Jesus. Ne kinahanglan daan he layun dekelà is kebpeselemati niw te Amey tew he Megbevayà pinaag̵i te kebpekidsevaha niw ki Jesus.

Hibriyuhanen 13:2

Kenè niw lipati he kinahanglan he ibpeehè niw is gag̵ew niw ziyà te menge etew he kenè niw kilala. Gelg̵elawa niw ziyà te valey niw su zuen dengan menge etew he zuen menge meg̵eliyug dan, iyan, wazè dan metueni he menge velinsug̵uen bes haazà te Megbevayà he ebpuun diyà te langit.

3 Juan 1:10

Emun ebpekehendiyan a, edseyseyen ku keniyu is langun he mezaat he ed-ul-ulahan din, su kenà tutuu is menge memezaat he lalag din he ebpemekesug̵at kenami. Ne kenà duen dà taman su kenè din ed-elimahan is menge zuma ta he tumutuu ke ebpekeuma zan. Ne kenè din daan idtug̵ut he ed-elimahan sikandan te menge zuma zin he tumutuu ziyan. Is ed-elima mulà kandan, kenè din idtug̵ut he edtampu zan te kedsimba niw.

3 Juan 1:3

Nelipey a utew zutun te kebpekeuma zini te menge suled tew he ebpuun diyan su midtudtulan e zan he utew meheg̵et is kedhemeni nu te tutuu he tuluuwen wey uyun kun daan dutun is menge ulaula nu.