3 Juan 1:10 - Manobo Western Bukidnon

¹⁰ Emun ebpekehendiyan a, edseyseyen ku keniyu is langun he mezaat he ed-ul-ulahan din, su kenà tutuu is menge memezaat he lalag din he ebpemekesug̵at kenami. Ne kenà duen dà taman su kenè din ed-elimahan is menge zuma ta he tumutuu ke ebpekeuma zan. Ne kenè din daan idtug̵ut he ed-elimahan sikandan te menge zuma zin he tumutuu ziyan. Is ed-elima mulà kandan, kenè din idtug̵ut he edtampu zan te kedsimba niw.

3 Juan 1:10 Cross References

Lucas 6:22

Utew kew zeyzey emun egkuntedahan kew te menge etew ne kenè kew zan edewaten he zuma zan, ne ebpeel-elezan kew zan, ne egkeg̵iyen kew zan he memezaat is ulaula niw tenged te midsundan kew kedì te Kakey te Menusiyà. Iyan heini kes mid-ulaula zengan te menge kepuun dan diyà te menge ebpeneuven te Megbevayà. Medlipey kew utew emun egkehitavù heini ziyan te keniyu su utew zekelà is suhul keniyu te Megbevayà he ebpeebuten niw ziyà te langit.

Juan 9:22

Umba iyan haazà tavak dutun te menge g̵inikanan din su nahandek dan te menge punuan he Hudiyu su neuyun en he zaan is menge punuan he ke zuen egkag̵i he iyan si Jesus sikan is mibpilì te Megbevayà he ibpahadì, ne haazà is egkag̵i, kenè dan en ibpeseled te menge simbahan dan.

Nengeulaula 1:15

Ne nekepira zutun, nengetig̵um is menge tumutuu, menge nenggatus wey keluwaan sikandan is mibpetemtempuwà dutun; ne midhitindeg si Pedro is egkag̵i te,

2 Kurintu 13:2

Dutun te ikezuwa he kebpenumbelayi ku keniyu, sikiyu is memezaat is ulaula zengan, migkag̵i ku keniyu he emun kenè niw ed-engkezan haazà is memezaat he ulaula niw ne edsilutan ku sikiyu emun ebpekelikù a. Ne ed-umanan ku egkeg̵iya g̵untaan diyan te keniyu wey ziyà te minsan hentei pa he ed-ulaula te mezaat. Ke ebpekeuma a, wazà minsan hentei he ed-ulaula te mezaat he ebpekelikey te kedsiluti ku kandin.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

1 Timoteo 5:13

Ne kenà duen dà taman su melemu zan ebpetetapul ne layun dan ebpenumbaley ziyà te menge valey, ne kenà iyan dà haazà su egkehimu zan daan he vereituk, ne ebpekekevut dan te wazè dan kelavet duen ne ebenteenan dan is kenà meupiya he ebenteenan.

2 Juan 1:10

Ke zuen ebpekeuma he minsan hentei he ebpenurù te tuluuwen ne kenè din iyan ibpenurù is tutuu he tuluuwen he impenurù ni Kristu, kenè niw ipepemenahik diyan te valey niw. Kenè niw zaan igalewg̵alew sikandin.

2 Juan 1:12

Mezakel pezem is egkeg̵iyen ku keniyu, iyan, kenè ku egkesuatan te edsurat. Egkesuatan ku he ebpenumbaley a ziyan wey kiw mekedlelalag ne wey meheg̵et is kelipey tew.

3 Juan 1:3

Nelipey a utew zutun te kebpekeuma zini te menge suled tew he ebpuun diyan su midtudtulan e zan he utew meheg̵et is kedhemeni nu te tutuu he tuluuwen wey uyun kun daan dutun is menge ulaula nu.

3 Juan 1:5

Minahal ku he suled, utew ka velig̵eg̵awen su mibpurungan nu is menge suled tew he midtuluy ziyan minsan te sikan nu pa sikandan mekilala.