2 Juan 1:1 - Manobo Western Bukidnon

¹ Siak is meg̵urang, ebpesuratan ku sikew is bahi he pinilì te Megbevayà wey is menge anak nu. Utew kew mahal zini te g̵ehinawa ku ne kenà dini zà te kedì he g̵ehinawa, kekenà, mahal kew zaan diyà te langun he neketuu te tutuu he tuluuwen.

2 Juan 1:1 Cross References

Lucas 1:3

Ne siak daan guntaan, geina te mibpurungan ku te ed-istudyu heini, puun pa te puunà kayi te nengeulaula, neisip ku he meupiya zaan ke ebpurungan ku kenikew te edsurat is kegug̵uza kayi te langun.

Juan 8:32

Egketuenan niw is tutuu he tuluuwen, ne pinaag̵i kayi egkengevelukasan kew.”

Nengeulaula 11:30

Ne mid-ulaula zan heini ne midsug̵ù dan si Bernabe wey si Seulu he iyan ibpahated te selapì diyà te menge ebmeg̵urangen te menge tumutuu ziyà te Hiruselim.

Ruma 16:13

Ipengemusta a zaan ki Rufo. Nevantug en is kedtuu zin te Nengazen. Ipengemusta a zaan te iney zin he impeiring din is ked-isipa zin kedì te tuney en he anak din.

Gelasya 2:14

Ne hein nesavut ku he ed-ul-ulahan dan is supak te tutuu he impenurù te Meupiya he Tudtulanen, migkeg̵iyan ku si Pedro ziyà te etuvangan te langun kandan, ke siak te, “Sikew, Pedro, sikan is menge tumutuu he kenè tew zuma he Hudiyu, maan is ibpetuman nu kandan is kesug̵uan tew te menge Hudiyu? Su minsan Hudiyu ka, mid-engkezan nu en is kedtumana nu kayi he kesug̵uan,” ke siak.

Gelasya 2:5

Ne wazè dey itug̵ut he meveyveyai key zan te minsan hengkey he paag̵i su wey kenà meumani te tarù is tutuu he Meupiya he Tudtulanen, ne kenà egkezeetan is kedtuu niw.

Gelasya 3:1

Sikiyu is menge tigGelasya, henduen be te kenè kew metau he ed-isip-isip! Utew a egkeinuinu keniyu! Maan is ebpemineg̵en niw is menge etew he ebpetuman keniyu te kesug̵uan he imbilinbilin ni Moises? Utew keladu is kebpenurua ku keniyu te nehimu ni Jesu Kristu kenitew pinaag̵i te kebpatey zin diyà te krus.

Gelasya 5:7

Mibpurungan niw zengan te ed-ikul is hustu he ibayà. Maan is idtug̵ut niw he zuen ed-eg̵en keniyu wey niw kenè en metuuwi is tutuu he tuluuwen?

Kulusas 1:5

Umba mezesen is kedtuu niw wey zekelà is gag̵ew niw su kenà egkeawà is perateng niw te langun diyà te langit he integ̵ana keniyu te Megbevayà. Nezineg niw heini zutun te kebpesevuta keniyu te tutuu he penurù he iyan is Meupiya he Tudtulanen.

1 Timoteo 2:4

su iyan din egkesuatan is wey melibri te silut is tivuuk he menusiyà ne wey zan daan metueni is tutuu he tuluuwen.

Hibriyuhanen 10:26

Ne emun nesavut te en is tutuu he tuluuwen, iyan, edtuyuen te pa maan is layun ked-ulaula te mezaat he ulaula, wazè en minsan hengkey he kebpemuhat he edewaten te Megbevayà wey maawà is salè ta.

1 Pedro 1:2

Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.

1 Pedro 5:1

Sikiyu is ebmeg̵urangen te menge tumutuu, duen idhangyù ku keniyu su ebmeg̵urangen a zaan. Nekevantey a te kedresaya zengan ki Kristu ne iring keniyu, ebpekeseled a zaan te vulawan he ed-ulian he ibpeg̵awag̵awa keuzemà.

1 Pedro 5:13

Ebpengemusta keniyu is menge tumutuu zini te inged he Bebilunya. Pinilì sikandan te Megbevayà iring te pinilì kew zin daan. Ebpengemusta zaan keniyu si Marcos he iyan iring te tutuu he anak ku.

1 Juan 2:21

Kenè ku iyan ibpesurati keniyu is tenged te wazè niw mesavut ke hengkey is tutuu he tuluuwen, kekenà, tenged te nesavut niw en wey tenged te wazà minsan hengkey he tarù he ziyà ebpuun te tutuu he tuluuwen.

1 Juan 3:18

Menge mahal ku he anak, kinahanglan he kenà menge lalag dà is kebmahala ta te menge zuma ta, kekenà, kinahanglan he ibpeehè ta is kebmahala ta kandan pinaag̵i te menge ulaula ta.

2 Juan 1:13

Ebpengemusta keniyu is menge anak te suled nu he vahi zini he pinilì daan te Megbevayà.

2 Juan 1:5

Ne tenged dutun, Bayi, edhengyuen ku he egig̵ineg̵awè kiw. Kenà beg̵u heini he sug̵ù is idsurat ku kayi, su zaan heini zuen te aney tew en kedtuu.

3 Juan 1:1

Siak is meg̵urang, ebpesuratan ku sikew, Gayu, is emig̵u ku he utew ku minahal.