1 Tiselunika 4:2 - Manobo Western Bukidnon

² Netuenan niw is insug̵ù dey keniyu he ebpuun te Nengazen tew he si Jesus.

1 Tiselunika 4:2 Cross References

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

1 Kurintu 9:21

Ne ziyà te menge etew he kenà menge Hudiyu, emun iyan sikandan menge zuma ku ne kenè ku en maan ed-ul-ulahan is kesug̵uan he ebentayan te menge Hudiyu su ed-ul-ulahan ku is menge ulaula te kenà menge Hudiyu su wey ku sikandan maag̵ak ne ebpeketuu zan ki Jesus. Wazè ku engkezi is menge sug̵ù te Megbevayà su edtumanen ku is menge sug̵ù ni Kristu.

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

1 Tiselunika 4:3

Iyan egkesuatan te Megbevayà is: kinahanglan he zait is menge ulaula niw te etew he g̵aked din. Kinahanglan he kenè niw hileveti is kenè niw esawa.

2 Tiselunika 3:10

Hein diyan key pa iyan penurù dey keniyu is: sikan is kenà edterebahu, kenà ipekaan.

2 Tiselunika 3:6

Menge suled, tenged te keg̵ehem te ngazan te Nengazen tew he si Jesu Kristu he imbeg̵ey kenami, duen menge idsug̵ù dey keniyu. Iyan is: kenè kew mebpekiduma te tumutuu he tepulen he kenà edsunud te impenurù dey keniyu.