1 Juan 5:1 - Manobo Western Bukidnon

¹ Anak en te Megbevayà is minsan hentei he edtuu he iyan si Jesus mibpilì te Megbevayà he ibpahadì. Ne emun ebmahalen din diyà te g̵ehinawa zin is Amey tew he Megbevayà ebmahalen din daan is menge zuma zin he anak te Megbevayà.

1 Juan 5:1 Cross References

Mateo 16:16

Ne zutun midtavak si Simon Pedro te, “Iyan ka sikan is mibpilì te Megbevayà he ibpahadì din te menusiyà; iyan ka sikan is Anak te wazè din kemetayen he Megbevayà.”

Lucas 7:5

su sikitew is menge Hudiyu, ne mahal ziyà te g̵ehinawa zin; mibpehitindeg sikandin te sevaha he simbahan tew.”

Juan 1:3

Is langun he midlimbag te Megbevayà, ne pinaag̵i kayi te Lalag, ne wazà minsan hengkey he midlimbag emun kenà pinaag̵i kandin te Lalag te Megbevayà.

Juan 15:23

Is egkuntada kediey, kenà iyan e zà egkuntedahan din, kekenà, egkuntedahan din daan is Amey ku he Megbevayà.

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Juan 6:69

Edtuu key kenikew su netuenan dey he iyan ka sikan is mibpilì te Megbevayà he ibpahadì.”

Juan 8:42

Ne migkag̵i kandan si Jesus te, “Angin pezem ke amey niw is Megbevayà su mahal a g̵eina ziyan te g̵ehinawa niw su te kedhendini ku, diyà a ebpuun te kandin. Kenà kediey zà he suat is kedhendini ku, kekenà, midsug̵ù e zin.

Nengeulaula 8:36

Ne netegteg̵aad dutun nekeuma zan te wahig, ne migkag̵i haazà is upisyal te, “Wahig en heini; egkehimu ve ke ebewtismuwan a kenikew?”

Nengeulaula 8:37

Ne midtavak si Felipe te, “Egkehimu emun hustu en is kedtuu nu.” Ne midtavak haazà is upisyal te, “Neketuu ad; edtuuwan ku he Anak te Megbevayà si Jesu Kristu.”

Santiago 1:18

Tenged te iyan egkesuatan din midhimu kiw zin he menge anak din pinaag̵i te kebpesevuta zin kenitew te tutuu he tuluuwen. Egkesuatan din he iyan kiw edhimuwen din he lavew te langun he menge linimbag.

1 Pedro 1:3

Utew zekelà is kebpeselemati tew te Megbevayà he iyan Amey te Nengazen tew he si Jesu Kristu. Su tenged te zekelà is hizu zin kenitew, mibeg̵ayan kiw zin te veg̵u en he untung. Ne g̵untaan ebpekeperateng kiw he egkevanhew kiw keuzemà su mibanhew zin si Jesu Kristu.

1 Juan 2:10

Is etew mulà he ebmahalen din is duma zin, iyan sikandin kes edteyawan is isip din te Megbevayà, ne kenè din ibpekesalà is menge ulaula zin.

1 Juan 2:29

Netuenan te en he metazeng si Kristu. Netuenan ta zaan he minsan hentei he metazeng is menge ulaula zin, nehimu en sikandin he anak te Megbevayà.

1 Juan 3:14

Netuenan tew he zengan iyan egkeperateng tew is kemetayen he wazà pidtemanan. Ne netuenan tew zaan he g̵untaan duen tew en untung he wazà pidtemanan. Umba netuenan tew heini su utew en mahal zini te g̵ehinawa tew is menge zuma tew. Is minsan hentei he kenà mahal ziyà te g̵ehinawa zin is menge zuma zin, kemulu pa sikandin ebpekeperateng te kemetayen he wazà pidtemanan.

1 Juan 3:17

Ke zuen minsan hentei kenitew he egkehimu he edtevangan din is duma zin he edlised, iyan, kenè din edtevangan, kenà egkehimu he mahal ziyà te g̵ehinawa zin is Megbevayà.

1 Juan 3:9

Is minsan hentei he nehimu en he anak te Megbevayà, kenè en sikandin egkesuat he ed-ulaula te mezaat su midsempù en man te Megbevayà. Geina te iyan Amey zin is Megbevayà kenà egkehimu he layun sikandin ed-ulaula te mezaat.

1 Juan 4:2

Is minsan hentei he mulin-ulin he egkag̵i he mibpeetew si Jesus is mibpilì te Megbevayà he ibpahadì, ne ziyà ebpuun haazà is mulin-ulin te Megbevayà. Pinaag̵i kayi egketuusan niw is mulin-ulin he ebpuun te Megbevayà.

1 Juan 4:20

Ke zuen minsan hentei he egkag̵i he utew mahal ziyà te g̵ehinawa zin is Megbevayà, iyan, ebpekigkuntada sikandin te zuma zin, teruen sikandin. Su kenà egkehimu he ebmahalen din is Megbevayà he wazè din maahà ke kenè din daan ebmahalen is duma zin he neehè din en mulà.

1 Juan 4:7

Minahal ku he menge suled, kinahanglan he ebpurung kiw egig̵ineg̵awè su ziyà ebpuun te Megbevayà is gag̵ew. Is minsan hentei he zekelà is gag̵ew zin te menge zuma zin, ne iyan nehimu en he anak te Megbevayà wey emig̵u te Megbevayà.

1 Juan 5:18

Netuenan tew he wazà minsan hentei he nehimu he anak te Megbevayà he layun ed-ulaula te mezaat su edlig-enan sikandin te Anak te Megbevayà ne kenè en sikandin egkehilevetan ni Setanas.

1 Juan 5:4

su sikitew is langun he nehimu en he menge anak te Megbevayà, egkezaag tew en si Setanas he iyan ebayàbayà dini te kelibutan; ne iyan ibpekezaag tew kandin is kedtuu tew ki Jesus.

1 Juan 5:5

Hentei is ebpekezaag ki Setanas? Iyan dà sikan is midtuu he Anak te Megbevayà si Jesus.