1 Juan 4:7 - Manobo Western Bukidnon

⁷ Minahal ku he menge suled, kinahanglan he ebpurung kiw egig̵ineg̵awè su ziyà ebpuun te Megbevayà is gag̵ew. Is minsan hentei he zekelà is gag̵ew zin te menge zuma zin, ne iyan nehimu en he anak te Megbevayà wey emig̵u te Megbevayà.

1 Juan 4:7 Cross References

Juan 13:34

Beg̵u en he sug̵ù is ibpetuman ku keniyu. Iyan is: kinahanglan he mahala ziyà te g̵ehinawa te uman sevaha keniyu is minsan hentei keniyu. Iring te mahal kew zini te g̵ehinawa ku, kinahanglan he mahal ziyà te g̵ehinawa te uman sevaha keniyu is minsan hentei keniyu.

Juan 17:3

Ne iyan heini paag̵i he egkezawat dan is untung he wazà pidtemanan. Kinahanglan he egkesavut dan ke hentei ka is sevaha zà he tutuu he Megbevayà wey kinahanglan he egkesavut dan daan ke hentei a is Anak nu he si Jesu Kristu.

1 Kurintu 8:3

Ne haazà mulà is etew he mahal ziyà te gehinawa zin is Megbevayà, iyan sikandin kes migkag̵i te Megbevayà he g̵aked din.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

Gelasya 4:9

Iyan, guntaan te nekilala niw en is Megbevayà iring te kegkekilelaa zin keniyu, maan is edlikuan niw is wazà pulus he menge tuluuwen he kenà ebpekelibri keniyu te silut? Maan is egkesuatan niw he meuripen kew en maan kayi?

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

2 Timoteo 1:7

Su is Mulin-ulin he impeulin kenita te Megbevayà, kenè ta igketalew, kekenà, edlig-enan ki zin wey ebeg̵ayan ki zin te zesen su wey mehimu he ebmahalen ta is menge zuma ta wey edtengkaan ta is langun he ed-ul-ulahan ta.

1 Pedro 1:22

Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.

1 Juan 2:10

Is etew mulà he ebmahalen din is duma zin, iyan sikandin kes edteyawan is isip din te Megbevayà, ne kenè din ibpekesalà is menge ulaula zin.

1 Juan 2:29

Netuenan te en he metazeng si Kristu. Netuenan ta zaan he minsan hentei he metazeng is menge ulaula zin, nehimu en sikandin he anak te Megbevayà.

1 Juan 2:3

Egketuenan tew he emig̵u kiw en te Megbevayà ke edtumanen tew is menge sugù din kenitew.

1 Juan 2:4

Iyan, ke zuen egkag̵i te, “Emig̵u e en te Megbevayà,” ne haazà is egkag̵i, kenè din edtumanen is menge sug̵ù te Megbevayà, teruen sikandin. Kenà sikandin ebpezumazuma te tutuu he tuluuwen.

1 Juan 2:7

Minahal ku he menge suled, kenà beg̵u heini is idsug̵ù ku keniyu su zengan dà. Ne insug̵ù en heini keniyu hein aney kew medtuu. Ne heini he sug̵ù, ne iyan ded sikan is lalag he impesavut kenitew he mahala tew is minsan hentei he zuma tew.

1 Juan 3:9

Is minsan hentei he nehimu en he anak te Megbevayà, kenè en sikandin egkesuat he ed-ulaula te mezaat su midsempù en man te Megbevayà. Geina te iyan Amey zin is Megbevayà kenà egkehimu he layun sikandin ed-ulaula te mezaat.

1 Juan 4:11

Menge minahal ku he suled, geina te iring dutun is utew zekelà he g̵ag̵ew kenitew te Megbevayà, kinahanglan he utew zaan dekelà is gag̵ew te kada sevaha kenitew ziyà te menge zuma zin.

1 Juan 4:12

Wazè pa etew he nekeahà te Megbevayà, iyan, emun egig̵ineg̵awè kiw, ed-ubpà dini te kenitew is Megbevayà, ne egkeheg̵et is kebmahala ta te Megbevayà dini te g̵ehinawa ta.

1 Juan 4:16

Ne tenged dutun nesavut tew en he utew zekelà is gagew kenitew te Megbevayà ne umba ebpekesarig kiw. Is minsan hengkey he ed-ul-ulahan te Megbevayà, ne iyan kebpaahaa zin te g̵agew zin. Is minsan hentei he layun dekelà is gagew zin te menge zuma zin, meheg̵et is kebpekidsevaha zin te Megbevayà, ne ziyà te kandin ed-ubpà is Megbevayà.

1 Juan 4:20

Ke zuen minsan hentei he egkag̵i he utew mahal ziyà te g̵ehinawa zin is Megbevayà, iyan, ebpekigkuntada sikandin te zuma zin, teruen sikandin. Su kenà egkehimu he ebmahalen din is Megbevayà he wazè din maahà ke kenè din daan ebmahalen is duma zin he neehè din en mulà.

1 Juan 4:8

Is minsan hentei he wazè din gag̵ew te menge zuma zin, wazè din hanew te menge ulaula te Megbevayà su is minsan hengkey he ed-ul-ulahan te Megbevayà, ne iyan kebpaahaa zin te g̵ag̵ew zin.

1 Juan 5:1

Anak en te Megbevayà is minsan hentei he edtuu he iyan si Jesus mibpilì te Megbevayà he ibpahadì. Ne emun ebmahalen din diyà te g̵ehinawa zin is Amey tew he Megbevayà ebmahalen din daan is menge zuma zin he anak te Megbevayà.

2 Juan 1:5

Ne tenged dutun, Bayi, edhengyuen ku he egig̵ineg̵awè kiw. Kenà beg̵u heini he sug̵ù is idsurat ku kayi, su zaan heini zuen te aney tew en kedtuu.