1 Juan 3:4 - Manobo Western Bukidnon

⁴ Ke zuen nekesalà, nesupak din is kesug̵uan te Megbevayà su is ulaula he egngezanan te salà ne iyan is minsan hengkey he ulaula he supak te kesug̵uan te Megbevayà.

1 Juan 3:4 Cross References

Mateo 5:19

Umba ke zuen minsan hentei he edlegkawen din is minsan utew zà deisey zuen te kesug̵uan ne ibpenurù din te zuma zin he kenà tumana haazà is midlagkew zin, iyan sikandin utew minus is pid-etawan din ke edhadì is Megbevayà he ziyà te langit. Ne iring din daan ke zuen etew he edtumanen din ebpurungi is kesug̵uan ne ibpenurù din diyà te zuma is kedtumana kayi, iyan sikandin lavew te langun he etew ke edhadì keuzemà is Megbevayà.

Nengeulaula 23:3

Ne migkeg̵iyan sikandin ni Pablo te, “Sikew is tarù is ked-azap din te Megbevayà, siguradu Megbevayà is edsilut kenikew. Su sumalà is ibpenurù te kesug̵uan tew, ebpimpinuu ka keniyan is edsusi kediey, iyan, edsupaken nu is kesug̵uan su insug̵ù nu he tebpie e zan.”

Ruma 3:20

Su wazà minsan hentei etawa he egkeisip te Megbevayà he metazeng pinaag̵i te kedtumana zin te kesug̵uan su layun din egkesupak is kesug̵uan. Umba imbeg̵ey is kesug̵uan su wey tew mesavut he mesinupaken kiw ves te menge sug̵ù te Megbevayà.

Ruma 4:15

Ne kenè kiw egkezeyzey pinaag̵i te kesug̵uan, su is kesug̵uan, ne iyan mulà igkepeuki kenitew te Megbevayà su kenè tew egketuman. Angin ke wazà kesug̵uan su kenà egkehimu he zuen egkesupak ta.

2 Kurintu 12:21

Egkesemukan a su kela ke zutun te kebpekeuma ku ziyan ne igkeeled ku sikiyu ziyà te Megbevayà ne kela ke utew a egkeseeng tenged te mezakel he netuenan ku zengan he nekevaal te mezaat ne wazè dan pa engkezi is menge mahawag he ulaula zan iring te kedhilavet te kenè dan esawa wey is kedtumana zan te mezaat he kebayè dan.

Santiago 5:15

Is ked-ampù dan, emun hustu is kedsarig dan te Megbevayà, ne iyan igkeulii te egkezeruwan su ebewian sikandin te Nengazen, ne egkepesaylu sikandin te menge salè din.

1 Juan 5:17

Salà is minsan hengkey he mezaat he ed-ul-ulahan, ne zuen salà he kenà iyan rimeg̵as dutun is kemetayen.