1 Juan 3:17 - Manobo Western Bukidnon

¹⁷ Ke zuen minsan hentei kenitew he egkehimu he edtevangan din is duma zin he edlised, iyan, kenè din edtevangan, kenà egkehimu he mahal ziyà te g̵ehinawa zin is Megbevayà.

1 Juan 3:17 Cross References

Lucas 3:11

Ne midtavak ni Juan sikandan te, “Sikan is etew he zezuwa is kumbalè din, ne veg̵ayi zin sikan is wazè din kumbalà. Ne iring din ded daan sikan is etew he zuen din keenen, ne veg̵ayi zin sikan is wazà egkekaan,” ke sikandin.

2 Kurintu 8:9

Netuenan ta ke hengkey is kezekelà te g̵ag̵ew kenita te Nengazen tew he si Jesu Kristu. Su tenged te hizu zin kenita, minsan te utew sikandin sepian diyà te langit, midhimu zin he utew sikandin ayuayu pinaag̵i te kebpeetew zin wey kebpehimatey zin. Ne tenged kayi te kegkeayuayu zin egkehimu ki he utew sepian.

Hibriyuhanen 13:16

Kenè niw lipati is kebpurung niw te minsan hentei he zuma niw, ne mebpetebtevangè kew su is ulaula he iring kayi, ne iring te pemuhat he egkesuatan te Megbevayà.

Santiago 2:15

Su penenglitan duen menge suled tew he tumutuu ne edlised sikandan tenged te wazè dan igkekuwa te bisti wey egkekaan.

Santiago 2:16

Ne emun egkeg̵iyan tew zà sikandan te, “Ehè kew zà. Berakat he mekekuwa kew te egkeenen niw wey igkebisti niw,” iyan, kenè tew sikandan edtevangan, wazà pulus te migkag̵i tew.

1 Juan 4:20

Ke zuen minsan hentei he egkag̵i he utew mahal ziyà te g̵ehinawa zin is Megbevayà, iyan, ebpekigkuntada sikandin te zuma zin, teruen sikandin. Su kenà egkehimu he ebmahalen din is Megbevayà he wazè din maahà ke kenè din daan ebmahalen is duma zin he neehè din en mulà.

1 Juan 5:1

Anak en te Megbevayà is minsan hentei he edtuu he iyan si Jesus mibpilì te Megbevayà he ibpahadì. Ne emun ebmahalen din diyà te g̵ehinawa zin is Amey tew he Megbevayà ebmahalen din daan is menge zuma zin he anak te Megbevayà.