1 Juan 3:15 - Manobo Western Bukidnon

¹⁵ Is minsan hentei he ebpekigkuntada te zuma zin, mid-isip sikandin te Megbevayà he iring te teremunù; ne netuenan ta he ke zuen etew he egkesuat he ebunù wazè pa sikandin mekeangken te untung he wazà pidtemanan.

1 Juan 3:15 Cross References

Mateo 5:28

Ne iyan kedì he penurù is: ke zuen minsan hentei he maama he edtengteng dà te vahi he kenè din esawa ne egkeerig̵an en dutun, ne haazà is maama, nekesalè en dutun te esawa zin.

Marcos 6:19

Ne si Hirudyas, nepeukan din si Juan, ne ebpehimetayan din pezem, iyan, wazà itug̵ut ni Hadì Hirudis.

Juan 4:14

iyan, ke zuen ed-inum te wahig he ibeg̵ey ku kandin kenè en maan sikandin egkemezahan te minsan keenu. Su is wahig he ibeg̵ey ku kandin, egkehimu ziyà te kandin he ulu te wahig he ebpekeveg̵ey kandin te untung he wazà pidtemanan.”

Juan 8:44

Iyan amey niw si Setanas, ne is egkesuatan te amey niw, iyan daan egkesuatan niw he meveeli niw. Puun pa te puunà ne memumunù en si Setanas. Ne wazè din kelavet te tutuu he tuluuwen su wazà diyà te kandin is minsan hengkey he tutuu. Emun egkag̵i sikandin, ne tarù is lalag din su tarù dà is egkeisip din. Teruen man sikandin wey ziyà te kandin ebpuun is minsan hengkey he tarù.

Nengeulaula 23:12

Ne hein nepawà midtig̵um is menge Hudiyu su zuen pezem ed-ul-ulahan dan ki Pablo. Ke sikandan te, “Kenè kiw egkaan wey ed-inum taman te kenè tew pa egkepatey si Pablo.”

Nengeulaula 23:14

Ne zutun midhendiyè dan te menge punuan he menge memumuhat wey te menge ebmeg̵urangen ne ke sikandan te, “Utew neheg̵et is uyun dey he kenè key egkaan wey ed-inum taman te kenè dey pa egkepatey si Pablo.

Santiago 1:15

Ne emun edtumanen din is suat din, ebpekesalà sikandin. Ne iyan dutun pangkus te etew ke ebpeniguduwan din is ked-ulaula te mezaat is kemetayen.

1 Pedro 1:23

Su mid-umanan ki limbag̵a te Megbevayà ne veg̵u ki en maan he etew pinaag̵i te wazà pidtemanan he Lalag te Megbevayà he iyan ebpekeveg̵ey te untung.

1 Juan 2:11

Iyan, is etew he ebpekigkuntada te zuma zin, kemulu pa is isip din diyà te kerusireman ne mezaat pa is menge ulaula zin. Iring sikandin te etew he kenè din egketuenan ke hendei sikandin ebpekepevayà su ziyè pa sikandin te kerusireman.

1 Juan 2:9

Ke zuen etew he egkag̵i he midteyawan te Megbevayà is isip din, iyan, ebpekigkuntada sikandin te zuma zin, kemulu pa sikandin diyà te kerusireman.

Impezayag 21:8

Iyan, sikan is egkehandek he edsundan kedì wey is menge kenà metinumanen, is menge etew he memahawag is ulaula, is menge memumunù, wey is menge meremerik is betasan, is menge keteuwan he etew, wey menge ed-azap te kenà tutuu he Megbevayà wey is langun he teruen he menge etew, iyan egketemanan dan is id-agbur sikandan diyà te ranew he nepenù te egkeregreg he esupri he iyan ikezuwa he kemetayen,” ke sikandin.