1 Juan 3:14 - Manobo Western Bukidnon

¹⁴ Netuenan tew he zengan iyan egkeperateng tew is kemetayen he wazà pidtemanan. Ne netuenan tew zaan he g̵untaan duen tew en untung he wazà pidtemanan. Umba netuenan tew heini su utew en mahal zini te g̵ehinawa tew is menge zuma tew. Is minsan hentei he kenà mahal ziyà te g̵ehinawa zin is menge zuma zin, kemulu pa sikandin ebpekeperateng te kemetayen he wazà pidtemanan.

1 Juan 3:14 Cross References

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Lucas 15:24

Su heini is anak ku, iring te minatey sikandin ne g̵untaan neuyag̵an. Netazin sikandin ne g̵untaan neturedu en.’ Ne zutun nebibu zan.

Lucas 15:32

Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

Lucas 7:5

su sikitew is menge Hudiyu, ne mahal ziyà te g̵ehinawa zin; mibpehitindeg sikandin te sevaha he simbahan tew.”

Juan 13:35

Emun ed-ul-ulahan niw heini, egkeahà te langun he menge etew he menge sumusundan ku sikiyu.”

Juan 15:12

Iyan heini sug̵ù ku keniyu he kinahanglan he mahal ziyà te g̵ehinawa te uman sevaha keniyu is minsan hentei keniyu iring te mahal kew zini te g̵ehinawa ku.

Juan 15:17

Iyan sug̵ù ku keniyu is: kinahanglan he mahal ziyà te g̵ehinawa te uman sevaha keniyu is minsan hentei keniyu.

Juan 5:24

Utew venar is egkeg̵iyen ku he is minsan hentei he ebpemineg te menge lalag ku ne edtuu te Megbevayà he midsug̵ù kediey zini, iyan ebpekeangken te untung he wazà pidtemanan. Kenà sikandin keuzemà edsilutan su nekelikey en te kemetayen is gimukud din wey naangken din en is untung he wazà pidtemanan.

2 Kurintu 5:1

Is lawa ta, ne iring te valey he egkeubpaan ta. Ne netuenan ta he ke egkerundus heini is baley, duen baley he egkeubpaan ta ziyà te langit he iyan is beg̵u he lawa he ibeg̵ey te Megbevayà. Kandin he vaal heini ne wazè din pidtemanan.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Ipisu 1:15

Ne tenged kayi, menge suled, geina te netudtulan a he mezesen is kedtuu niw te Nengazen tew he si Jesus wey zekelà is gag̵ew niw te minsan hentei he tumutuu kandin,

Ipisu 2:1

Dengan, henduen kew te minatey su wazè niw pa untung he wazà pidtemanan tenged te kenè kew pa zutun ebpemineg te menge sug̵ù te Megbevayà wey tenged te menge mezaat he ulaula niw.

Ipisu 2:5

Ne minsan pa te iring kiw te minatey tenged te kenè tew kebpemineg te menge sug̵ù din, dutun te kebenhawa zin ki Kristu, inragkes kiw zin daan su wey tew maangken is untung he wazà pidtemanan. Midlibri kiw zin te silut tenged dà te g̵ag̵ew zin kenitew.

Kulusas 1:4

su nezineg dey is tudtul he mezesen is kedtuu niw ki Jesu Kristu wey zekelà layun is gag̵ew niw te minsan hentei he etew he g̵aked te Megbevayà.

1 Tiselunika 4:9

Ne wazè en kinahanglan he ibpenurù ku pa keniyu he mahala niw ziyà te g̵ehinawa niw is menge zuma niw he tumutuu su impenurù en heini keniyu te Megbevayà.

Hibriyuhanen 13:1

Kinahanglan he peniguduwi niw is kebmahala niw ziyà te g̵ehinawa niw te menge zuma niw he tumutuu.

1 Pedro 1:22

Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.

1 Pedro 3:8

Duen pa egkeg̵iyen ku keniyu te langun ne iyan is: kinahanglan he mesevaha is isip niw wey g̵ehinawa niw. Mebpepurpurungè kew wey megig̵ineg̵awè kew su iring kew en te teltelesuled. Kinahanglan he memetulanged kew wey kenè kew menge mepelevawen.

2 Pedro 1:7

Ne haazà daan, edheg̵etan ta te kegig̵ineg̵awè tew ne is kegig̵ineg̵awè tew, edheg̵etan ta zaan te kebmahala ta te menge zuma ta.

1 Juan 2:3

Egketuenan tew he emig̵u kiw en te Megbevayà ke edtumanen tew is menge sugù din kenitew.

1 Juan 3:23

Ne iyan insug̵ù din kenitew is: kinahanglan he edtuuwan tew is Anak din he si Jesu Kristu wey ebmahalen tew te kada sevaha is menge zuma tew sumalà is insug̵ù daan dengan ni Jesus.

1 Juan 4:12

Wazè pa etew he nekeahà te Megbevayà, iyan, emun egig̵ineg̵awè kiw, ed-ubpà dini te kenitew is Megbevayà, ne egkeheg̵et is kebmahala ta te Megbevayà dini te g̵ehinawa ta.

1 Juan 5:13

Sikiyu is nemeketuu en te Anak te Megbevayà, ebpesuratan ku sikiyu wey niw metueni he zuen niw en untung he wazà pidtemanan.

1 Juan 5:2

Emun hustu is kebmahala ta te Megbevayà wey is kedtumana ta te menge sug̵ù din, egketuenan ta he hustu zaan is kebmahala ta te menge zuma ta he anak te Megbevayà.