1 Juan 2:26 - Manobo Western Bukidnon

²⁶ Ebpesuratan ku sikiyu wey kew med-andam su zuen menge etew he tarù is ibpetuuwan dan pezem keniyu.

1 Juan 2:26 Cross References

Marcos 13:22

Su ebpenlepew is teruen he etew he egkeg̵iyen dan he iyan sikandan sikan is hadì he mibpilì te Megbevayà wey ke egkeg̵iyen dan be he ebpeneuven sikandan te Megbevayà. Ne ebpemeehè dan te egkengein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Kulusas 2:18

Duen daan menge etew he egkag̵i he lavew sikandan tenged te zuen kun menge egkein-inuwan he impaahà kandan wey tenged te kenè dan mepelevawen. Ne ibpenurù dan he kinahanglan he ebpekeazap ki te menge velinsug̵uen te Megbevayà ziyà te langit. Kenè niw, menge suled, itetenged is kedsudì dan keniyu su is iring dutun he etew, ne ebpezalig dà, iyan, wazà hustu he ketezengan te kebpezalig dan su iyan ebayàbayà te isip dan is kelibutanen he kebayè dan.

Kulusas 2:8

Andam kew su kela ke zuen egkabig keniyu pinaag̵i te kebpenurù te tuluuwen he tarù ne wazè din pulus su imbilinbilin dà te menge etew. Kenà haazà hustu he tuluuwen su kenà ebpuun diyà te ki Kristu.

1 Timoteo 4:1

Utew keladu is impesavut te Wag̵as he Mulin-ulin he keuzemà te ketepusan he timpu zuen menge etew he kenè en edtuu te tutuu he tuluuwen, kekenà, iyan ebpemineg̵en dan is impinted te menge teruen he menge mulin-ulin. Ebpemineg̵en dan is impenurù kandan te menge mezaat he mulin-ulin

2 Timoteo 3:13

Iyan, is menge lalung he etew, wey is menge uvag kun tumutuu, ed-iseg mulà ebmezaat is menge ulaula zan. Edtezinen dan is isip te menge etew, iyan, egketazin daan is kandan he isip.

1 Juan 3:7

Menge anak ku, kinahanglan he kenè niw pemineg̵a is minsan hentei he teruen he ebpenurù pezem keniyu. Iyan tutuu is: ke zuen etew he ed-ulaula te hustu ne iyan sikandin metazeng he etew iring te metazeng si Kristu.

2 Juan 1:7

Mezakel is nemenlepew he ebpenurù te tarù dini te kelibutan. Egkeg̵iyen dan he si Jesus is mibpilì te Megbevayà he ibpahadì, wazà sikandin mehimu he etew. Is minsan hentei he iyan haazà egkeg̵iyen dan, teruen sikandin wey kuntada ni Kristu.