1 Juan 1:3 - Manobo Western Bukidnon

³ Edtudtulen ku en keniyu haazà is neehè dey wey nezineg dey ziyà te kandin su wey kew mebpekid-upakat kenami su nekid-upakat key zaan te Amey tew he Megbevayà wey te Anak din he si Jesu Kristu.

1 Juan 1:3 Cross References

Juan 17:11

Ne g̵untaan ed-ulì ad diyan te kenikew ne kenè e en ed-ubpà dini te kelibutan, iyan, heini is menge etew he g̵aked ta, dini zan pa te kelibutan. Wag̵as he Amey ku, pinaag̵i te g̵ehem te ngazan nu, ipata nu heini is menge imbeg̵ey nu kediey he etew su wey mesevaha sikandan iring te sevaha ki zà.

Juan 17:21

Amà, idhangyù ku sikandan pudu wey mesevaha zà is isip dan iring te kegkesevaha ta. Dini ka te kedì ne ziyan a zaan te kenikew. Edhengyuen ku zaan he mesevaha sikandan dini te kenita su wey meketuu is menusiyà he midsug̵ù a kenikew.

Juan 17:25

Wag̵as he Amey ku, is menge etew zini te kelibutan he kuntada nu, wazè dan mesavut ke hentei ka, iyan, siak, nesavut ku; ne heini is menge etew he g̵aked ta, nesavut dan he midsug̵ù a kenikew zini.

Juan 17:3

Ne iyan heini paag̵i he egkezawat dan is untung he wazà pidtemanan. Kinahanglan he egkesavut dan ke hentei ka is sevaha zà he tutuu he Megbevayà wey kinahanglan he egkesavut dan daan ke hentei a is Anak nu he si Jesu Kristu.

Juan 19:35

Siak is midsurat kayi, edtistig̵usan ku he tutuu heini su neehè ku en. Netuenan ku he tutuu heini is insurat ku. Umba insurat ku su wey kew zaan meketuu.

Nengeulaula 13:32

Ne sikami zaan,” ke si Pablo, “dini key g̵untaan su ibpesavut dey keniyu is Meupiya he Tudtulanen. Duen ed-ul-ulahan te Megbevayà he impenaad din dengan te menge kepuun tew.

Nengeulaula 13:41

‘Sikiyu is edsumpalit, utew kew egkeinuinu te ebeelan ku. Ne ebpatey kew su zuen ebeelan ku he egkeehè niw, iyan, kenè niw edtuuwan minsan duen edseysey keniyu.’ ”

Nengeulaula 2:42

Ne te kada andew ebpemineg dan te ibpenurù kandan te menge epustul. Mibpekid-upakat dan te langun he menge tumutuu ne mibeelan dan te tedeman is kebpatey ni Jesus pinaag̵i te kegkaan te supas ne layun dan ed-ampù.

Nengeulaula 20:27

su in-amin ku keniyu ipenurù is minsan hengkey he egkesuatan te Megbevayà.

Nengeulaula 4:20

Kenà egehimu he kenè dey idsangyew is nezineg dey wey is neehè dey,” ke si Pedro.

Ruma 15:27

Utew meupiya ziyà te g̵ehinawa zan is kebeg̵aya zan kayi te tavang, ne utew hustu zaan heini su zekelà is utang dan diyà te menge tumutuu he Hudiyu ziyà te Hiruselim su pinaag̵i te menge Hudiyu neuwit dini te kandan te kenà menge Hudiyu is Lalag te Megbevayà, ne tenged kayi hustu zaan ke zuen selapì he igketavang dan diyà te menge Hudiyu he egkengeayuayu.

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

1 Kurintu 1:9

Is Megbevayà, egkeserig̵an tew is lalag din, ne iyan sikandin mibpetuu kenitew wey kiw mebpekid-upakat ki Jesu Kristu he iyan Anak din wey iyan Nengazen tew.

1 Kurintu 15:1

Ne g̵untaan, menge suled ku te kedtuu, ed-umanan ku sikiyu te ebpenurù mehitenged te Meupiya he Tudtulanen he impesavut ku zengan keniyu, ne midtuuwan niw ne midhemenan niw.

2 Kurintu 13:14

Berakat he ikeg̵ag̵ew kew te Nengazen tew he si Jesu Kristu wey verakat he ipeehè keniyu te Megbevayà he mahal kew ziyà te g̵ehinawa zin wey verakat daan he meheg̵et is upakat niw te Wag̵as he Mulin-ulin. Iyan a si Pablo.

Ipisu 3:6

Ibpesavut ku keniyu heini is in-eles dengan he sikiyu is kenà menge Hudiyu, pinaag̵i te kedtuuwi niw te Meupiya he Tudtulanen, edtuvazan kew zaan te Megbevayà te langun he meupiya he idtuvad din te menge Hudiyu. Ne idragkes kew zaan dutun te lawa ni Kristu. Ne egkezawat niw is menge penaad te Megbevayà tenged te kebpekidsevaha niw ki Jesu Kristu.

Pilipus 1:7

Hustu iyan is ked-isipa ku keniyu te iring kayi su minsan ke pinirisu a wey ke kenà a pinirisu wey ke edsangyew a te Meupiya he Tudtulanen wey ke edtevaken ku is menge kuntada te Lalag te Megbevayà, mahal kew layun dini te g̵ehinawa ku su pudu kiw ingkeg̵ag̵ew te Megbevayà.

Pilipus 2:1

Menge suled, netuenan ku he ingkeheg̵et te kedtuu niw is kebpekidsevaha niw ki Kristu, ne netuenan ku zaan he naawà is menge keseengan niw mehitenged te hizu zin keniyu. Ne netuenan ku zaan he neupakat kew pinaag̵i te Wag̵as he Mulin-ulin, ne ebpekedhihizuwè kew wey ebpelimlimuey kew is menge tumutuu.

Pilipus 3:10

Iyan dà guntaan ibmeupiya te g̵ehinawa ku is kegketueni ku te menge ulaula ni Kristu wey is kebulusi kedì te g̵ehem he iyan sikan is gehem he ingkevanhew zin. Egkesuatan ku he mekeambit a zaan duen te kemeresayan he mid-antus din he iyan is ked-engkezi ku te kediey he egkesuatan iring te kandin he kebelevag̵a te untung din.

Kulusas 1:13

Midtevangan kiw te Amey tew he Megbevayà ne tenged kayi wazè kiw en maan meveyveyai te kerusireman, he ke và dà egkeg̵iya, si Setanas. Ne g̵untaan iyan en ebayàbayà kenitew is Anak te Megbevayà he si Jesus he utew mahal ziyà te g̵ehinawa te Megbevayà.

1 Tiselunika 1:10

Su edteg̵azan niw kun is kedlikù te Anak din he ebpuun te langit. Iyan si Jesus he Anak te Megbevayà he mibanhew zin. Iyan si Jesus he midlibri kenitew te silut wey kiw mekeliyu te ebpekeuma he kedlimasa te Megbevayà te menusiyà.

1 Timoteo 6:2

Ke tumutuu ki Kristu is egalen, kinahanglan he kenà maawà is kedtahud kandin te sulug̵uen din he tumutuu tenged te telesuled dan pinaag̵i ki Kristu. Kinahanglan he tuwas pa he meupiya is baal te sulug̵uen din tenged te tumutuu wey minahal te Megbevayà sikan is egketevangan dan pinaag̵i te vaal zan. Iyan heini ipenurù nu wey ipesavut nu ziyà te menge tumutuu.

Hibriyuhanen 2:12

Su zuen insurat he lalag din he edhenduen te, “Sikew is Megbevayà, edtudtulan ku is menge hazi ku mehitenged kenikew. Egkentahan ku is kedalig ku kenikew ziyà te etuvangan te langun he ed-azap kenikew.”

Hibriyuhanen 3:1

Ne tenged kayi, menge suled ku te kedtuu, mid-umbita kew zaan te Megbevayà wey kew mekeubpà keuzemà diyà te langit. Purungi niw isipa si Jesus. Iyan sikandin kes midsug̵ù te Megbevayà dini te kelibutan wey sikandin mehimu he lavew he memumuhat he edtavang kenitew kayi te kebpesakup tew te Megbevayà.

Hibriyuhanen 3:14

Su sikitew, emun edhemenan tew is daan he kedsarig tew ki Kristu, duen tew pudu upakat kandin.

1 Pedro 5:1

Sikiyu is ebmeg̵urangen te menge tumutuu, duen idhangyù ku keniyu su ebmeg̵urangen a zaan. Nekevantey a te kedresaya zengan ki Kristu ne iring keniyu, ebpekeseled a zaan te vulawan he ed-ulian he ibpeg̵awag̵awa keuzemà.

2 Pedro 1:16

Sikan is impenurù dey keniyu mehitenged te egkeulaula keuzemà ke edlikù is Nengazen tew he si Jesu Kristu he utew zekelà is gehem din, ne kenà heini tetezemen dà he midhimu te etew zà duen. Netuenan dey su nemesahan dey en is mekeg̵eg̵ehem he anlag din.

1 Juan 1:1

Ebpesuratan ku sikiyu mehitenged ki Kristu. Migeraran sikandin te Lalag he ebpekeveg̵ey te wazà pidtemanan he untung. Daan en sikandin te wazè pa tukuza is kelibutan. Ne minsan pa zutun neehè dey sikandin ne nekepemineg key te migkag̵i zin. Neehè dey ne neg̵ewezan dey sikandin.

1 Juan 1:5

Ibpesavut ku keniyu is impesavut kenami te Anak te Megbevayà he is Megbevayà, iyan sikandin puunà te kerayag ne wazà minsan hengkey he merusirem diyà te kandin.

1 Juan 1:7

Emun merayag mulà is ibayè tew iring te merayag is Megbevayà, he ke và dà egkeg̵iya, emun mibpesakup kiw te Megbevayà, egkeupakat kiw ne layun kiw edlumpiyuwi te minsan hengkey he salè tew pinaag̵i te kebpelisi kenitew te lengesa ni Jesus he Anak te Megbevayà.