Visimo 1:5 - Livulu lya Shukulu Kalunga

⁵ Visimo evi vyasa kuwezelela ku mana a vaje valinawo, vyasa kutwamenena lalo vaka-kulilongesa,

Visimo 1:5 Cross References

Visimo 12:1

Woshe uje azema mana azema kumunangula, oloni uje azinda kumwendekela napu cilema.

Visimo 9:9

Cuma coshe cije wendeka na munu muka-mana, cikamunyanyamesa. Vyoshe vije viwuleka muka-vushunga, vikawezelela ku mana endi.

1 Kolinte 10:15

Njendeka kuli yeni ngwe vanu vaka-mana, iluleni yeni vavenya vije vinjendeka.

Yombi 34:16

“Nga munazivisisa tolilileni vinjendeka.

Yombi 34:10

“Ngecivene, njitolilileni, yeni vanalume vaka-kuzivisisa! Njambi kesi kulinga vuvi nambe kamandondo, co Muka-nzili yoshe kesi kulinga vuvi embwe.

Yombi 34:34

“Munu woshe muka-mana mwa vushunga asa kutava, co munu woshe wakunyanyama uje anjiziva, nendi lalo akendeka ngwendi

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

Visimo 14:6

Vanu vaka-kulyalesa kuvasa kupwa vaka-mana, oloni cacasi kuli vihwanga kulilongesa.

Muka-kwambulula 9:11

Njanangukile cuma cikwavo lalo ngeci muno mu kaye, vaka-kushatuka manene kuvesi kuhyana kushatuka simbu yoshe, co vaka-kusimpa kuvesi kuhyana nzita simbu yoshe, co vaka-mana kuvesi kuwana vufuko simbu yoshe, na vaka-vutongwe kuvesi kuwana vitumbamo vyakama simbu yoshe. Luvinda lukaija ku munu woshe-iwoshe.

Kwituluka mu Mashiko 4:6

Ngecivene, ononokeni mashiko, co eci cikamwesa vanu va miyati yeka mana eni. Omo vakaziva mashiko oshe awa, co vakendeka ngwavo, ‘Mwa vushunga muyati ou vali na mana nakuzivisisa kwakuvwa!’

Yombi 34:2

“tolilileni ku majwi ange, yeni vaka-mana, co jendekeleni matwi eni kuli yange, yeni vaka-kuzivuka vyuma,

Visimo 8:33

Tolilileni vije njimilongesa. Pweni vaka-kunyanyama, co kesi muvyombwanese.

Visimo 9:8

Kesi unangule muka-kulyalesa, akakuzinda lika ngoco. Oloni nga unangula munu wakunyanyama, co munu wa cifwa cangacije akakuzema.

Visimo 18:15

Vaka-mana vali na cishota-mbunge cakuzivuka mana, co matwi a vaka-kunyanyama ashaka mana.

Visimo 19:25

Nyanyamesa muka-kulyalesa, co cilema alilongeselao, nga u muka-mana, ukatolilila ku vije vakunangula.

Visimo 21:11

Omo muka-kuyeluwisa atambula cihiso cendi, co cilema alilongeselao, munu wa mana atolilila ku vije vamunangula.