Hoziya 9:12 - Livulu lya Shukulu Kalunga

¹² Oloni nameme valela vana, anga njikavatambulavo naumo wai njikasezao wakuyoya. Omo njikajenjuka vanu ava, co vyuma vyavikalu vikalingiwa kuli vakevo.”

Hoziya 9:12 Cross References

2 Vimyene 17:18

Shukulu Kalunga waluvalele na vaIsalele, co kashakele kuvamona, wasezele lika vumwene vwa Yunda.

2 Vimyene 17:23

noo akukotoka Shukulu Kalunga kashakele kuvamona, ngwe mwavanangwile ali vangamba vendi vaka-kwimanena ngwendi akalingamo. Ngecivene, vanu va Isalele vavatwalele ku vunzinda ku Asilya, kukekwo kuvali na lelo lino.

Yombi 27:14

Nambe vakakala na vana vavangi va vanalume, oloni voshe vakavatsiila mu nzita, co vana vavo kuvakakala na vyakulya vyakupwisamo.

Njelemiya 15:7

Njikamishandola kutunda mu vinganda vyoshe vya mu lifuti ngwe lihunzi lipekumuna vishati. Njikaminyongesa yeni vanu vange, njatsiile vana veni, omwo kumwatundile ku vingila vyeni vya vuvi.

Njelemiya 6:8

Eni vanu va mu Yelusalema, tuyando otu tupwe twakuminangula, kutewa njikamiseza, co nganda yeni njikaipwisa mambo, muje naumo wai akakalamo.”

Mbimbi 2:20

Yove Shukulu Kalunga, kenga ali vaje ulinakuyandesa! Vanakazi valinakulya vana vavo vaje vavazema! Vaka-kukombelela na vaka-kwimanena valinakuvatsiila mu Njuvo yove!

Mbimbi 2:22

Yove walanyele vitozi vange ngwe ku litangwa lya ciwano, ngeci vanjizivise munjunju. Co naumo wai waputumukile a litangwa lya vukalu vwove. Vatsiile vana vange, vaje njalelele nakuvazema.

Hoziya 7:13

“Vananyongo! Vananjiseza nakunjitengulukila. Vakavanyongesa. Njashakele kuvamena, oloni kunjilemesa kwavo kwapwile kwa makuli.

Hoziya 9:13

Shukulu Kalunga, njilinakumona vana vavo valinakuvayomba nakuvatsiya.

Hoziya 9:16

Vanu va mu Isalele vanapu ngwe muti uje wakuma mizi, co kuwesi lalo nakwima vushuka. Kuvakakala lalo na vana, oloni nameme vakakala navo, co njikatsiya vana vavo vaje vavazema manene.”

Malakiya 2:12

Shukulu Kalunga atundise voshe vaka-kulinga ngacije mu munga ya Isalele, co kesi avatavese lalo kupangela amo mu vin̄ombelo vije vivanena vanu kuli Shukulu Kalunga Muka-nzili yoshe.

Kulava 14:34

Ngwe kulava matangwa makumi awana aje mwakanengele lifuti, ngecivene, mukayanda myaka makumi awana omwo vilinga vyeni vyavivi. Litangwa limo linapu mwaka umo, co matangwa makumi awana anapu myaka makumi awana. Co mukanjizivuka akumilwisa.

Kulava 26:65

Omwo Shukulu Kalunga wendekele na vanu va Isalele ngwendi, “Mwa vushunga vene muvavoshe mukatsila muno mu Mambo, naumo wai akasalao, kuvanga lika Kalembi muna Njefune, na Yoshwa muna Nune.”

Kwituluka mu Mashiko 28:18

“Shukulu Kalunga akamisinga, akamyana vana vavandondo, na vimbuto vyavindondo, na vingombe vavandondo, na vana va vimanga vavandondo.

Kwituluka mu Mashiko 28:32

Vana veni va vanalume na ava va vanakazi vakavana ku muyati weka ngwe vindungo, co a litangwa na litangwa mukatungumuna mesho eni, nakukengelela mwangoco ngweni amo vana veni vakavelwisa.

Kwituluka mu Mashiko 31:17

Omo evi vinalingiwa, co njikaluvala navo manene nakuvaseza, co vakavanyongesa. Tuyando twakama tukavawana, asinoni vakananguka vyuma evi vikalingiwa, co vakazivuka ngwavo, Njambi waiho akati kavo, ngeci tuyando otu tunete ali vakevo.

Kwituluka mu Mashiko 32:25

Vanu vakatsa mu vitapalo ku moko ya mukwale, na munjunju ukakala mu membo. Vakwenje na vambanda vakatsa, co vimbututu na tukulukazi vakatsa.

Maako 4:16

Mbalake washekele mashwalale na matemba, kweta na mu Haloshete ya Vaka-kujeneka kukulaela, co mashwalale voshe va Sisela vavatapele mitwe na mukwale. Naumo wai wasaleleo.

1 Samwele 16:14

Co Munzinzime wa Shukulu Kalunga watundile muli Saulu, ngecivene, Shukulu Kalunga watumine munzinzime wauvi, co wamuyandesele.