Hoziya 5:15 - Livulu lya Shukulu Kalunga

¹⁵ “Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Hoziya 5:15 Cross References

Kushangumuka 42:21

co valyendekesele akati kavo ngwavo, “Eyo, ololo tulinakuyanda ali vije vitwalingile kuli ndolome yetu. Twamumwene ali mu tuyando twakama manene omo watulombele ngeci tumukwase, oloni kutwamutolililile. Ngecivene, tuli mu tuyando otu ololo.”

2 Mizimbu 7:14

nga vanu vange vaje vanaliluku lizina lyange vakalikeesa, nakulombela, nakushakezeka cizango cange nakutenguluka ku vingila vyavo vya vuvi, co njikavaziva oku njili mwilu, njikavasambesa ku vuvi vyavo, co lifuti lyavo likakala mwamuvwa.

Yombi 33:27

Co ikeye akendeka mu mbunga ya vanu ngwendi, ‘Njalingi vuvi. Kunjalingile mwamuvwa embwe, oloni Njambi nanjamena.

Myaso 107:13

Asinoni mu tuyando twavo vatambekele kuli Shukulu Kalunga, co Shukulu Kalunga wavamenene ku tuyando twavo.

Myaso 107:19

Asinoni mu tuyando twavo, vatambekele kuli Shukulu Kalunga, co wavamenene ku tuyando twavo.

Myaso 107:28

Asinoni mu tuyando twavo vatambekele kuli Shukulu Kalunga, co wavamenene ku vukalu vwavo.

Myaso 107:6

Asinoni mu tuyando twavo, vatambekele kuli Shukulu Kalunga, co wavamenene ku tuyando twavo.

Myaso 132:14

“Omu mukemwo munjikakala myaka yoshe, omu mukemwo munjishaka kushwana.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 78:34

Omo watsiileo vamo, co vaje vasaleleo velukile kuli ikeye, co vatengulukile nakulombela manene kuli ikeye.

Myaso 83:16

Vazivise shwamwa yove Shukulu Kalunga, noo vatenguluka nakukulemesa.

Visimo 8:17

Njizema vaje vanjizema, voshe vaje vanjishakezeka vasa kunjiwana.

Isaya 18:4

Shukulu Kalunga wendekele kuli yange ngwendi, “Njikakenga asi na kwoloka kuluu oku njili mwilu, ngwe lime lilinakuwila asi vutsiki omo kuli ntwima a simbu ya kuteja, ngwe misha ya litangwa a simbu ya mutanya.

Isaya 26:16

Shukulu Kalunga, omo wahisile vanu vove, mu tuyando twavo valombelele kuli yove.

Isaya 26:21

Shukulu Kalunga alinakwija kutunda mwilu muje mwakala mukuhisa vanu va ano asi omwo a vuvi vwavo. Kulitsiya kuje kwalingiwile mu vushweke ano asi kukajomboloka, co livu kulikashweke vanu vaje vavatsiile.

Isaya 26:9

Mbunge yange ilinakukushaka a simbu ya vutsiki, omwo viyongola vyove vimwesa vanu voshe ano asi muje muvanapande kuyoya mwa vushunga.

Njelemiya 2:27

voshe vaje vendeka ngwavo muti wapwa ishweni, co limanya lyapwa vanyoko. Eci cikalingiwa omwo munatundu kuli yange, kumwelukile kuli yange embwe. Oloni omo muli mu tuyando, co munjilomba ngeci njimikwase.

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Njelemiya 3:14

“Ilukeni kuli yange, yeni vanu vakujeneka kulongwa. Mu nganda na nganda njikambatamo munu umo-umo, co ku cikota na cikota njikambata vavali-vavali, co njikamiilwisa ku Munkinda wa Siyone.

Mbimbi 3:40

Twiluleni vingila vyetu yetu vavenya nakwiluka kuli Shukulu Kalunga.

Ezekiyele 10:4

Co vumpau vwa Shukulu Kalunga vwasholokele muli vaje vikashama, co vwezile ku cikolo ca Njuvo ya Shukulu Kalunga. Asinoni lije lishelwa lyashulisile Njuvo ya Shukulu Kalunga, co cije cipango cavyazimine na ceke.

Ezekiyele 11:23

Asinoni vumpau vwa Shukulu Kalunga vwatundile a nganda, vwaile a munkinda wa mu ngangela.

Ezekiyele 20:43

Asinoni mukanuka vyuma vyoshe vya vunyengwe vimwalingile na muje mumwalijwalesele. Mukaziva vunyengwe omwo vyuma vyoshe vije vyavivi vimwalingile.

Ezekiyele 36:31

Mukanuka futisi ya vuvi vweni na kupenga-penga kuje mwalingile, co mukakala na vunyengwe yeni vavenya, omwo vuvi vweni na milonga yeni.

Ezekiyele 6:9

kuje vakakala mu vunzinda. Co kuje vakanjanuka, nakuzivuka ngeci yange njinavahisa nakuvazivisa shwamwa, omwo vimbunge vyavo vyakujeneka kukulaela vyanjisezele, co vazemene tumponya kutuvakana yange. Co vakaziva vunyengwe, omwo vuvi na vyuma vya shwamwa vije vivalingile.

Ezekiyele 8:6

Njambi wendekele kuli yange ngwendi, “Muna munu, wamono vije vilinakulingiwa ndi? Kenga ku vyuma vya vunyengwe vije vivalinakulinga vanu va Isalele kuje, valinakunjishekela kulyala manene kutunda ku mwela wange wakujela. Ukamona vyuma vya shwamwa manene kutuvakana evi.”

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Hoziya 5:6

Co vatwala vimanga vavo na vingombe mukukombelela kuli Shukulu Kalunga, oloni valinakulipesa ngoco. Kuvasa kumuwana, omwo navaseza.

Mika 1:3

Shukulu Kalunga akaija kutundilila mu mutambela wendi wakujela, akashuluka asi nakwendangana akamwa ya minkinda.

Kulava 21:7

Co vanu vezile kuli Mosesa vendekele ngwavo, “Tunalingi vuvi omo tunalinyenyetele nakutengulukila Shukulu Kalunga nove lalo. Ololo tulombelele kuli Shukulu Kalunga ngeci atundise ava manyoka.” Ngecivene, Mosesa walombelelele vanu.

Luka 13:25

Omwo vavenya njuvo akemana nakushoka lipito, cooni omo mukemana anja nakutota a lipito ngweni, ‘Shukulu, tushokolweleko!’ Co akamikumbulula ngwendi, ‘Kunjizivuka oku kumutunda.’

Maako 4:3

Njavine wakele na matemba a vikuvo akupwa 900, co ikeye washwanene vanu va Isalele na muuka na vukalu myaka makumi avali. Asinoni vanu va Isalele valililile kuli Shukulu Kalunga ngeci avakwase.