Hoziya 4:11 - Livulu lya Shukulu Kalunga

¹¹ Shukulu Kalunga alinakwendeka ngwendi, “Vinyu vyalaja nevi vyaviha vijenekesa vanu vange mana!

Hoziya 4:11 Cross References

Visimo 20:1

Cinapu cuma ca vulema kunwa vinyu, nakupenda kunena kalwa, vaka-kupenda vinyu kuvesi na mana.

Visimo 31:4

Ove Lemwele tolilila, vimyene kuvapandele kunwa vinyu, nambe vaka-kushwana kuvapandele kushungwiya kunwa vwala.

Visimo 6:32

Oloni munu uje alinga vupangala kesi na mana. Alinakulinyongesa lika ikeye vavenya.

Muka-kwambulula 7:7

Omo muka-mana akwisa umo nafu ngwe cilema, nga utambula lizika-kanwa uviisa mana ove.

Isaya 28:7

Vaka-kwimanena na vaka-kukombelela vanapende, co valinakutalyangela. Vananu manene vinyu na vwala, vatalyangela nakujeneka kuzivuka vivalinga. Vaka-kwimanena na vaka-kukombelela vanapende manene ngeci vanonwa kuzivisisa vimona vyanavamwesa Njambi, nakusompa mwamuvwa milonga ije ivalinakuvanenela.

Isaya 5:12

Ku viwano vyeni kwakala tulyalya, na tumbulumbumba, na vimbendo, na vinyu. Oloni kumuzivuka vije vyalinakulinga Shukulu Kalunga,

Njelemiya 23:13

Njinamono vuvi vwa vaka-kwimanena va ku Samaliya, vanambulula mu lizina lya Mbale nakuungumwisa vanu vange va Isalele.

Hoziya 4:12

Vanu vange valomba mana ku tumponya twavo twa viti! Co viti vivaleka vije vivashaka kuzivuka! Vananjiseza. Ngeci mwa munakazi uje alipwisa cikwizi, vanu vange vanalyana vakevo vavenya ku vinjambi veka.

Hoziya 5:4

Vuvi vuje vuvanalingi vanu vunavonwesa kwiluka kuli Njambi yavo. Vanakakateya manene tumponya, co kuvesi nakwononoka Shukulu Kalunga.

Hoziya 7:11

Isalele alinakupulula ngoco ngwe liyembe wakujeneka mana, vanu vendi akulivanga valinakusana Ingito mukuvakwasa, co lalo vatewela ku Asilya!

VaLevi 10:9

“Yove na vana vove va vanalume kesi mukovele mu Mbalaka Mwakuliwanena omo munanu vinyu nambe vwala. Nga mulingamo, co mukatsa. Eli likelyo lishiko lya ku myaka yoshe limukanyunga na vatekulwila veni voshe ku visemwa vyoshe vya kulutwe.

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

1 Samwele 25:36

Avingaile welukile kuli Navale, ikeye wakele nakulinga ciwano mu njuvo yendi, ngwe ciwano ca mwene. Navale wavwaelelele manene omo wapendele, ngecivene, Avingaile kamulekele cuma cimo noo alikaki mutondo.