Hoziya 4:1 - Livulu lya Shukulu Kalunga

¹ Yeni vaIsalele tolilileni ku majwi a Shukulu Kalunga, omwo Shukulu Kalunga alinakusompa vanu vaje vali mu lifuti eli. Shukulu Kalunga alinakwendeka ngwendi, “Kulongwa na cizemo vyaimo mu lifuti, co vanu kuvesi nakutava ngeci yange njapwa Njambi.

Hoziya 4:1 Cross References

1 Vimyene 22:19

Mikaya wamukumbulwile ngwendi, “Ololo tolilila eci cendeka Shukulu Kalunga! Njamwene Shukulu Kalunga natumbama a litanda lyendi mwilu, na tungelo twendi voshe vemanene kuli ikeye ku cilyo na ku cimoshwe.

Myaso 81:9

Yeni kumwapandele kukala na njambi weka, nambe kulemesa njambi weka embwe.

Isaya 1:10

Yove Yelusalema, vaka-kushwana vove na vanu vove, vanafu ngwe vanu va mu Sondoma na Ngomola. Tolilila kuli vije vyendeka Shukulu Kalunga. Tolilila vije vyakulongesa Njambi yetu.

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Isaya 28:14

Ngecivene, tolilileni lijwi lya Shukulu Kalunga yeni vaka-kulyalesa mulinakushwana mu Yelusalema.

Isaya 34:1

Shwenyeni muyehi, yeni miyati ya vanu voshe na vaka-kaye voshe, na vyoshe vije vilinakuyoyao, ijeni kuno mwakutolilile.

Isaya 34:8

Eyi ikeyo simbu omo Shukulu Kalunga akapatula Siyone na nakulinga shambandinga vitozi vendi.

Isaya 5:3

Musamba wange alinakwendeka ngwendi, “Yeni vandambo va mu Yelusalema neni muli mu Yunda, sompeni akati kange na citungu cange ca mikolovozi ya vushuka vwa vinyu.

Isaya 59:4

Muya ku mbanja, oloni kumwesi na vushunga. Mukalingi matumbe eni akuvulumuna vakweni.

Isaya 59:8

kumuzivuka kukala mu kwoloka. Vyuma vyoshe mukalingi vyapwa vyakujeneka vushunga. Mukakavangeya vingila vya kupenga-penga, na voshe vaje vamikavangeya kuvesi kuwana kwoloka.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Njelemiya 11:7

Omo njatundisile vakukulwila vavo mu Ingito, njavanangwile ngeci vanjononoke, njavanangwile kushwakumo kweta na ku litangwa lya lelo.

Njelemiya 19:3

Ya ukendeka ngwove Shukulu Kalunga nendeka ngwendi, ‘Tolilileni yeni vimyene va mu Yunda, na vanu va mu Yelusalema, tolilileni vinjendeka yange Kalunga Muka-nzili yoshe, Njambi ya Isalele. Njikanena tuyando twakama mu mutambela ou ngeci vanu voshe vakatuziva vakalikasamena.

Njelemiya 2:4

Tolilileni ku lijwi lya Shukulu Kalunga, yeni vatekulwila va Yakomba, yeni miyati ya Isalele.

Njelemiya 2:9

“Ngecivene, yange Kalunga, njikanena n̄anda yange mukusompa yeni vanu vange. Njikasompesa lalo vatekulwila veni.

Njelemiya 25:31

co cilumo ciketa na aje asikisila kaye. Shukulu Kalunga ali na n̄anda na vaka-mafuti. Akakungulwila vanu ku cisompelo, nakutsiya vaka-vuvi. Shukulu Kalunga nendekamo.’ ”

Njelemiya 34:4

Zendekiya, tolilila vinjendeka kuli yove, kuvakakutsiila mu nzita embwe.

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Njelemiya 4:28

Kaye kakalila, co lilu likazivala. Shukulu Kalunga nendekamo, co kakatengulula viyongola vyendi. Mukemwo mwanayongola, co kakatengululako mweka lalo.

Njelemiya 5:4

Asinoni njayongwele ngwange, “Vanu ava vapwa tuutu vakujeneka mana. Vakalingi vyuma vya vulema, kuvazivuka vije vyashaka Shukulu Kalunga Njambi yavo ngeci vavilinge.

Njelemiya 51:5

Yange Kalunga Njambi Muka-nzili yoshe, kunjasezele vanu va mu Isalele na vanu va mu Yunda, nameme vanalingi vuvi ku mesho ange muka-kujela wa Isalele.

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Njelemiya 7:28

Ukavaleke ngwove muyati wavo kuvesi nakunjononoka yange Kalunga, Njambi yavo, nambe kulilongesa omo njavanyanyamesele. Vushunga vunahu kuvesi nakuvusimutwiya lalo.

Njelemiya 9:20

Njelemiya wendekele ngwendi, “Yeni vanakazi tolilileni lijwi lya Shukulu Kalunga. Longeseni vana veni va vanakazi kulila, nakulongesa vasamba veni kwimba myaso ya vusiwa.

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

Njelemiya 9:7

Omwo vyuma evi, Shukulu Kalunga Muka-nzili yoshe alinakwendeka ngwendi, “Njikajelesa vanu vange ngwe vutale, co njikaveseka. Vanu vange vanalingi vuvi, vikajo lalo vinjilinga navo?

Ezekiyele 16:35

Ngecivene, Yelusalema, yove cikwizi! Tolilila evi vyendeka Shukulu Kalunga.

Hoziya 12:2

Shukulu Kalunga nawana mulonga ku vanu va mu Yunda, co lalo akanyanyamesa Isalele a vyuma vije vanu vendi valinakulinga. Akavalinga shambandinga a vije vivanalingi.

Hoziya 12:3

Kukulwila yavo Yakomba walwile na munaina simbu vacili mwimo lya vaina, co omo Yakomba wakolele, walwile na Njambi.

Hoziya 5:1

“Tolilileni vyuma evi, yeni vaka-kukombelela! Umbeniko mbunge, yeni vanu va mu Isalele! Tolilileni, yeni vaka-naanga ya vumwene! Munapandele kusompa mu vushunga, ngecivene, cihiso cikaija ali yeni! Yeni munapu ngwe nganjo ku Mizipa, munapu ngwe linimbwa lije vajangumwina a Munkinda wa Tambole.

Hoziya 5:4

Vuvi vuje vuvanalingi vanu vunavonwesa kwiluka kuli Njambi yavo. Vanakakateya manene tumponya, co kuvesi nakwononoka Shukulu Kalunga.

Njwele 1:2

Tolilileni, yeni vakulunu, munu woshe ali mu Yunda, atolilile. Kuma cuma cimo cakufwa ngwe eci calingiwile a simbu yeni nambe a simbu ya vakukulwila veni ndi?

Amose 3:1

Yeni vanu va Isalele, tolilileni majwi awa anendeka Shukulu Kalunga kuli yeni, muyati woshe vaje vaatundisile ku Ingito,

Amose 7:16

Ngecivene, ololo tolilila ku majwi a Shukulu Kalunga. Yove ngwove kesi njambulwile Isalele vuka-kwimanena, co lalo ngwove kesi njambulwile lijwi njuvo ya Isake.

Mika 6:2

“Yeni minkinda, yeni luvula lwa ku myaka yoshe lwa asi, tolilileni ku n̄anda ya Shukulu Kalunga! Shukulu Kalunga ali na n̄anda na vanu vendi. Akasompesa Isalele.”

Yowano 8:55

Oloni yeni kumwamuzivukile, yange njimuzivuka. Nga njendeka ngwange kunjimuzivuka, co njipwa nji muka-makuli ngwe yeni. Oloni yange njimuzivuka, co njinonoka lijwi lyendi.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

Kujombolola 2:11

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, kutsa kwamucivali kucikavavulumuna.

Kujombolola 2:29

“Nga uli na matwi, tolilila vije vyalinakwendeka Munzinzime ku vikungulukilo!