Hoziya 3:4 - Livulu lya Shukulu Kalunga

⁴ Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Hoziya 3:4 Cross References

Kushangumuka 31:19

Oloni omo Lambani nailaja mukuteula vimanga vendi, co Lakele wevile tumponya twa ishe.

Kushangumuka 31:34

Lakele wambatele tumponya twa mu njuvo ya ishe nakutushweka mu njeke ya selei ya kamelo, co watumbameneo. Nameme ngoco, Lambani washakezekele mu mbalaka mwoshe, oloni katuwanene.

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

2 Samwele 6:14

Ndaviti wazalele nanga ya linyu mu mbunda yendi, co wakinine na nzili yendi yoshe nakusingimika Shukulu Kalunga.

2 Vimyene 23:24

Akukolesa mashiko aje avasonekele mu livulu lije lyawanene Hilikiya Muka-kukombelela Wakama mu Njuvo ya Shukulu Kalunga, Mwene Yosiya watundisile mu Yelusalema na mu Yunda vanu voshe vaka-kwendeka na vakulu na vaka-kulukiya na vinjambi voshe va mu vinjuvo na tumponya na vivala vyoshe vije vivalemeselele vaje vaka-kujeneka kukulaela.

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

Kutuuka 28:4

Co valeke vatonge kananga ka a nulo, na kangamuna na cikoveyo cacilaja, na sanya yakushoveya, na kalupusa, na mwiva. Co vatongele ndolome yove Alone na vana vendi vuzalo vwakujela vwa vuka-kukombelela, ngeci vanjipangele vipangi vya vuka-kukombelela.

Kutuuka 28:6

“Co vatonge kangamuna ka ulu yakuzivuluka, na yakuvenguluka, na yakuvenga, na nsambo ya ngolinde yakupepuka, na nanga yaivwa ya linyu yakushoveya.

Mbimbi 2:9

Vikolo vinanyongo mu livu, mikambo yavyo yoshe inatsenozoka. Mwene na vanu va vulemu ololo vali mu vunzinda. Ololo naumo wai lalo alongesa mashiko, co vaka-kwimanena kuvesi na vimona lalo vyakutunda kuli Shukulu Kalunga.

Ezekiyele 19:14

Nsina ya mukolovozi wa vushuka vwa vinyu washwamene tuhya, co tuhya twenyekele minango yawo na vushuka. Co ije minango kuyikakolo lalo, nakupwa milamu ya vaka-kushwana embwe. Ou ukewo mwaso wa vusiwa, vakele nakuwimba-imba kushwakumo.

Ezekiyele 20:32

Munayongola ngeci mushaka kupwa ngwe miyati yeka, nakufwa ngwe vanu vaje vayoya mu mafuti eka nakulemesa tumponya twa viti na mamanya. Oloni eci kucikalingiwa embwe.”

Ezekiyele 21:21

Mwene wa ku Mbambilone nemana ku masambwa-ngila ku manda ya cimweso. Mukweseka kuwana ngila ika yaila, alinakuningangesa mikili yendi, nakwihula tumponya twendi, nakwilula mwamuvwa lishuli lya kasitu wakukombelela.

Ezekiyele 21:31

Vukalu vwange vukaija ali yeni ngwe tuhya twakushukuma. Co njikamyana ku mavoko a vanu vavavi, vaje vazivuka manene kunyongesa vanu.

Ndanyele 11:31

Mashwalale vendi vamo vakajwalesa Njuvo ya Shukulu Kalunga. Vakavindika kukombelela kwa a litangwa na litangwa, co vakemika Cimweso ca Vunyengwe.

Ndanyele 12:11

“Kutunda a simbu ije vakavindika kukombelela kwa a litangwa na litangwa, eci cinapu kutunda a simbu ije ya Cimweso ca Vunyengwe, kukaita matangwa akupwa 1,290.

Ndanyele 9:27

Ngecivene, ntwama uje akalizivasana na vanu vavangi a myaka itanu na ivali, omo vingonde vitatu na litambelo vya myaka eyi vineti, co akavindika vanu kukombelela nakulambula. Co Cimweso ca Vunyengwe cikakala akamwa-kamwa ya Njuvo ya Shukulu Kalunga, noo uje wacakeleo vakamunyongesa kuli Njambi.”

Hoziya 13:10

Mwalombele mwene na vantwama, oloni vatijo vasa kwamena lifuti?

Hoziya 13:11

Mukuluvala kwange njamyanene vimyene, co omo lalo njaluvalele manene njavatundisileko.

Hoziya 2:11

Co njikavindika viwano vyendi vyakulisamba vyoshe, viwano vyendi vya a mwaka na mwaka, na a ngonde na ngonde na viwano vyendi vyakulisamba a Litangwa Lyakuhwima, na vikungulukilo vyendi vyoshe vyakulemesa.

VaLevi 8:7

Co wazikile Alone sanya na cikoveyo cacilaja, co wamuzitikile mwiva wa kandombe mu mbunda yendi. Wamuzikile lalo kangamuna, wakakutile na mwiva wako wauvwa wakwosha mu mbunda yendi.

Zakaliya 10:2

Vanu vakai nakwihula ku tumponya na kuli vaka-kulukiya, oloni kukumbulula kwavo kwapwa kwangoco na makuli. Vamo vakalumbununa vinjozi, oloni vamitanganesa lika, kuzembeleka kuje vakamwesa kwapwa kwangoco. Ngecivene, vanu vakalyendanganena ngoco ngwe vimanga kuvesi na kanyungi. Vali mu vushonde omwo kuvesi na ntwama.

Zakaliya 13:2

A litangwa lije njikatundisa mazina a tumponya mu lifuti, co naumo wai lalo akavanuka. Njikatundisa woshe uje akalitumbula muka-kwimanena, co njikatundisa cizango cakulemesa tumponya.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Yowano 19:15

Vatambekele ngwavo, “Mutsiye! Mutsiye! Mushukike a cilindakano!” Pilato wavehwile ngwendi, “Kuma mushaka njishukike mwene yeni a cilindakano ndi?” Vakulunu va vaka-kukombelela vakumbulwile ngwavo, “Kutwesi na mwene weka lalo wai kuvanga Sezale!”

VaHevelu 10:26

Omwo nga tulinga vuvi na cizango omo tunazivuka laja vushunga, co kukwesi lalo n̄ombelo yeka yakutundisa vivi.

Maako 17:5

Co uje munalume Mika wakele na njuvo yakulemesela vinjambi. Watongele kangamuna kakwola nakushonga tumponya, co wemikile umo wa vana vendi kupwa muka-kukombelela wendi.

Maako 18:14

Asinoni vaje vanalume vaile nakunenga lifuti lya Laishe, vendekele kuli vandolome vavo ngwavo, “Yeni mwazivuka ngeci kuno a vinjuvo evi, kuli imo ili na njambi wa citi wakufwika na siliva ndi? Co kuli vinjambi vakwavo lalo na kangamuna kakwola. Vatijo muyongola mutunapande kulinga?”

Maako 8:27

Co Ngilyone wafulile kamponya ka ngolinde, co wakaakele mu limbo lyendi mu Ofela. Co vaIsalele voshe vakengesele Njambi nima, vaile nakulemesa kamponya. Co eci capwile mweto kuli Ngilyone na naanga yendi.

1 Samwele 14:3

(Ahiya muka-kukombelela wazalele kangamuna, Ahiya wapwile muna ndolome ya Ikambonde, Ahitumbe, wapwile muna Finehase mutekulu wa Eli, muka-kukombelela wa Shukulu Kalunga mu Shilo.) Vanu kuvazivukile ngeci Yonatana nai ku cilombo ca vaFilisitiya.

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 2:18

Mu simbu ije vene Samwele wakele nakupangela Shukulu Kalunga, co wazalele kangamuna ka linyu kakujela.

1 Samwele 21:9

Ahimeleki wamukumbulwile ngwendi, “Njili na mukwale wa Ngolyata uje kaFilisitiya iwatsiilile mu Cana ca Ela, ukewo uli munima ya kangamuna kange, wakuzengela a nanga. Nga uushaka, wambate, cikeco lika citwa cili kuno.” Ndaviti wendekele ngwendi, “Njanewo, omwo kukwesi mukwale wakuvambuka kutuvakana ou!”

1 Samwele 22:18

Ngecivene, Saulu wendekele kuli Ndoenge ngwendi, “Vatsiye!” Co Ndoenge wavatsiile voshe. A litangwa lije, watsiile makumi atanu na atatu na vanu vatanu vaka-kukombelela, vaje vapandelemo mukuzala tungamuna twa linyu.

1 Samwele 23:6

Omo Aviyatale muna Ahimeleki watewelele kuli Ndaviti ku Keila, wambatele kangamuna.

1 Samwele 23:9

Omo Ndaviti wazivile ngeci Saulu ali na vutumbe vwakumulwisa, wendekele kuli Aviyatale muka-kukombelela ngwendi, “Nena kangamuna kuno.”

1 Samwele 30:7

Ndaviti wendekele kuli Aviyatale muka-kukombelela muna Ahimeleki ngwendi, “Njinenele kangamuna.” Co Aviyatale wamuneneleleko.