Hoziya 2:21 - Livulu lya Shukulu Kalunga

²¹ A simbu ije vene njikakumbulula malombelo a vanu vange va Isalele.

Hoziya 2:21 Cross References

Isaya 55:10

“Lijwi lyange linapu ngwe nyonzi ya vusuku-mbundu na nyonzi ije itunda kwilu nakujulisa asi aje akamene vimbuto vyakukuna, na vimbuto vya vinona vyakulya.

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Isaya 62:5

Ngwe mukwenje ambata mumbanda uje kanda alimone na munalume kupwa shombolwa yendi, uje wakutangele akakwambata. Ngwe muka-kwambata avwaelela na shombolwa yendi, ngeci Njambi yove akavwaelela muli yove.

Isaya 65:24

Njikakumbulula malombelo avo simbu kanda vacimanese kulombela.

Ezekiyele 36:29

Njikamyamena ku vyuma vyoshe vije vikamijwalesa. Njikamenesa vimbuto ngeci vikapwe vyavingi, ngeci kesi mukakale lalo na njala ya lyangengela.

Hoziya 14:7

Vakakala kuli yange mu kwoloka. Co vakakola ngwe vimbuto, nakutuma manene ngwe mukolovozi wa vushuka vwa vinyu. Co vakapwa vaka-lutsimo ngwe vinyu vya ku Lembanone.

Njwele 2:19

Co wavakumbulwile ngwendi, “Ololo njikamyana vimbuto na vinyu na mazi a olive, co mukapwisamo oni. Miyati yeka kuvakamiyeluwisa lalo.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Zakaliya 8:12

Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao.

Zakaliya 8:8

njikavatundisa mu ngangela na mu kangombe ka yambi ngeci vakukale mu Yelusalema. Vakevo vakapwa vanu vange, nange lalo njikapwa Njambi yavo, njikavashwana na kulongwa na vushunga.

Malakiya 3:10

Neneni vyoshe vyavulikumi ku cishete, ngeci mu Njuvo yange mukale vyakulya vyavingi. Kacinjesekeni tayi nga kunjikamishokolwela vinjanena vya mwilu nakumyana vyuma vyavingi vije mukajeneka kwakuvitulikila.

Malakiya 3:11

Njikavindika vimbimba kulya vimbuto vyeni, co mikolovozi yeni ya vushuka vwa vinyu ikaima vushuka vwavungi.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Loma 8:32

Njambi kavyanene kwana Munendi umolika, oloni watweceleleye yetu voshe! Uje watwanene Munendi, kuma kasa kutwana vyuma vyoshe ndi?