Hoziya 2:2 - Livulu lya Shukulu Kalunga

² Vana vange, lambeleleni vanyoko, nameme vene ikeye kapwile munakazi wange, co lalo yange kesi nji munalume wendi. Mulambeleleni ngeci alikele vupangala vwendi na vukwizi vwendi.

Hoziya 2:2 Cross References

Isaya 11:12

Shukulu Kalunga akanena cimweso ku miyati, co akakungulwila lalo amo vanu va Isalele na vanu va Yunda vaje valishandokelele mu vimbango viwana vya ano asi.

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Isaya 58:1

Shukulu Kalunga alinakwendeka ngwendi, “Tambekeni manene ngwe mumunasela! Lekeni vanu vange va Isalele a vuvi vwavo!

Njelemiya 19:3

Ya ukendeka ngwove Shukulu Kalunga nendeka ngwendi, ‘Tolilileni yeni vimyene va mu Yunda, na vanu va mu Yelusalema, tolilileni vinjendeka yange Kalunga Muka-nzili yoshe, Njambi ya Isalele. Njikanena tuyando twakama mu mutambela ou ngeci vanu voshe vakatuziva vakalikasamena.

Njelemiya 2:2

“Ya ku Yelusalema ukambulwile vanu voshe, ngwove Shukulu Kalunga nendeka ngwendi, ‘Njanuka kulongwa kwove omo wapwile u mwanike, na cizemo cove omo njakwambatele, na muje wanjikavele mu mambo, mukati ka lifuti lije kuvalimine.

Njelemiya 3:1

Shukulu Kalunga alinakwendeka ngwendi, “Nga munalume akondola munakazi wendi, co uje munakazi ashomboka kweka, munalume wendi kasa kumwilwisa lalo kuli ikeye. Eci cikajwalesa lifuti lyoshe. Oloni Isalele unakala na mapangala vavangi manene, co ololo ushaka kwiluka lalo kuli yange!

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Njelemiya 3:18

Isalele akalipandakana na Yunda, co voshe vakatunda mu vunzinda mu lifuti lya ku kunto, co vakeluka ku lifuti lije linjanene vakukulwila veni kupwa vufuko vwa ku myaka yoshe.”

Ezekiyele 16:20

“Co lalo watambwile vana va vanalume na ava va vanakazi vaje vawanjikitilile nakuvakombelela kupwa n̄ombelo ku tumponya. Kuma kucapwile cacivi manene kujeneka kulongwa kuli yange,

Ezekiyele 16:25

Yove wakokelele vuvwa vwove mukati ka mandova. Yove walyanene kuli munu woshe uje wezile kuyehi nove, co yove walipwisile cikwizi a litangwa na litangwa.

Ezekiyele 20:4

“Muna munu, unalivwaesela cimweja kuvasompa ndi? Unapande kuvasompa. Vanukise vyuma vya vunyengwe vije vivalingile vakukulwila vavo.

Ezekiyele 23:43

Co njalyendekesele yange vavenya ngwange valinakulinga vukwizi na munakazi uje wezilila laja kulinga vupangala.

Ezekiyele 23:45

Vaka-vushunga vakasompa vanakazi ava va vupangala a mulonga wakutsiya, omwo vanakazi vanalingi vupangala, co ku mavoko avo kuli maninga.”

Hoziya 1:2

Omo akulivanga Shukulu Kalunga wendekele kuli Isalele ali Hoziya, co wendekele kuli Hoziya ngwendi, “Ya ukambate munakazi, munakazi wove akapwa wakujeneka kulongwa, na vana vove vakapwa ngwe ikeye. Mu ngila imo vene, vanu vange vananjiseza vanapu vakujeneka kulongwa.”

Hoziya 2:1

Ngecivene, sana vakweni vaIsalele ngwove “Vanu va Njambi” na “Vaje Vaazema Shukulu Kalunga.”

Hoziya 2:5

Omwo Ngomele wendekele ngwendi, “Njikakava vaka-cizemo cange vakanjana vyakulya na mema, na vyakuzala vya maka a vimanga na nanga ya linyu, na mazi a olive, na vinyu.”

Hoziya 4:5

Vutsiki na mutanya mukatanozoka, co lalo na vaka-kwimanena valinakutanozoka ngeci mweni. Co njikanyongesa Isalele, vanyoko.

Mika 2:13

Njambi akavashokolwela ngila, nakuvatwamenena kutunda mu vunzinda. Co vakatavozola vikolo vya nganda nakuliila ngoco. Mwene wavo, Shukulu Kalunga akavatundisamo.

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.