Hoziya 11:2 - Livulu lya Shukulu Kalunga

² Nameme yange njamusanene oloni ikeye watundile kuli yange. Vanu vange vakombelelele kuli Mbale, co venyekelele insense ku tumponya.

Hoziya 11:2 Cross References

1 Vimyene 12:33

Co a litangwa lyamulikumi na atanu ku ngonde yamucitanu na vitatu, a litangwa lije lyemikile, Yelovowame waile ku Mbetele nakukombelela n̄ombelo a mutula mukulisamba a ciwano cije cemikilile vanu va Isalele.

1 Vimyene 18:19

Ololo shika vanu va Isalele voshe ngeci njikaliwane navo ku Munkinda wa Kalemele. Co ija na vaka-kwimanena va Mbale 450, na vaka-kwimanena va vinjambi va Ashele 400 vaje vakali ku mesa na Vamwene Njezevele.”

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Isaya 65:7

vuvi vwavo na vuvi vwa vakukulwila vavo. Vanenyekela insense ku tuzangu twa a malundu twa vaka-kujeneka kukulaela nakwendeka mwamuvi kuli yange. Ngecivene, njikavahisa ngwe ku vilinga vyavo vije vivalingile simbu ya kunima.”

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 35:13

“Yange Kalunga, Muka-nzili yoshe, Njambi ya Isalele njikutuma ukehule vanu va mu Yunda na vanu va mu Yelusalema ngwove omo vikajo mulinakuvyana kutolilila kuli yange nakwononoka vilongesa vyange?

Njelemiya 44:5

Oloni yeni kumwatolililile nambe kumbako mbunge. Yeni kumwombilile vilinga vyeni vyakukombelela ku vinjambi veka.

Hoziya 11:7

Valambelela ngeci vatunde kuli yange. Vakalilila kuli yange omwo mandauluwa ije ili ali vakevo, oloni naumo wai akavatundisayo.

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

Hoziya 4:13

Co aje a mitambela yakujela akamwa ya minkinda akeo valinakukombelela vin̄ombelo, co a malundu venyekelao insense mwisi ya miti yailaja, yakujanjavala, omwo munzinze unapu wauvwa! “Omwo vyuma evi, vana veni va vanakazi vanapu vikwizi, na vanyokomweno valinakulinga vupangala.

Hoziya 4:17

Vanu va mu Isalele vanaangula kulemesa tumponya. Veceleni vaye mu ngila yavo.

Zakaliya 1:4

Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka.

Zakaliya 7:11

“Oloni vanu vange vakaluwisile vimbunge vyavo manene, co vavyanene kunjitolilila. Vashokele mana avo,

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Yowano 3:19

Co omu mukemwo mucikapanga cihiso, ceke cinaija ano a kaye, oloni vanu vazema lisusulungu kutuvakana ceke, omwo vilinga vyavo vyapwa vyavivi.

Vilinga vya Miluwa 7:51

“Setefano wendekele kuli vakevo ngwendi, ‘Yeni vanu vakukaluwa! Yeni vanu va vimbunge vyakujeneka kukulaela, matwi eni anashoko ku lijwi lya Njambi! Yeni lalo mulinakuvyana Munzinzime Wakujela ngwe muvalingile vakukulwila veni.

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 2:13

Vasezele kulemesa Shukulu Kalunga, co vapangelele vaMbale, na vaAsitalete.

Maako 3:7

Co vanu vaIsalele valingile vuvi ku mesho a Shukulu Kalunga, vevalele Shukulu Kalunga Njambi yavo, nakulemesa tumponya twa vaMbale na Ashela.