Hoziya 11:1 - Livulu lya Shukulu Kalunga

¹ Shukulu Kalunga alinakwendeka ngwendi, “Omo Isalele wapwile mwanike, njamuzemene, tunde a simbu ije watundile mu Ingito, co njamutumbwile ngwange munange.

Hoziya 11:1 Cross References

Myaso 129:1

Vananjiyandesa visimbu vyavingi tunde ku vukwenje vwange. Isalele endeke ngwendi,

Kutuuka 19:4

“Yeni mwamwene vije vinjalingile yange Kalunga kuli vaka-Ingito, na muje njamyambatele ngwe mwakambata ngonga vana vendi vavandondo a mambava endi, nakuminena kuli yange vavenya.

Kutuuka 4:22

Asinoni ukendeka kuli mwene ngwove Shukulu Kalunga nendeka ngwendi, ‘Isalele wapwa munange wa munalume, ikeye ntwatwa yange.

Kutuuka 4:23

Njakulekele ngwange tava ngeci munange aye akanjilemese. Oloni nga uvyana, co njikatsiya munove wa ntwatwa wa munalume.’ ”

Isaya 43:4

Muli na seo na kasingimiko kuli yange, eci cikeco canenesele ngeci njecele mafuti na miyati ya vanu ngeci njimyamene.

Njelemiya 12:7

Shukulu Kalunga alinakwendeka ngwendi, “Njinaseze vaIsalele, njinavyana muyati wange wakwangula. Njinaana vanu vaje vanjazema mu mavoko a vitozi vavo.

Njelemiya 2:2

“Ya ku Yelusalema ukambulwile vanu voshe, ngwove Shukulu Kalunga nendeka ngwendi, ‘Njanuka kulongwa kwove omo wapwile u mwanike, na cizemo cove omo njakwambatele, na muje wanjikavele mu mambo, mukati ka lifuti lije kuvalimine.

Ezekiyele 16:22

A simbu yakuyoya kwove kwa vunyengwe omo wapwile cikwizi, kuwanukile simbu ya vwanike vwove, omo wakele mushelengwa nakulivulunga mu maninga ove.”

Ezekiyele 16:6

“Asinoni omo njetile kuyehi nove, njakumwene ulivulunga mu maninga ove, walivulungile mu maninga, oloni njakuyoyesele.

Hoziya 10:15

Omu mukemwo mucikapwa kuli yeni vanu va ku Mbetele, omwo vuvi vuje vwakama vumunalingi. Omo nzita ikashangumuka, co mwene wa Isalele akatsa.”

Hoziya 12:13

Co Shukulu Kalunga watumine muka-kwimanena mukupatula vanu va mu Isalele ku vundungo mu Ingito, nakuvanyunga mwamuvwa.

Hoziya 12:9

Oloni yange Kalunga Njambi yeni, uje wamitundisile mu Ingito, njikamilingisa ngeci mukakale mu vimbalaka lalo, ngwe muje mumwakele omo njezile kuli yeni muje mu mambo.

Hoziya 13:4

Shukulu Kalunga alinakwendeka ngwendi, “Yange Kalunga Njambi yeni, uje wamitundisile mu Ingito. Kesi mukakale lalo na Njambi weka kuvanga ange lika. Yange lika njapwa muyoyesi weni.

Hoziya 2:15

Co njikamwana lalo vitungu vyendi vya mikolovozi ya vushuka vwa vinyu vije vyakele navyo laja, nakutengulula Cana ca Tuyando kupwa cikolo ca cinyangavili. Co akanjitava ngwe muje mwalingile omo wapwile wamundondo, omo watundile ku Ingito.

Malakiya 1:2

Shukulu Kalunga alinakwendeka ku vanu vendi ngwendi, “Njamizema simbu yoshe.” Oloni vakumbulula ngwavo, “Watuzema vatijo?” Shukulu Kalunga akumbulula ngwendi, “Isau na Yakomba vapwile mu vundolome vwavo, oloni yange njinazeme Yakomba na vatekulwila vendi,

Mateo 2:15

kuje vakakele noo Helonde watsile. Eci calingiwile ngeci vipwe vya vushunga vije vyendekele Mwene muli muka-kwimanena ngwendi, “Munange njamusanene ku Ingito.”

Kwituluka mu Mashiko 33:3

Shukulu Kalunga wazema vanu vendi, nakunyunga vaje vanapu vendi. Ngeci tukatsikama ku mendi endi nakulemesa, co tukononoka mashiko endi.

Kwituluka mu Mashiko 7:7

“Shukulu Kalunga kamizemene nakumyangula omwo kutuma kweni kutuvakana miyati yeka embwe. Yeni mwapwile muyati waundondo manene akati ka vanu voshe.