Hoziya 10:3 - Livulu lya Shukulu Kalunga

³ Vanu ava ololo vendeka ngwavo, “Kutwesi na mwene omwo kutwakomokele Shukulu Kalunga. Oloni cuma mukajo lalo napande kutulingila mwene?”

Hoziya 10:3 Cross References

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

2 Vimyene 15:13

Mu mwaka wamumakumi atatu na itanu na iwana omo Uziya wapwile mwene wa mu Yunda, Shalume muna Njambeshe wapwile mwene wa mu Isalele, washwanene mu Samaliya ngonde imolika.

Myaso 118:9

Cinapu cuma cacivwa kutewela kuli Shukulu Kalunga, kutuvakana kukulaela vantwama va ano asi.

Myaso 12:4

“Na majwi etu tuwana vije vitushaka. Twendeka mwoshe mutushakela, co naumo wai atuvindika.”

Isaya 5:19

Mwendeka ngweni, “Shukulu Kalunga azambule kulinga vije vyendekele, ngeci tuvimone. Njambi wa Isalele wakujela atumbe matumbe endi, ngeci tumone viyongola vyendi.”

Hoziya 10:15

Omu mukemwo mucikapwa kuli yeni vanu va ku Mbetele, omwo vuvi vuje vwakama vumunalingi. Omo nzita ikashangumuka, co mwene wa Isalele akatsa.”

Hoziya 10:7

Mwene wa mu Samaliya vakamwambata, ngwe citi cilinakuungumuka na mema.

Hoziya 11:5

“Oloni vavyanene kwiluka kuli yange, ngecivene, vanapande kwilukila lalo ku Ingito, ngeci vaAsilya vakavashwane.

Hoziya 13:10

Mwalombele mwene na vantwama, oloni vatijo vasa kwamena lifuti?

Hoziya 13:11

Mukuluvala kwange njamyanene vimyene, co omo lalo njaluvalele manene njavatundisileko.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Mika 4:9

Omwo vikajo ulinakulilila nakutendeka? Omwo vikajo ulinakuyandela ngwe munakazi ali a funga? Omwo kuwesi na mwene, co lalo na vaka-kunangula vove vanatsi ndi?

Yowano 19:15

Vatambekele ngwavo, “Mutsiye! Mutsiye! Mushukike a cilindakano!” Pilato wavehwile ngwendi, “Kuma mushaka njishukike mwene yeni a cilindakano ndi?” Vakulunu va vaka-kukombelela vakumbulwile ngwavo, “Kutwesi na mwene weka lalo wai kuvanga Sezale!”

1 Samwele 12:25

Oloni nga yeni mutwalao kulinga vuvi, co yeni na mwene yeni mukanyonga.”