Hoziya 10:2 - Livulu lya Shukulu Kalunga

² Vanu vaje vimbunge vyavo vinapu vya makuli ololo vanapande kuyanda a vivi vyavo. Njambi akasiwula mitula yavo nakupokozola vimanda vyavo vyakujela.

Hoziya 10:2 Cross References

1 Vimyene 18:21

Elinja wemanene kulutwe lwavo wendekele ngwendi, “Simbu ikajo mukalyangwila ou imunapande kupangela? Nga Shukulu Kalunga ikeye Njambi, co mulemeseni, oloni nga Mbale ikeye Njambi, co mulemeseni.” Oloni vanu kuvendekele lijwi nalimo lyai.

Kutuuka 23:24

Kesi mukatsikamene vinjambi vavo nakuvalemesa, co kesi mutembunwine futisi yavo yakulemesa. Nyongeseni vinjambi vavo nakusiwula mamanya a vimanda vyavo vyakulemesela.

Visimo 11:18

Vanu vavavi kuvasa kuwana cuma cimo, oloni nga ulinga mwa vushunga co ukawana cikandelela.

Isaya 44:18

Vanu va cifwa cangacije vapwa vilema manene, kuvazivuka vije valinakulinga. Vanashoko mesho avo na viyongola vyavo ku vyuma vya vushunga.

Njelemiya 43:13

Ikeye akanyongesa tumponya twa ku Helyopolise mu Ingito nakwenyeka lalo vinjuvo vya vinjambi va Ingito.”

Ezekiyele 14:5

Tumponya tuje twoshe tunatengulula vaIsalele nakuvatundisa kuli yange, oloni kukumbulula kwange kukavatengulula, co vakanjisingimika lalo.

Hoziya 12:11

Oloni tumponya valinakutulemesa mu Ngilyande, co vaje vatulemesa vakatsa. Co vingombe va nkomba vavakombelela kupwa vin̄ombelo ku Ngilingale, mitula ikapwa ngwe mitumbo ya mamanya akuvujuka.”

Hoziya 13:16

Samaliya vanapande kuyinyanyamesa akunjitengulukila. Vanu vendi vakatsila mu nzita, co vimbututu vakavamwashwila asi, co tufumba-kazi vakavatavula memo.”

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Hoziya 7:8

Shukulu Kalunga alinakwendeka ngwendi, “Vanu va mu Isalele vanapu ngwe mukasha wa likende uje kuwahile kwoca. Valinakuyoyela ali vaka-mafuti vaje vanavazengeleka,

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Mika 5:13

Njikanyongesa tumponya tweni na vimanda vyeni vya mamanya vyakujela, co kumukalemesa lalo vyuma vije vimukapanga.

Zefaniya 1:5

Njikanyongesa vanu voshe vaje vakalondo akamwa ya njuvo nakulemesa litangwa, na ngonde, na vingongonosi. Co lalo njikanyongesa vaje vakulaesa ngwavo vakanjipangela mu kulongwa, oloni valisinga lalo mu lizina lya njambi Moleki.

Zakaliya 13:2

A litangwa lije njikatundisa mazina a tumponya mu lifuti, co naumo wai lalo akavanuka. Njikatundisa woshe uje akalitumbula muka-kwimanena, co njikatundisa cizango cakulemesa tumponya.

Mateo 6:24

“Munu naumo wai asa kupangela vashukulu vavali, kuvanga azindeo umo nakuzemao mukwavo, nambe apwa wa kulongwa ku umo nakushaula mukwavo. Co kuwasa kupangela Njambi nakupangela lalo vimbongo.

Luka 16:13

“Kukwesi ngamba asa kupangela vashukulu vavali, kuvanga azindeo umo nakuzemao mukwavo, nambe apwa wa kulongwa ku umo nakushaula mukwavo. Co kuwasa kupangela Njambi nakupangela vimbongo.”

Yakomba 1:8

Munu wa vimbunge vivali akapelyangela mu vingila vyendi vyoshe.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

1 Yowano 2:15

Kesi muzeme kaye nambe cuma cije cinakundama ku kaye. Nga muzema kaye, co kumwesi nakuzema Tate.

1 Samwele 5:4

Co alikaki mutondo-tondo vamwene lalo Ndangone nawila asi kulutwe lwa Cikasa ca Cikumiiyo. Co a simbu ije mutwe wendi na mavoko endi oshe avali vyavatukile nakuwila mu cikolo, kwasalele lika muvila.