Hoziya 1:6 - Livulu lya Shukulu Kalunga

⁶ Ngecivene, Ngomele wakele na mwana wamucivali lalo, a simbu eyi wapwile mwana wa munakazi. Co Shukulu Kalunga wendekele kuli Hoziya ngwendi, “Muluke lizina ngwove ‘Wakujeneka Kuzema,’ omwo kunjikamwesa lalo cizemo ku vanu va Isalele nambe kuvasambesa embwe.

Hoziya 1:6 Cross References

2 Vimyene 17:20

Shukulu Kalunga wavyanene vaIsalele voshe, wavahisile, co wavakundikile kuli vitozi vakukaluwa noo akukotoka voshe vatundile ku mesho endi.

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Hoziya 1:8

Omo Ngomele washumwine munendi wa munakazi, co wakele na limo lalo lya mwana weka wa munalume.

Hoziya 2:23

Njikatungisa vanu vange mu lifuti nakuvavezikisa. Co njikamwesa cizemo kuli vaje vavatumbwile ngwavo, “Vakujeneka Kuzema,” nakwendeka kuli vaje vavatumbwile ngwavo “Kesi Vanu Vange,” ngwange, “Mu vanu vange,” co vakanjikumbulula ngwavo, “Yove u Njambi yetu.”

Hoziya 2:4

Kunjikazeme vana vendi, omwo vanapu vana va cikwizi wa shwamwa.

Amose 7:8

Co wanjihwile ngwendi, “Amose, vika unamono?” Co njamukumbulwile ngwange, “Njamono mukole wakusetekesa. Asinoni wendekele kuli yange ngwendi, ‘Njilinakupangesa mukole ou mukukumwesa ngeci vanu vange vanapu ngwe civumbe cakwongomokela anja ya mukole. Co kunjikatengulula lalo viyongola vyange vyakuvanyanyamesa.

Amose 9:8

Yange Kalunga wa Akamwa ya Vyoshe, njilinakukenga a vumwene vwa Isalele ovu vwavuvi, co njikavunyongesa kuvutundisa ano asi. Oloni kunjikanyongesa vatekulwila voshe va Yakomba.

1 Petulu 2:10

A simbu imo kumwapwile vanu va Njambi, oloni ololo munapu mu vanu vendi, a simbu imo kumwazivukile mema ku mbunge ya Njambi, oloni ololo munawana kumizivila mema ku mbunge.