പിലിപ്പിയിര് 3:17 - പുത്തൻ ചട്ടം

¹⁷ കൂട്ടറേ, നാന് ചെയ്ഞ്ഞത്പേല നിങ്ങയും ചെയ്യണം. എങ്ങ നിങ്ങള പടിപ്പിച്ചത് പേല പൊളയ്‌ക്കന്റ ആള്കള കണ്ട് പടിയിൻ.

പിലിപ്പിയിര് 3:17 Cross References

റോമറ് 16:17

ഏശുകിര്ശ്തുവീല് എക്ക് ഇട്ടപ്പെട്ട കൂട്ട്കാറേ, നിങ്ങ ഇത്‌വെരയം കേട്ട പുത്തിപേശത്തീല് വളക്കന്റതീല് അമ്മാന്തം ഒണ്ടാക്കത്തം തടയാകത്തം ചെയ്യന്റാള്കളീനെന്റ് മാറിനെല്ലൻ ഇന്റ് നാന് നിങ്ങളോട കെഞ്ചിക്കേക്കന്റൻ.

1 കൊരിന്തിയിര് 10:32

എകൂതൻമാര്ക്കോ എകൂതൻമാരില്ലാത്ത ആള്കള്ക്കോ പള്ളിക്കാറ്ക്കോ നിങ്ങ തടയാകേറ്.

1 കൊരിന്തിയിര് 11:1

കിര്ശ്തു പൊളച്ചത്പേല നാനും പൊളയ്‌ക്കന്റൻ; നിങ്ങയും എന്നപ്പേലതിന്ന പൊളയ്‌ക്കണം.

1 കൊരിന്തിയിര് 4:16

അത്കൊണ്ട് നാന് ചെയ്യന്റത്പേല നിങ്ങയും ചെയ്യ്‌വാനിക്കി വേണ്ടിയാണും നാന് നിങ്ങളോട കേക്കന്റത്.

പിലിപ്പിയിര് 4:9

എന്റ പേശീലും നാന് ചെയ്യന്റ കാരിയ്‌ത്തീലും നെന്റ് നിങ്ങ പടിച്ചതം കേട്ടതം കണ്ടതം ചെയ്ഞ്ഞതം ഒക്ക ചെയ്യണം; ഇന്റെ നമ്മ്ക്ക് നിമ്മ്തി തെന്റ തെയ്‌വം നിങ്ങള കൂട്ടത്ത് ഇര്ക്കും.

1 തെശലോനിക്കിയിര് 1:6

കൊള്ള കട്ടപ്പാട് കെയ്യേറ്റപ്പനം നിങ്ങ തെയ്‌വത്ത്ന്റ ഉശ്റീലൊള്ള കൂയീല് വയനം കെയ്യേറ്റ് എങ്ങയം കർത്താവും കാട്ടിത്തന്തത് പേല നിങ്ങ പൊളച്ചര്.

2 തെശലോനിക്കിയിര് 3:14

ഈ എയ്‌ത്തീല് എങ്ങ നിങ്ങളോട പേശന്റ കാരിയങ്ങള് കേക്കാത്തവൻ നിങ്ങള കൂട്ടത്തീല് ഒണ്ടങ്ങി അവന നിങ്ങള കൂട്ടത്തീനെന്റ് മാറ്റിനെറത്തണം; ആണയിന്റെ അവൻ നാണിച്ച് പോകും.

2 തെശലോനിക്കിയിര് 3:7

എങ്ങ പൊളച്ചത്പേല പൊളപ്പാനിക്കി നിങ്ങ്ക്ക് തിന്ന തിക്കൊണ്ടില്ലോ? എങ്ങ നിങ്ങള കൂട്ടത്തിര്ന്നപ്പൻ മെടിച്ച് ഇര്‌ന്നിലില്ലോ?

2 തെശലോനിക്കിയിര് 3:9

നിങ്ങളാട്ട്നെന്റ് ഒതവി വാങ്ങ്‌വാനിക്കി എങ്ങ്ക്ക് അവകാശം ഇല്ലാത്തത് കൊണ്ടില്ല നിങ്ങ ഏണ പൊളയ്‌ക്കണമിന്റ് നിങ്ങ്ക്ക് കാട്ടിത്തെര്‌വാനിക്കി വേണ്ടിയാണും എങ്ങ ആണ ചെയ്ഞ്ഞത്.

1 തിമ്ത്തിയോശ് 4:12

എളന്താരി ഇന്റ് പേശി ഒരത്തനം നിന്ന താത്തി കെട്ടാണ്ടിയിരക്കണമിന്റെ നിയ്യ് നിന്റ പേശ്പയമയിലും ശ്‌നേകത്തീലം നമ്പീലും പൊളപ്പീലും നെല്ലവനാഞ്ഞിരക്കണം. അത്പേലതിന്ന മെനയെട്ത്ത് നടക്കാത്തവനം ആകണം; ആണ നിയ്യ് തെയ്‌വത്ത്ന്റ ആള്കള മൊകത്ത് നെല്ലവനാഞ്ഞിരക്കണം.

എപ്പറായിര് 13:7

നിങ്ങ്ക്ക് തെയ്‌വവയനം പേശിതന്ത് നിങ്ങള പെര്കാരിച്ച ആള്കള നെനയിൻ; അവങ്ങള നമ്പും പൊളപ്പും കണ്ട് അത്പേലതിന്ന നിങ്ങയും പൊളയ്‌ക്കണം.

1 പത്ത്റോശ് 5:3

പാത്ത്ട്ത്ത് നടപ്പാനിക്കി നിങ്ങള കെയ്യീല് ഏപ്പിച്ച് വെച്ചിരക്കന്റാള്കളോട അതികാരം നടത്ത്‌വാനിക്കില്ല, അവങ്ങ ഏണ പൊളയ്‌ക്കണമിന്റ് നിങ്ങ ആശിക്കന്റരോ ആണതിന്ന നിങ്ങ അവങ്ങള മൊകത്ത് പൊളച്ച് കാട്ടണം.