RYUREITUHPAZY 9:1 - Mara Bible RV (BSI)

¹ Zerubâlâ sawchapawpa Abimele cha a nô chhôhkhazy yna Sekhe lâ sie ta, a nô chhôhkhazy nata a nô phoheih zydua hnohta,

RYUREITUHPAZY 9:1 Cross References

ÂTHAONA 33:18

Zakaw cha Pâdâ Aramia tawhta Kâna râh liata Sekhe khihpi cha â bohpa ta tlô ta, khihpi tlô hlâta liata poh o rai ta.

ÂTHAONA 34:2

Cha râh bei Hivi chyhsa Hamô sawchapawpa Sekhe ta vaw hmô ta, patu ta, a ziakhei ta, a noh pazao ha ta.

2 SAMUELA 15:6

Cha hawhna chata Absalaw ta abei hnohta biepeipa a vaw tlôkheipa Izarei saw zydua chô liata tao tyh ta. Chatanachata Absalaw ta Izarei chyhsazy palôh cha ano lâta sy lymâ ta.

1 ABEIZY 12:1

Izarei saw zydua ta Rehôbaw cha bei ta tao awpa ta Sekhe liata a hmaoh ei ta, chavâta Rehôbaw cha Sekhe lâ sie ta.

1 ABEIZY 12:20

Zerôbaw â kaw lie haw tahpa Izarei zydua ta ama thei nahta, a hmaohpakhyna liata a vy awpa ta paawsa ei ta, Izarei zydua chô liata bei ta ama tao haw. Zudâh chi tah leipa ta cha Dâvi pathlazy a pazipa ahy hmahta y vei ei.

1 ABEIZY 12:3

Chyhsa tuah ei ta, kei padysa ei ta. Zerôbaw nata Izarei a hmaohpakhypa zydua a vy ei ta, Rehôbaw hnohta,

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 41:5

Sekhe, Silô nata Samâri khihpizy tawhta chyhsa sychariezy cha, ama kâhhmizy ngyupa ta, ama chysiazy hriepa ta nata ama pôhpazy âpa ta vaw tlô ei ta. Abeipa Achhyna o liata hlâ awpa niepa hlânazy nata ropahâhpazy vaw phaoh ei ta.

ZAWSUA 20:7

Chatanachata Nâthalai tlâh râh Kâlili liata Kedesâ khihpi, Epharai tlâh râh liata Sekhe khihpi nata Zudâh tlâh râh liata Kiriathâbâ khihpizy cha abohna khihpizy châta rao ei ta. Kiriathâbâ cha Hebraw tahpa a châ hra.

RYUREITUHPAZY 8:30

Kidia cha lapinô hluhpi a hneipa vâta, ano kalachhôh tawhta a puapa tlai sawchapaw sysari hnei ta.

RYUREITUHPAZY 8:31

Sekhe khih liata a nôtho chhao ta sawchapaw sapa hra ta, a moh Abimele a bi.

RYUREITUHPAZY 8:35

Zerubâlâ, Kidia ama tahpa khata, Izarei sawzy châta hmo phapa hluhpi vaw tao ta, châhrasala a chhôhkha chô liata phana ama palâsa awpa hawhta palâsa khao veih ei.