RYUREITUHPAZY 7:9 - Mara Bible RV (BSI)

⁹ Cha zâ ta Abeipa ta Kidia hnohta,“Thyu la, Midia mo riehmo za chho teh. Na ku liata ei cha pie haw.

RYUREITUHPAZY 7:9 Cross References

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

ZAWBÂ 4:13

Zâ saduthlienazy hry liata, Chyhsazy mokuh pahâpa ta amâ mô chhôh ta,

MATHAI 1:20

Châhrasala he hmo he a pachâ hai nota, Abeipa vâlyuhchâpa cha a hnohta a mâ lâta a vaw luah ta, “Dâvi sawchapawpa Zawsi y, Mâri na lapinô ta hnei awpa chi khah y. A saw phaopa kha Thlahpa Pathaihpa ta a paphaosapa a châ.

MATHAI 2:13

Ama sie tawhta, Abeipa vâlyuhchâpa cha Zawsi hnohta a mâ lâta a vaw luah ta, a hnohta, “Thyu la, hawsaih nata a nô kha a chhi la, Izi râh lâ a râ teh. Herawda ta hawsaih kha pahleipadia awpa ta a tlua awpa vâta, ei cha chho heih hlâlei cha, cha liata y thlâh ha mah y,” tah ta.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

ZAWSUA 10:8

Abeipa ta Zawsua hnohta, “Kha chyhsazy kha chi khah y. Âmo cha na ku liata ei cha pie haw. Na hmiakô liata a duah thei awpa ama hry liata pakha hmah y aw veih ei,” tah ta.

ZAWSUA 11:6

Abeipa ta Zawsua hnohta, “Âmo kha chi khah y. Mylâ tahmâ ti heta âmo cha thie chiehpa ta Izarei ku liata ei pie aw ei. Ama arâ chazawzy chhawh aw chi ta, ama talailihzy mei ta na rao khai aw,” tah ta.

ZAWSUA 2:24

Zawsua hnohta, “Abeipa ta râh zydua eima ku liata miah a vaw pie ha tlai na. Cha râh liata a pahrâpa zydua keimo vâta ama zao khai haw,” tah ei ta.

RYUREITUHPAZY 20:28

Arawna sawchapawpa Eliaza sawchapawpa Phinehâ ta Khazohpa Biehrai Byh hmiakô liata a chakao daihti a châ. Izarei sawzy ta, “Eima unawhpa Benzami sawzy a dyuh awpa ta eima khy heih aw ma, eimâ chalih ha bâ hri aw ma?” tah ei ta. Abeipa ta, “Khy teh u, mylâ nama ku liata âmo ei cha pie aw ei,” tah ta.

RYUREITUHPAZY 3:10

Abeipa thlahpa a chô liata vaw tlô ta, Izarei chô liata ryureih ta. Ôthane cha adyuhna lâ sie ta, Abeipa ta Mesôpôtamia bei Kusarisathai cha a ku liata pie ta, Kusarisathai cha a pahnie haw.

RYUREITUHPAZY 3:28

Ama hnohta, “Na zi teh u, Abeipa ta nama chariahpa Môabâ mo he nama ku liata a cha pie ha ei,” tah ta. Chatanachata Ehu cha pazipa ta zu ei ta, Môabâ râh daih lâta Zawdâh chaka theina su cha la ei ta, ahy hmah chakasa veih ei.

RYUREITUHPAZY 7:10

Za chho awpa na chi khiahta deikua cha, châ chakaotuhpa Purâ kha a chhi la riehmo lâ cha zu mah y.

RYUREITUHPAZY 7:8

Chatanachata Kidia ta chyhsa 300 pangua ta, Izarei chyhsa hropa zydua cha ama poh o lâ padisa khai ta. Chyhsa 300 chata zawpizy niedo nata chiahmiezy la ei ta. Midia mo riehmo cha ama nohdi saikao liata y ta.

1 SAMUELA 14:8

Zawnathâ ta, “Moh teh, haosâ kei chakapa ta chyhsazy yna lâ hao vawh aw pi ta, eimâ kei pahmôsa aw.

1 SAMUELA 23:4

Dâvi ta Abeipa a saohiah heih ta, Abeipa ta a chhy ta, a hnohta, “Thyu la, Keilâh lâ cha zu teh, Philistinâ mo cha na ku liata ei cha pie aw,” tah ta.