RYUREITUHPAZY 7:8 - Mara Bible RV (BSI)

⁸ Chatanachata Kidia ta chyhsa 300 pangua ta, Izarei chyhsa hropa zydua cha ama poh o lâ padisa khai ta. Chyhsa 300 chata zawpizy niedo nata chiahmiezy la ei ta. Midia mo riehmo cha ama nohdi saikao liata y ta.

RYUREITUHPAZY 7:8 Cross References

ISAI 27:13

Cha noh liata, chiahmie lai ngaitapa tôpa châ aw ta, Asuria râh liata a leipazy nata Izi râh lâta papuapazy a vy aw ei ta, Zerusale liata tlâh pathaihpa liata Abeipa amâ chhy aw.

THEIHTHAINA 23:24

“Izarei sawzy chho la, ama hnohta hetana heta reih teh: Thla sarina, cha thla noh khana noh cha nama châta apahâna zachhihpa noh châ ta, chiahmie tôpa ta atheithlâhna noh ta phuah aw ei chi ta, pakhypi pathaihpa hmâna noh a châ aw.

THEIHTHAINA 25:9

Cha tawhta thla sarina, noh hrawhna noh ta chiahmie paro ngaitapa ta patôsa aw chi ta, nama râh zydua liata chiahmie tôpa ta chatlaina noh nama phuah aw.

MALUHREINA 10:9

Nama râh liata khakhaipa châ tlybaipazy a dyuh awpa ta nama sie tita, zikyurâna chiahmiezy nama tô awpa a châ. Chatanachata Abeipa nama Khazohpa hmiakô liata a thei thlâh hapa ta y aw ei chi ta, nama khakhaipazy tawhta pachhapa nama châ aw.

1 KAWRINI 15:52

Chiahmie hnôhchaipa a paro tita, sôkha ta, movi hlâta pananopa ta eima y khai aw. Cha tita, athihpazy cha thi khao lei awpa ta pathyupa châ aw ei ta, keimo chhao pananopa ta eima y ha aw.

ZAWSUA 6:20

Chiahmie pyu a paro nahta, zawpizy cha awh ei ta. Chiahmie pyu ama theipata nahta, zawpizy cha thata awh ei ta, chatanachata thokhy cha cho ta, a phia ta alei liata a pao haw. Chatawhcha zawpizy cha âmo dady chyu ta Khihpi chhôh lâ a ngia ei ta, khihpi cha la ei ta.

ZAWSUA 6:4

Theihthaipa pasari ta Byh hmia lâta mietaku tôhpa ki chiahmie miasari chaba aw ei ta, noh sarina noh ta khihpi cha ei sari chahlô aw ei chi ta, theihthaipazy ta chiahmie cha ama tô aw.

RYUREITUHPAZY 3:27

A tlô nahta, Epharai tlâh râh liata chiahmie tô ta, Izarei sawzy cha a hnohta tlâh râh tawhta zu ei ta, Ehu ta âmo cha chhihtha ta.

RYUREITUHPAZY 6:33

Chatawhcha Midia mo zydua, Amale mo nata nochhi chyhsazy a hmaohpakhy ei ta, Zawdâh chakapa ta, Zezari Saikao liata a rie ei ta.

RYUREITUHPAZY 7:7

Abeipa ta Kidia hnohta, “Ti a paliepa chyhsa 300 hmâpa ta cha pachha aw ei na ta, na ku liata Midia mo ei cha pie aw. Ahropa zydua cha ama o lâ chyu padisa khai teh,” tah ta.

RYUREITUHPAZY 7:9

Cha zâ ta Abeipa ta Kidia hnohta,“Thyu la, Midia mo riehmo za chho teh. Na ku liata ei cha pie haw.