RYUREITUHPAZY 7:13 - Mara Bible RV (BSI)

¹³ Kidia a za tlô daihti cha, chyhsa pakha ta a viasa hnohta a mâ a vaw chho hai no châ ta. Cha chyhsa chata, “Pachâ tua, mâ sa na ta, bâli viahchhâ tlâ tlai cha Midia mo riehmo lâ he a zâ hluah lymâ ta, poh o za su ta, â theih lâta papao ta, poh o cha alei liata â chahyh thlâh haw,” tah ta.

RYUREITUHPAZY 7:13 Cross References

1 KAWRINI 1:27

Châhrasala Khazohpa ta asopazy maoh paphyuh nawpa ta, khizaw hmo hrupazy tlao a tlyh ta, thatlôpazy maoh paphyuh nawpa ta, chiehleipazy tlao â tlyh.

RYUREITUHPAZY 3:15

Izarei sawzy ta Abeipa pado ei ta, Abeipa ta Benzami chi Kerâ sawchapawpa, chavei lâ a paohpa Ehu cha âmo pachhatuhpa ta padua ta. Môabâ bei Ekalaw lâ râhpaw pie awpa ta Izarei sawzy ta Ehu cha tuah ei ta.

RYUREITUHPAZY 3:31

Ehu khai tawhta Anathâ sawchapawpa Sâkâ cha ryureituhpa vaw châ ta. Ano cha viahchao tona chôchahrei ta Philistinâ mo 600 a thiepa a châ. Ano chhao cha Izarei pachhatuhpa a châ hra.

RYUREITUHPAZY 4:21

Siserâ cha a thachhâ kawpa vâta mokuh pahâh ngaitapa ta â mô chhôh ta, Hebe lapinô Zaeli cha poh o khaipâna la ta, syulô chaba ta, Siserâ cha chadi ta, a siali liata a puapahliena taihta khai ta, thi ha ta.

RYUREITUHPAZY 4:9

Debawrâ ta, “Ei cha sielâh aw, anodeikua na lâpi a chhihpa he na châta rônahna cha tlôkhei aw vei, Abeipa ta Siserâ cha chanô ku liata a zuah awpa vâta,” tah ta. Chatawhcha Debawrâ cha thyu ta, Bâraka hnohta Kedesâ lâ cha sie ta.

RYUREITUHPAZY 6:15

Kidia ta a hnohta, “Hy ei zibeipa, kheihta ma Izarei cha ei pachha thei aw? Moh tua, ei pho he Manase chi liata thatlô lei chaipa pho châ ta, keima tlai chhao he ei chhôhkha liata a nawh chaipa ei châ hih,” tah ta.

RYUREITUHPAZY 7:12

Midia mo, Amale mo nata nochhi chyhsa zydua cha khawsu hawh tlai ta hluhpa ta saikao liata vaw y ei ta. Ama râraoseihpazy cha rei tiah awpa châ leipa ta, tilaipi ngiahkâ liata sadi hawh tlai ta ama hluh.

RYUREITUHPAZY 7:14

A viasapa ta a chhy ta, “Cha cha hmo hropa châ vei. Izarei chyhsa Zôasâ sawchapawpa Kidia zaozi a châ chuh. Khazohpa ta Midia mo nata riehmo zydua he a ku liata a pie ha chuh,” tah ta.

RYUREITUHPAZY 8:10

Zebâ nata Zalmunâ cha, nochhi chyhsa pheisaih a thi bâhpa 15,000 chhaota Kakô liata y ei ta. Zaozi a chabapa pheisaih sai ta 120,000 ama thi hapa a châ.