RYUREITUHPAZY 7:12 - Mara Bible RV (BSI)

¹² Midia mo, Amale mo nata nochhi chyhsa zydua cha khawsu hawh tlai ta hluhpa ta saikao liata vaw y ei ta. Ama râraoseihpazy cha rei tiah awpa châ leipa ta, tilaipi ngiahkâ liata sadi hawh tlai ta ama hluh.

RYUREITUHPAZY 7:12 Cross References

1 ABEIZY 20:27

Izarei sawzy cha a pahmaohpakhy ei ta, ama nie awpazy a phaopa ta, Aramia mo a dyuh awpa ta pua ei ta. Izarei sawzy cha mie hri chyhpa hri no lyupa ta Aramia mo hmiakô liata riehmo paryh ei ta. Aramia mo deikua cha a râh dua ta bie thlâh ha ei ta.

1 ABEIZY 4:30

Chatanachata Sawlawmaw sona cha nochhi râh lâta chyhsa zydua sona nata Izi sona zydua a khô haw.

HLAZY 3:1

Hy Abeipa, nâ dyuhtuhpazy ama hluh kaw dia! Chyhsa hluhpi ta na thyuhnao ei ta,

HLAZY 33:16

Abei cha a pheisaih hluh ngaitapa vâta pachhapa ta y leipa ta, Pasaipha chhao a thatlô ngaitapa vâta pachhapa ta y vei.

ZEREMIAH 46:23

A chariahpazy cha, Khawsu hlâta hluh via ei ta, Rei tiah awpa châ veih ei; Chavâta chahryh khai thei rimâ awpa a châ leipa, Izi râhmâhpa chhao ama thlu khai aw.

ZAWSUA 11:4

Cha beizy cha ama pheisaih zydua chhaota chyhsa hluhpi, tilaipi kiah liata sadi zie tlai ta hluhpa ta, arâzy nata talailih hluhpi chhaota pua ei ta.

RYUREITUHPAZY 6:3

Izarei ta chi a chei daihti maihta, Midia mo, Amale mo nata nochhi sawzy a vy ei ta, Izarei sawzy cha a dyuh tyh ei ta.

RYUREITUHPAZY 6:33

Chatawhcha Midia mo zydua, Amale mo nata nochhi chyhsazy a hmaohpakhy ei ta, Zawdâh chakapa ta, Zezari Saikao liata a rie ei ta.

RYUREITUHPAZY 6:5

Ama sahroh nata poh ozy chhaota vaw thyu tyh ei ta, khawsu tlu ta hluhpa ta vaw thyu ei ta, a chyhsa maluh nata ama râraoseihpazy cha rei tiah awpa chhao châ veih ei. A vy ei ta, râh cha roryhrapa ta ama so tyh.

RYUREITUHPAZY 7:13

Kidia a za tlô daihti cha, chyhsa pakha ta a viasa hnohta a mâ a vaw chho hai no châ ta. Cha chyhsa chata, “Pachâ tua, mâ sa na ta, bâli viahchhâ tlâ tlai cha Midia mo riehmo lâ he a zâ hluah lymâ ta, poh o za su ta, â theih lâta papao ta, poh o cha alei liata â chahyh thlâh haw,” tah ta.

RYUREITUHPAZY 8:10

Zebâ nata Zalmunâ cha, nochhi chyhsa pheisaih a thi bâhpa 15,000 chhaota Kakô liata y ei ta. Zaozi a chabapa pheisaih sai ta 120,000 ama thi hapa a châ.

1 SAMUELA 13:5

Philistinâ mo cha Izarei a dyuh awpa ta a pahmaoh ei ta, talailih 30,000 nata arâ pheisaih 6,000 châ ei ta, pheisaihzy chhao tilaipi raphyu liata sadi zie tlai ta ama hluh. Philistinâ mo cha khy ei ta, Bethave nochhi lâchhâh ta Mikamâ liata riehmo paryh ei ta.

1 SAMUELA 30:17

Dâvi ta zâlâ noh hawh khaihpa tawhta a mylâ zâlâ taihta âmo cha thie ta, râraoseihpa kiah ta a râ hapa satlia za palih tah leipa ta cha, chyhsa pakha hmahta a hrohpa y veih ei.