RYUREITUHPAZY 5:6 - Mara Bible RV (BSI)

⁶ “Anathâ sawchapawpa Sâkâ hro chhôh ta, Zaeli hro chhôh ta cha, Lâlaizy hnypa châ ta, Khitlyhpazy lâdy amâ chhih tyh.

RYUREITUHPAZY 5:6 Cross References

2 THÂTIHZYRONA 15:5

Cha daihtizy liata, râh liata a pahrâpazy chô liata tymâna thata a tlôpa vâta, khô pua awpa nata o a di awpa chhao thlalôhna hnei khao veih ei.

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

ISAI 33:8

Lâlaizy pathaih parohpa ta y ta, Khitlyhpa y khao veih ei. Biehrai parao ei ta, Khihpizy khâpasaw ta reih leipa ei ta, Chyhsa hrona chhao pachâ khao veih ei.

ZEREMIAH 6:25

Chariahpa ta zaozi hnei ta, Su to liata chichhihna a ypa vâta, Lyurâhpa lâ pua leipa u la, Lâpi liata chhao si hra khuh vy.

CHAPHÔHTUNA 1:4

Zaio kyhchhi a hlaopa ama y khao leipa vâta, Zaio lâpizy mâchhiesapa ta a y; A thokhy chhikao zydua roryhrapa ta y ta, A theihthaipazy amâ hrô; A laihsazy vâsâhpa ta y ei ta, Ano tlai chhao pasa thata a tao.

CHAPHÔHTUNA 4:18

Chariahpazy ta eima hnie chathô ei ta, Chavâta eima khiliah liata chhao charei thei khao ma pi; Eima chhâna a hniapa ta eima nohzy reipati hapa châ ta, Eima chhâna a vaw tlô haw.

THEIHTHAINA 26:22

Sahrâhpazy nama hry liata vaw tuah aw na ta, cha chata nama sawzy cha lapa aw ei ta, nama sahrohzy ama cha siepa aw. Maluh chyhta ta cha tao aw ei na ta, nama lâpizy cha dâh karopa ta a y aw.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

RYUREITUHPAZY 3:31

Ehu khai tawhta Anathâ sawchapawpa Sâkâ cha ryureituhpa vaw châ ta. Ano cha viahchao tona chôchahrei ta Philistinâ mo 600 a thiepa a châ. Ano chhao cha Izarei pachhatuhpa a châ hra.

RYUREITUHPAZY 5:7

Izarei liata khitawzy y khao veih ei, Kei ei vaw thyu hlâ kha cha lei khai ha ei ta; Kei Debawrâ heta nô hawhta Izarei liata ei vaw thyu hlâ kha cha, Ama lei khai haw.