RYUREITUHPAZY 4:4 - Mara Bible RV (BSI)

⁴ Cha daihti liata Izarei ryureituhpa cha Lapidô lapinô hrohsonô Debawrâ a châ.

RYUREITUHPAZY 4:4 Cross References

2 ABEIZY 22:14

Chatanachata theihthaipa Hikia, Ahikâ, Akabaw, Sâphâ nata Asiah zy cha chysia sona mohôhtuhpa Harhâ sawchapawpa Tikavâ sawchapawpa Sâluh lapinô hrohsonô Huldâ kei chho ei ta. Ano cha â hnai lâta Zerusale liata a pahrâpa a châ.

NEHEMIAH 6:14

Hy ei Khazohpa, Tôbia nata Sanbâlâ he ama hmotaopa lymâ hawhta a thei thlâh ha la, na pachhipary awpa a chhuahpa hrohsonô Nôdiah nata hrohso hropazy chhao a thei thlâh ha mah y.

PUASAINA 15:20

Chatawhcha hrohsonô Miria, Arawna sietanô cha khohtaw chaba ta, chanô zydua ta khohtaw nata lâna chôta ano cha pazi ei ta.

EZEKIA 13:17

“Nâ deikua cha, chyhsa sawchapawpa y, âmo palôh liata a ypa hmo hrohsona bie hawhta a phuahtuhpa na phopi sawchanôzy cha a heihnao la, âmo cha hrohsona bie phuah thlu mah y.

MIKÂ 6:4

Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

LUKA 2:36

Cha liata hrohsonô pakha, Anâ ama tahpa y ta, ano cha Asera chi Phanua sawchanô a châ. Anâ cha nôpi kaw bâ ta, dyh a châ tawhta a vahpa hnohta kô sari dei pahrâ hmâ ta,

HMOTAOPAZY 21:9

Sawchanô papalih hnei ta, âmo cha dyhchâ leipa ta hrohsona bie a phuah tyhpa ama châ.

1 KAWRINI 11:5

Chanô ta a luh a khu leipa ta thlah a chhâ khiahta tlyma, bie a chho khiahta tlyma deikua cha, a luh maoh a paphyuhpa a châ. Chanô châta luh khu leipa nata luh pôlôpa cha miakhapa a châ.

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.

RYUREITUHPAZY 4:3

Zabi cha thua talailih 900 hnei ta, Izarei sawzy cha kô kih tlai tlybaipa ta ama rie thata a pathei. Chavâta Izarei sawzy ta Abeipa pado ei ta.

RYUREITUHPAZY 4:5

Debawrâ cha Epharai tlâh râh liata Râmâ nata Bethel likawh ta thiahrâ kô ry liata a tyuh tyh ta. Izarei sawzy ta ama bie pachiapa awpa ta ano lâ ama pangai tyh.

RYUREITUHPAZY 5:1

Cha noh liata Debawrâ nata Abinôâ sawchapawpa Bâraka ta, hetana heta hla ama sa: