RYUREITUHPAZY 4:14 - Mara Bible RV (BSI)

¹⁴ Debawrâ ta Bâraka hnohta, “Thyu teh! Tanoh he Abeipa ta na ku liata Siserâ a cha piena noh a châ hih. Na hmia lâta Abeipa a sie haw,” tah ta. Chatanachata Bâraka cha Tabaw Tlâh tawhta zu ta, chyhsa 10,000 ta zi ei ta.

RYUREITUHPAZY 4:14 Cross References

ÂTHAONA 19:14

Chatanachata Lawta cha a sawchanôzy a hnei awpa a piahpazy lâ vawh ta, ama hnohta, “Thyu u la, he su tawhta pua teh u. Abeipa ta he khihpi he a pahleipadia aw,” kei tah ta. Châhrasala a piahpazy ta sai a sohpa hawhta pachâ ei ta.

ÂTHAONA 44:4

Khih tawhta pua ei ta, lâhlapi ama sie hlâta, Zawsi ta a o avaotuhpa hnohta, “Thyu la, chyhsazy kha a kei chadai teh. Na pha ti ei ta, ama hnohta, ‘Khazia hmo phapa hmo chhiepa ta viari nama thô?

2 SAMUELA 5:24

Malburi kôzy kithlao liata hrâsiepa pyu na thei nahta, a dyuh awpa ta na thyu aw. Philistinâ pheisaihzy a dyuh awpa ta, na hmia lâta Abeipa a sie haw,” tah ta.

ISAI 52:12

Abeipa ta hmia châ sahpa aw ei ta, Izarei Khazohpa ta nama hnôh lâ a cha vaih awpa vâ ei ta, A para kawpa ta pua awpa byuh leipa ta, A râ awpa byuh aw vei.

MIKÂ 2:13

Thokhy a chatôhtuhpa ama hmia lâta sie ta, Chatôh lymâpa ta chhikao tlô ei ta, Chhikao tawhta ama pua. Ama bei cha ama hmia lâta sie ta, Abeipa cha ama luh chô lâta a sie.

RYHPACHANEINA 9:3

Chavâta Abeipa nama Khazohpa cha, mei a kâsao theipa hawhta nama hmia lâta a siepa a châ tahpa tanoh pahno teh u. Ano ta âmo cha nama hmiakô liata pahleipadia aw ta, a panawh aw ei. Abeipa ta bie a châ taihpa hawh ei ta, âmo cha papua aw ei chi ta, thlai nama pahleipadia aw.

ZAWSUA 10:8

Abeipa ta Zawsua hnohta, “Kha chyhsazy kha chi khah y. Âmo cha na ku liata ei cha pie haw. Na hmiakô liata a duah thei awpa ama hry liata pakha hmah y aw veih ei,” tah ta.

ZAWSUA 7:13

Thyu teh! Zawpi kha pathaisa la, ama hnohta, ‘Mylâ châta a pathai teh u. Abeipa, Izarei Khazohpa ta hetana heta a tah: “Hy Izarei, pahleipadia awpa hmozy nama hry liata y ta, chazy cha nama hry tawhta nama pahleipadia hlâlei nama chariahzy hmiakô liata a duah thei aw veih ei chi,”’ tah teh.

RYUREITUHPAZY 19:28

A zibeipa ta a hnohta, “Thyu teh, sie ei si,” tah ta. Châhrasala a chhy khao vei. A nôtho ri cha alâ chô liata khaih ta, thyu ta, a o lâ pangaipa ta sie ha ta.

RYUREITUHPAZY 4:10

Bâraka ta Zebulawna nata Nâthalai chizy Kedesâ liata awpakhy ta. Chyhsa 10,000 ta zi ei ta, Debawrâ chhao a hnohta sie hra ta.

RYUREITUHPAZY 7:9

Cha zâ ta Abeipa ta Kidia hnohta,“Thyu la, Midia mo riehmo za chho teh. Na ku liata ei cha pie haw.

1 SAMUELA 9:26

Khih a dei nahta, Samuela ta o chô lâta a ypa Sawla cha aw ta, “Thyu teh, ei cha pasiesa bâ aw,” tah ta. Sawla cha thyu ta, ama pano ta pua ei ta, Sawla nata Samuela cha sie khoh ei ta.