RYUREITUHPAZY 3:7 - Mara Bible RV (BSI)

⁷ Izarei sawzy cha Abeipa mohmô ta moleina hmo tao ei ta. Abeipa ama Khazohpa cha mypa ta, Bâlâ nata Aserô chakao ei ta.

RYUREITUHPAZY 3:7 Cross References

1 ABEIZY 16:33

Ahabâ cha Aseri tôh taihta padua ta. Chatanachata Ahabâ cha ano hlâta a vaw y tuapa Izarei bei zydua hlâta Abeipa, Izarei Khazohpa cha a hie pahâh via pachai ta.

1 ABEIZY 18:19

Chavâta tahmâ Izarei saw zydua nata Bâlâ hrohsopa 450 nata Aseri hrohsopa 400, Zezebel tlâhkhai liata pati a dôh tyhpazy paawsa la, Kâmel tlâh liata keima lâta a vaw hmaoh mawh ei sy,” tah ta.

2 ABEIZY 23:14

Lôbôzy pakeichheihpa ta, Aseri tôhzy thlu ta, cha suzy cha chyhsapa ruzy ta pabie ta.

2 ABEIZY 23:6

Abeipa o liata Aseri tôh cha Zerusale khôtho lâ Kidaraw chavah lâ puakhei ta, Kidaraw chavah liata rao ta, a paohpadi lâta â liena taihta tlypazao ta, a paohpa cha vâtlâh thlâ liata hie ta.

2 THÂTIHZYRONA 15:16

A nô Mâkâ tlai chhao, khazoh nothlahpa pasichhihpa Aseri tôh a taopa vâta, beinô a châna tawhta pabâh ta, a nô khazoh nothlahpa cha chhawh pachhô ta, pazao khai ta, Kidaraw vahtiepa liata mei ta a rao haw.

2 THÂTIHZYRONA 24:18

Abeipa, ama pathlatuhpazy Khazohpa o a heihsaipa ta, Aseri nata khazoh nothlahpazy chakao ei ta. Cha ama thaileichâna vâna chata Zudâh nata Zerusale chô liata pathiiana vaw tlô ta.

2 THÂTIHZYRONA 33:19

A thlahchhâna, Khazohpa ta a hiana a ngia­chhiena, â panawh hlâta a moleina nata a ngâchhih leina zydua, su sâhpa a taona suzy nata Aseri tôh nata khazoh nothlahpazy a paduana thâtihzy cha, Hrohsopazy Thâtih rona châbu liata ropa a châ.

2 THÂTIHZYRONA 33:3

A paw Hezekia ta a parao hapa su sâhpazy paduapathi ta, Bâlâ khazohzy châta maisâhzy tao ta, Aseri khazoh nothlahpazy tao ta, avâ liata a ypa zydua a chhy ta, a chakao ei.

2 THÂTIHZYRONA 34:3

Zôsia cha â beina kô chariena liata, hawtipa a châ thlâh ha chy nota, a pathlatuhpa Dâvi Khazohpa cha tlua pathao ta. Kô hrawh hleino â bei kô ta, Zudâh râh nata Zerusale khihpi liata su sâhpazy, Aseri tôhzy, khazoh nothlahpa khiepa nata leihpazy a parao khai haw.

2 THÂTIHZYRONA 34:7

Maisâhzy parao ta, Aseri tôhzy nata khazoh nothlahpazy cha a paoh ta phy pazao ta, chazy hlâta â sâh viapa ta taopa, Izarei râh zydua liata ropahâhpa raona maisâhzy a chhawh pathlah khai haw. Cha khai tawhta Zerusale lâ a lie ta.

HLAZY 106:35

Râh hropazy nata a pahlao ei ta, Ama hmotaozie hâ amâ la.

HLAZY 106:36

Ama khazoh nothlahpazy chakao ei ta, Cha cha âmo châta khoheih lâta â lie haw.

HLAZY 106:7

Miah pathlatuhpazy Izi râh liata ama y no kha, Na hmotao noâhpazy pachâ veih ei; Na kyhpachâna rônahpa a thei leipa ei ta, Tilaipi liata cha chakhia ei ta, Tilaipi Saihpa liata ama cha chakhia.

PUASAINA 34:13

Ama maisâhzy pacho aw ei chi ta, ama lôbôzy pakei khaipa ta, ama Aseri tôhzy nama chhawh pachhô khai awpa a châ.

ZEREMIAH 23:27

Ama mâ amâ chho raihriepazy hmâpa ta ei phopi cha ei moh pamysa a chhuah ei ta, âmo pathlatuhpazy chhao kha, Bâlâ vâta ei moh ama my hapa kha châ vei ma?

RYHPACHANEINA 16:21

“Abeipa nama Khazohpa châta maisâh nama tao awpa kiapâh liata kheihawhpa tho hmahta Aseri tôh ta hmâpa ta nama bô awpa châ vei.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

RYHPACHANEINA 8:11

“Abeipa nama Khazohpa biepiepazy, pachianazy nata bieraopazy tanoh ta ei cha piepa ei he nama zyh leipa khiahta cha, Abeipa nama Khazohpa my pathlei aw ei chi ta, chavâta a vaih muh vy.

RYHPACHANEINA 8:14

nama palôh lai aw ta, Izi râh seichâna o tawhta châ chhi papuatuhpa Abeipa nama Khazohpa nama my pathlei aw.

RYHPACHANEINA 8:18

Abeipa nama Khazohpa cha namâ thei thlâh ha awpa a châ. Ano tlai cha nama hneirôh nawpa ta hmotaotheina châ pietuhpa ei châ ta, tanoh ta namâ tyhpa hawhna heta, châ pathlatuhpazy hnohta bie â taihpa a biehrai a pa-ituhpa a châ.

RYUREITUHPAZY 3:12

Izarei sawzy cha Abeipa mohmô ta moleina hmo tao heih ei ta. Abeipa mohmô ta moleina ama taopa vâta, Abeipa ta Môabâ bei Ekalaw cha Izarei pahnie awpa ta a tha patlô ta.

RYUREITUHPAZY 3:8

Chavâta Izarei chô liata Abeipa a pathi ia ta, Izarei sawzy cha Mesôpôtamia bei Kusarisathai lâ a zuah ha ei. Izarei sawzy cha Kusarisathai ry liata kô charie y ei ta.

RYUREITUHPAZY 6:25

Cha zâ liata Abeipa ta Kidia hnohta, “Na paw viahchao tôhpa la la, viahchao tôh hropa kô saripa chhao la la, na paw paduapa Bâlâ maisâh kha pacho la, a kiapâh liata Aseri tôh chhao thlu la,

RYUREITUHPAZY 8:33

Kidia a thipa nahta, Izarei sawzy ta Abeipa cha tleisai heih ei ta. Bâlâzy liata sihryhpa ta, Bâlâberi cha ama khazoh ta tao ei ta.

RYUREITUHPAZY 8:34

Su to liata ama chariahzy ku tawhta âmo pachhatuhpa Abeipa ama Khazohpa cha Izarei sawzy ta a thei khao veih ei.

1 SAMUELA 12:10

Chatawhcha Abeipa awsao ei ta, a hnohta, ‘Eima vaw molei ha na, Abeipa a heihsai pi ta, Bâlâzy nata Astarôzy eima vaw chakao haw. Chatahrasala tahmâ eima chariahpazy ku tawhna heta miah pachha la, nâma eima cha chakao bâ aw,’ tah ei ta.

1 SAMUELA 12:9

Châhrasala Abeipa ama Khazohpa cha my ha ei ta. Chavâta Abeipa ta âmo cha Hâzaw pheisaih hyutuhpa Siserâ ku liata nata Philistinâ mo ku liata nata Môabâ bei ku liata zuah ha ta. Âmo chata Izarei sawzy cha a vaw dyuh ei ta.