RYUREITUHPAZY 3:5 - Mara Bible RV (BSI)

⁵ Chatanachata Izarei sawzy cha Kâna mo, Hiti mo, Amawri mo, Perizi mo, Hivi mo nata Zebu mozy hry liata pahrâ ei ta.

RYUREITUHPAZY 3:5 Cross References

ÂTHAONA 13:7

Abarâ sahroh vaituhpazy nata Lawta sahroh vaituhpazy likah liata ahryuna vaw pua ta. Cha daihti liata, cha râh liata a pahrâpazy cha Kâna mo nata Perizi mozy ama châ.

1 ABEIZY 9:20

Izarei saw a châ leipa Amawri mo, Hiti mo, Perizi mo nata Zebu mo laibâhpa zydua,

NEHEMIAH 9:8

Na hmiakô liata a palôh ngâchhihpa ta hmô chi ta, chatanachata Kâna mo, Hiti mo, Amawri mo, Perizi mo, Zebu mo nata Kikâsi mozy râh cha a pathlazy pie awpa ta, a hnohta biehrai na tao. Nâ cha asiapa châ chi ta, na bietai a patlôpa na châ.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

PUASAINA 34:16

Cha leipa chhao ta, nama sawchapawzy châta ama sawchanôzy hnei aw ei chi ta, ama sawchanôzy ta ama khazohzy liata sihryh aw ei ta, nama sawchapawzy chhao ama khazohzy liata ama pasihryhsa pathlei aw.

MALUHREINA 13:29

Amale mo chho lâ râh liata pahrâ ei ta, Hiti mo, Zebu mo nata Amawri mozy cha tlâh râh liata pahrâ ei ta, Kâna mo cha tilaipi kiah nata Zawdâh kao zy liata ama pahrâ,” tah ei ta.

RYHPACHANEINA 7:1

“Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

ZAWSUA 11:3

nochhi nata notla lâta a ypa Kâna mozy, tlâh râh liata a ypa Amawri mo, Perizi mo, Zebu mo nata Mizpâ râh Hâmaw tlâh ry liata a ypa Hivi mozy lâta chyhsa tuah ta.

ZAWSUA 9:1

Zawdâh haosâ tlâh râh nata bypi nata Tilaipi Laipa ngiahkâ zydua liata Lebanaw taihta a ypa bei zydua, Hiti bei, Amawri bei, Kâna bei, Perizi bei, Hivi bei nata Zebu beizy ta Izarei sawzy thâtih ama thei nahta,

RYUREITUHPAZY 1:4

Zudâh pathlazy cha khy ei ta, Abeipa ta ama ku liata Kâna mo nata Perizi mo pie ta. Beze khih liata chyhsa 10,000 thie ei ta.

RYUREITUHPAZY 1:5

Beze khih liata Adônibeze hmô ei ta, a dyuh ei ta, Kâna mo nata Perizi mo cha thata thie ei ta.