RYUREITUHPAZY 21:6 - Mara Bible RV (BSI)

⁶ Izarei sawzy ta ama unawhpa Benzami cha ngiachhie kaw ei ta, “Tanoh he Izarei tawhta chi kha chhawh pathlahpa châ ha ta.

RYUREITUHPAZY 21:6 Cross References

2 SAMUELA 2:26

Abane ta Zôabâ cha awsao ta, “Zaozi cha chhâzaw ta ma a thie ngâ thlâh ha aw? A chhâna cha pachârôhna deita a châ aw tahpa pahno va chi ma? Khachâ ma zawpizy kha ama unawhzy amâ chadaina tawhta pakuasa awpa ta chho leipa ta na y aw?” tah ta.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

RYUREITUHPAZY 11:35

A sawchanô a hmôpa nahta, Zephathâ cha a chysiazy hrie ta, a hnohta, “A pei rimâ cha, ei sawchanô! Ei palôh eina pachhâsazie rimâ cha. Nôpona nâ tlôkheituhpa lâta nâ lie ha he zaw. Abeipa lâ ei pakah â ha nahta, a la pakhua thei awpa châ khao va na,” tah ta.

RYUREITUHPAZY 20:23

Izarei sawzy cha khy ei ta, Abeipa hmiakô liata zâlâ taihta cha ei ta, “Eima unawhpa Benzami sawzy a dyuh awpa ta eimâ thao heih aw ma?” tahpa ta Abeipa a saohiah ei ta. Abeipa ta, “A kaw dyuh heih teh u,” tah ta.

RYUREITUHPAZY 21:15

Abeipa ta Izarei chizy liata pyu a paaw hapa vâta, Izarei phopi ta Benzami cha ngiachhie kaw ei ta.

RYUREITUHPAZY 21:5

Chatawhcha Izarei sawzy ta, “Kheihawhpa Izarei chi ma Abeipa lâta pakhypi liata a hlao hra vei,” tah ei ta. Mizpâ liata Abeipa lâta pakhypi a hlao hra leipa kyh liata, “Thie thlyu awpa a châ,” tahpa ta bietai rônahpa ama vaw tao hapa kha châ ta.

RYUREITUHPAZY 21:7

Eima sawchanôzy ama lapinô châta pie lei awpa ta Abeipa moh ta bie a taih ha tlôh pi ta, Benzami laibâhpazy lapinô awpa cha kheihta ma eima tao aw?” tah ei ta.