RYUREITUHPAZY 21:3 - Mara Bible RV (BSI)

³ “Hy Abeipa Izarei Khazohpa, kheihtazieta ma Izarei liata he hawhpa hmo he a vaw y thlâh ha tly, khazia tanoh he Izarei liata chi kha y khao leipa ta a y aw?” tah ei ta.

RYUREITUHPAZY 21:3 Cross References

HLAZY 74:1

Hy Khazohpa, khazia chhâzaw ta miah thy chi ta, Khazia na sibiepa su liata mietakuzy cha, Na hiehâhna meikhuh ta na pa-uh khai ha ei tly?

HLAZY 80:12

Khazia ma a diahpaizy na parao ha tly? A chapiapa maihta a theizy ama lyu bâ he zaw!

BIESOZY 19:3

Chyhsa ta ano hruna vâta a lâpi a raopa tlai cha, Abeipa chô liata palôh ruchhôna a hnei tyh.

ISAI 63:17

Hy Abeipa, khazia na lâpizy tawhta miah paviasa chi ta, Eima cha chi lei nawpa ta, Eima palôh kuh na pachhasa tly? Châ chakaotuhpazy vâna heta vaw kua heih la, Na ryuto na chiphozy vâna heta vaw kua heih mah y.

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

RYHPACHANEINA 29:24

Phopi to ta, ‘Khâpa vâta ma Abeipa ta cha râh cha, cha hawhta a tao tly? Cha hawhta hiehâhna ru ngaitapa a patlôsapa cha, khâpa ma a chhâpa a châ tly?’ ama tah aw.

RYUREITUHPAZY 21:2

Izarei phopi cha Bethel lâ sie ei ta, cha liata zâlâ taih Khazohpa hmiakô liata a tyuh ei ta, a paropa ta palôh pasa ngaitapa ta cha ei ta.

RYUREITUHPAZY 21:4

A mylâ ta Izarei phopi cha mydi ta thyu ei ta, cha liata maisâh tao ei ta, raopa hlânazy nata aryhna hlânazy hlâ ei ta.