RYUREITUHPAZY 20:2 - Mara Bible RV (BSI)

² Izarei chi zydua tawhta chi to chhituhpazy cha, Khazohpa phopi pakhypi liata ama su chyu pahrâpa ta a duah ei ta. Zaozi a chabapa alei pheisaih 400,000 ama y.

RYUREITUHPAZY 20:2 Cross References

2 SAMUELA 14:13

Chanô ta, “Cha hawhpa khiahta cha, khâpa vâta ma he hawhpa hmo he taopa ta Khazohpa phopi a dyuh nâ chhuah? Abei heta ano eih a râ hapa dy a chhuah tlôh leipa ta, ano bie ta abei cha anosasyh thailei â pachâ haw.

2 SAMUELA 24:9

Zôabâ ta Izarei phopi maluh pahlyhpakhypa cha abei chho ta. Izarei liata zaozi a chaba theipa pasaipha 800,000 y ei ta, Zudâh mo cha 500,000 ama châ.

2 ABEIZY 3:26

Môabâ bei ta adyuhna liata ano a nawh viapa hawhta a hmô nahta, zaozi pheisaih 700 a chhi ta, Edômâ bei dady liata kei tôh a chhuah ta, châhrasala tôh thei leipa ei ta.

ZAWSUA 22:12

Cha bie cha Izarei sawzy ta ama thei nahta, âmo a dyuh awpa ta Izarei zawpi zydua Silô khihpi liata a hmaohpakhy ei ta.

RYUREITUHPAZY 20:15

Cha noh ta, Benzami sawzy ta ama khihpizy tawhta a puapa zaozi a chabapa pheisaih maluh ama rei theipa cha, Kibia mo ta pheisaih 700 amâ tlyhpazy rei pâ leipa ta, ama zydua ta 26,000 ama châ.

RYUREITUHPAZY 20:17

Izarei mo cha, Benzami mo rei leipa ta, zaozi a chabapa sai ta 400,000 châ ei ta, ama zydua ta pasaiphazy ama châ.

RYUREITUHPAZY 20:3

Izarei sawzy Mizpâ khih lâ ama khypa thâtih cha Benzami mo ta vaw thei ei ta. Izarei sawzy ta, “He moleina he kheihta ma a vaw y, miah chho teh u?” tah ei ta.

RYUREITUHPAZY 8:10

Zebâ nata Zalmunâ cha, nochhi chyhsa pheisaih a thi bâhpa 15,000 chhaota Kakô liata y ei ta. Zaozi a chabapa pheisaih sai ta 120,000 ama thi hapa a châ.

1 SAMUELA 11:8

Beze liata ama maluh reih ta, Izarei sawzy 300,000 y ei ta, Zudâh chyhsa 30,000 ama y.