RYUREITUHPAZY 20:1 - Mara Bible RV (BSI)

¹ Izarei saw zydua, Dânâ tawhta Besebâ taihta, Kilia râh chhao a hlaopa ta pua ei ta, reih kha tlapa ta Mizpâ khih liata Abeipa hmiakô ta a hmaoh ei ta.

RYUREITUHPAZY 20:1 Cross References

2 SAMUELA 19:14

Chatanachata Zudâh chyhsa zydua palôh cha chyhsa pakha palôh hawhta pahei ha ta, abei cha bieta ei ta, “Vaw kua ha mah y, nâ nata châ chakaotuhpazy kha vaw kua ha muh vy,” tah ei ta.

2 SAMUELA 2:9

Kilia chô liata zy, Asuri mo chô liata zy, Zezari chô liata zy, Epharai chô liata zy, Benzami chô liata nata Izarei zydua chô liata bei ta tao ta.

2 SAMUELA 24:2

Abei ta a hnohta a ypa pheisaih hyutuhpa Zôabâ hnohta, “Izarei chi zydua chahryh la, Dânâ tawhta Besebâ taihta, chyhsa maluh ei pahno thei nawpa ta, chyhsa mohzy kei roh khai mah y,” tah ta.

2 SAMUELA 3:10

Khinarâh cha Sawla chhôhkha tawhta pasiepa châ aw ta, Dâvi beidyuchhai cha Izarei nata Zudâh chô liata, Dânâ tawhta Besebâ taihta paduapa a châ awpa kyh Abeipa bietai kha ei patlôpa aw,” tah ta.

1 ABEIZY 5:5

Abeipa ta ei paw Dâvi hnohta, ‘Na sawchapawpa, nâma châ thla awpa ta na beidyuchhai liata ei patyusapa ta ei moh châta o cha a sa aw,’ tahpa ta a vaw rei hapa hawhta, tahmâ Abeipa ei Khazohpa moh châta o sa awpa ei chhuah.

2 ABEIZY 25:23

Babylaw bei ta Kedaliah cha râhvaotuhpa ta a tao tahpa pheisaih hyutuhpa zydua nata ama sahlaozy ta ama thei nahta, Mizpâ khihpi liata Kedaliah lâ sie ei ta. Chazy cha Nethaniah sawchapawpa Ismela, Karia sawchapawpa Zôhanâ, Netôpha chyhsa Tahume sawchapawpa Seriah nata Mâkâ pathla sawchapawpa Zazeniah zy ama châ.

1 THÂTIHZYRONA 21:2

Dâvi ta Zôabâ nata pheisaih hyutuhpazy hnohta, “Sie u la, Besebâ tawhta Dânâ taihta Izarei sawzy maluh reih u la, ama maluh zie ei pahno thei nawpa ta, na vaw chho heih muh vy,” tah ta.

2 THÂTIHZYRONA 30:5

Chatanachata Izarei râh zydua, Besebâ tawhta Dânâ taihta Zerusale lâ vaw tlô khaipa ta, Abeipa Iza­rei Khazohpa lâta Zawpakhô kyhchhi tao awpa ta phuah awpa ta biepie ei ta. Zawpakhô kyhchhi cha, hnei awpa zie hawhta ama vaw hnei thei khao leipa a châ.

EZRÂ 3:1

Thla sarina vaw tlô ta, Izarei sawzy ama khih chyu liata ama pahrâ khai nahta, zawpizy reihkha tlapa ta Zerusale liata a hmaohpakhy ei ta.

NEHEMIAH 11:27

Hâzasua, Besebâ nata a khichapeihzy,

NEHEMIAH 8:1

Chyhsa zydua reihkha tlapa ta, Ti Chhikao tlyhmia tlyliah liata a hmaohpakhy ei ta. Chârohtuhpa Ezrâ hnohta, Abeipa ta Izarei sawzy bie a piepa Mawsi Ryhpa châbu vaw cheih awpa ta chho ei ta.

ZEREMIAH 40:6

Zeremiah cha Ahikâ sawchapawpa Kedaliah yna Mizpâ lâ sie ta, râh liata siesaipa râhsawzy hry liata a hnohta pahrâ ha ta.

MALUHREINA 32:1

Rubena nata Kâdâ pathlazy cha sahroh hluhpi hnei ei ta. Zaze râh nata Kilia râh hmô ei ta. A su cha sahroh châta su pha ngaitapa châ ta.

MALUHREINA 32:40

Mawsi ta Kilia râh cha Manase chi Mâkhi pathlazy pie ta, cha liata ama pahrâ.

ZAWSUA 15:38

Dilia, Mizpeh, Zôthelâ,

ZAWSUA 17:1

Manase cha Zawsi sawchapaw uhtheipa a châpa vâta, hetana heta a tovyuh taopa a châ. Manase sawchapaw uhtheipa cha Mâkhi châ ta, Mâkhi cha Kilia paw a châ. Mâkhi cha pheisaih riahphapa a châpa vâta, Kilia nata Bâsanâ râh cha ano piepa a châ.

ZAWSUA 18:26

Mizpeh, Kephirâh, Môzâ,

ZAWSUA 22:12

Cha bie cha Izarei sawzy ta ama thei nahta, âmo a dyuh awpa ta Izarei zawpi zydua Silô khihpi liata a hmaohpakhy ei ta.

ZAWSUA 22:9

Chatanachata Rubena pathlazy, Kâdâ pathlazy nata Manase chi khophiezy cha, Kâna râh Silô khihpi liata Izarei sawzy nata a chhaih ei ta, Abeipa ta Mawsi hmâpa ta bie a vaw piepa hawhta, Kilia râh liata ama ryuto râh lâ ama sie haw.

ZAWSUA 4:13

A dyuh awpa ta a mâ chiehpa pheisaih 40,000 ta Abeipa hmiakô liata Zawdâh cha chaka ei ta, Zerikô bypi lâ ama pangai.

RYUREITUHPAZY 10:17

Amawna mo cha a awpakhy ei ta, Kilia liata riehmo paryh ei ta. Izarei sawzy chhao a awpakhy hra ei ta, Mizpâ liata riehmo paryh ei ta.

RYUREITUHPAZY 11:11

Chatanachata Zephathâ cha Kilia machâzy hnohta sie ta, zawpizy ta ano cha hyutuhpa nata pawhrâh chaipa ta tao ei ta. Zephathâ ta a bie reipazy cha Mizpâ khih liata Abeipa hmiakô ta reih chanei heih ta.

RYUREITUHPAZY 11:34

Zephathâ cha Mizpâ liata a o lâ a lie ta. Moh teh u, a sawchanô vaw pua ta, paotlâzy nata lâpa ta a paw cha vaw dy ta. Ano he a saw matlupa châ ta, ano leipa ta sawchapaw nata sawchanô hropa rai hnei vei.

RYUREITUHPAZY 18:29

Izarei sawchapawpa Dânâ, âmo pathlatuhpa moh a bi hnâpa ta, a khihpi moh cha Dânâ bi ei ta, cha khihpi moh hmiatuapa cha Laisâh a châ.

RYUREITUHPAZY 20:11

Cha hawhna chata Izarei chyhsa zydua cha reih kha tlapa ta, Kibia khihpi a dyuh awpa ta a hmaoh ei ta.

RYUREITUHPAZY 20:18

Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.

RYUREITUHPAZY 20:2

Izarei chi zydua tawhta chi to chhituhpazy cha, Khazohpa phopi pakhypi liata ama su chyu pahrâpa ta a duah ei ta. Zaozi a chabapa alei pheisaih 400,000 ama y.

RYUREITUHPAZY 20:26

Chatawhcha Izarei pheisaih zydua cha Bethel lâ khy ei ta, cha ei ta. Cha liata Abeipa hmiakô ta a tyuh ei ta, cha noh liana cha zâlâ taihta kâhvileipa ta ypa ta, raopa hlâna nata aryhna hlânazy Abeipa lâ hlâ ei ta.

RYUREITUHPAZY 20:8

Zawpi zydua cha reih kha tlapa ta thyu ei ta, “Ahy hmahta eima poh o lâ a di leipa aw pi ta, ahy hmahta eima o lâ a lie aw ma pi.

RYUREITUHPAZY 21:5

Chatawhcha Izarei sawzy ta, “Kheihawhpa Izarei chi ma Abeipa lâta pakhypi liata a hlao hra vei,” tah ei ta. Mizpâ liata Abeipa lâta pakhypi a hlao hra leipa kyh liata, “Thie thlyu awpa a châ,” tahpa ta bietai rônahpa ama vaw tao hapa kha châ ta.

1 SAMUELA 10:17

Samuela ta Izarei phopi cha Mizpâ liata Abeipa lâta awpakhy ta.

1 SAMUELA 3:20

Dânâ tawhta Besebâ taihta Izarei zydua ta Samuela cha Abeipa hrohsopa châta paduapa a châ tahpa pahno ha ei ta.