RYUREITUHPAZY 18:3 - Mara Bible RV (BSI)

³ Mikâ o kiah liata ama y nota, Livai satliapa ao thei ei ta, kei tlei ei ta, a hnohta, “Ahy ma he lâ châ vaw chhi? He su liana he khâpa ma na tao? He liata khâpa rai na hria?” tah ei ta.

RYUREITUHPAZY 18:3 Cross References

ÂTHAONA 27:22

Zakaw ta a paw Aisika cha a kei hnia ta, ano ta vaw hria ta, “A ao cha Zakaw ao châ ta, a kuzy deikua cha, Esaw ku châ tlôh,” tah ta.

ISAI 22:16

Nâ, su sâhpa liata thlâ khaoh khiepa ta, lôpanô liata na châta yna khaoh a reipa chi cha, khâpa vâta ma he liata na châta thlâ khaoh na khie tly? He liata tao awpa khâpa ma na hnei tly? He liata na chyhsa ahy ma a y tly?

MATHAI 26:73

Buakha a châ nahta, cha liata a duahpazy a vy ei ta Pity hnohta, “Nâ chhao he ama hry liatapa na châ cheingei hra, na reih pathliezie liata â hno thlâh haw,” tah ei ta.

RYUREITUHPAZY 12:6

“Cha khiah Shibôle tah tua,” tah ei ta, “Sibôle” tlao tah ta, â dopa ta parosa thai leipa ta. Chavâta patu ei ta, Zawdâh chakana liana cha ama thie lymâ. Cha daihti liata Epharai mo cha 42,000 tlai ama thi.

RYUREITUHPAZY 18:2

Dânâ pathlazy chata râh mohparu ta a râh yzie a chu awpa ta, ama chi manôh zydua hry liata chyhsa riahphapa papangawh Zôrâh nata Estaw khihpizy tawhta tuah ei ta, ama hnohta “Sie u la, râh kei moh teh u,” tah ei ta. Epharai tlâh râh liata Mikâ o kei tlô ei ta, cha liata a rie ei ta.

RYUREITUHPAZY 18:4

Ano ta ama hnohta, “Mikâ ta he hawhta eina tao: na hrua ta, a theihthaipa ta ei y,” tah ta.