RYUREITUHPAZY 17:5 - Mara Bible RV (BSI)

⁵ Mikâ ta khazoh achhyna su hnei ta, ephaw nothlahpa nata chhôhkha khazoh nothlahpazy tao ta, a sawchapaw pakha cha ano châta theihthaipa châ awpa ta chahnao ta.

RYUREITUHPAZY 17:5 Cross References

ÂTHAONA 31:19

Mietaku hmi ngyu awpa ta Lâbâ a sie chhôh ta, Râkheli ta a paw khazoh nothlahpa paru ta.

ÂTHAONA 31:30

Na paw o na vâ ngaitapa vâta na sie hapa chhao ta, khazia ei khazohzy eina parupa chi?” tah ta.

1 ABEIZY 12:31

Zerôbaw cha su sâhpazy liata achhyna ozy sa ta, Livai pathla a châ leipa, chi to hry tawhta theihthaipazy rao ta.

1 ABEIZY 12:32

Zudâh râh liata kyhchhi ama hnei tyhpa hawhta, thla chariena, noh hrawh hleipangawhna noh cha, Zerôbaw ta kyhchhi noh ta rao hra ta, maisâh liata atheihnazy a hlâ tyh. Cha hawhna chata Bethel liata tao ta, viahchaotaw nothlahpa a taopazy lâ cha atheihnazy hlâ ta. Su sâhpa a paduapa châta theihthaipazy cha Bethel liata soh ta.

EZRÂ 1:7

Bei Kôresâ chhao ta, Nebukaneza ta Abeipa o liata hmobaohzy Zerusale tawhta phaoh ta a khazohzy o liata a sopazy thaoh papua hra ta.

PUASAINA 24:5

Izarei sawzy hry ta satliazy tuah ta, âmo ta Abeipa lâ raopa hlâna hlâ ei ta, aryhna hlâna châta viahchao tôhpa ta a theih ei ta.

PUASAINA 28:15

“Pachiana chachôhna vyhphao tao aw chi ta, cha cha zôthaipazy ta zôpha kawpa ta ama tao aw. Ephaw taozie hawhta, ngôh, pala nohpa, saihdôhpa, saihlawpa nata pala rih dipa pabaohpazy hmâpa ta na tao aw.

PUASAINA 28:4

Hezy he zôthaipazy ta chysia ama tao awpazy cha a châ: Chachôhna vyhphao, ephaw, viahkao pasipa, chôtho chapaipa, lakhu nata chaisaihna zy. Kei châta theihthaipa chakaona rai ama hria thei nawpa ta, zôthaipazy ta na unawhpa Arawna nata a sawchapawzy châta chysia pathaihpazy ama taopa aw.

PUASAINA 29:9

Arawna nata a sawchapawzy cha chaisaihna ta ama chai saih aw chi ta, lakhu pakhu aw chi ta, chatanachata theihthaipa châna cha chhâzaw ta âmo eih châ awpa ta bieraopa ta chahnaopa a châ aw. Cha hawhna chata Arawna nata a sawchapawzy cha na chahnao aw ei.

ISAI 44:13

Tho khazoh nothlahpa tao awpa ta, Tho zôthaipa ta chaori parai ta, Châsôh ta ngiana a tao; Tho pamihna ta pamih ta, Âhlôpa taona chhaichhi ta ngiana a tao. Tho khazoh nothlahpa cha, Chyhsapa pizie hawhta tao ta; O liata pahrâ awpa ta, Chyhsapa hmiphanazie hawhta a tao.

EZEKIA 21:21

Pachao awpa ta Babylaw bei cha lâpi miano atyhna lâtlei liata a duah ta, châtaizy chatho ta, terâfizy a saohiahpa ta, sa pathi moh ta.

EZEKIA 21:26

Abeipa Zehôvâh ta hetana heta a tah: A khutho hlai u la, a beilakho pahluh teh u. Hmozy ama ualuapa ta y khao aw veih ei. Anawhpazy cheihchalo u la, cheihchalopazy panawh teh u.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

HÔSIA 8:14

Izarei cha ano a taotuhpa my ta, Abei ozy tlao a sa; Zudâh ta thokhy ta dôhpa khihpizy A padua via lymâ. Châhrasala a khihpizy chô liata mei tuah aw na ta, Ama thokhyzy a kâ khai aw.

MALUHREINA 3:10

Arawna nata a sawchapawzy cha theihthaipa châta rao aw chi ta, ama theihthai châna ama pazao lymâ aw. Khôtho chyhsa ta theihthaipa chakaona rai hria awpa ta achhyna byureih â hnia khiahta cha, thie awpa a châ,” tah ta.

HEBRAI 5:4

Cha palyupalihna cha ahy hmahta anosasyh ta a patosa thei vei. Arawna hawhta Khazohpa ta a awpa a châ khiah dei ta a to thei.

RYUREITUHPAZY 17:4

Mikâ ta tâkâ cha a nô a pie nahta, a nô ta tâkâ tlaw 200 la ta, tâkâ daihtuhpa pie ta, tâkâ daihtuhpa ta, cha tâkâ cha hmâpa ta nothlahpa khaipa nata nothlahpa leihpa tao ta. Chazy cha Mikâ o liata y ta.

RYUREITUHPAZY 18:14

Laisâh râh mohparu awpa ta chyhsa papangawh a siepazy ta ama unawhzy hnohta, “He ozy liana heta ephaw, terâfi, nothlahpa khaipa nata nothlahpa leihpa zy a y tahpa nama pahno ma? Chavâta khâpa ma nama tao aw tahpa tahmâ pachâ teh u,” tah ei ta.

RYUREITUHPAZY 18:24

Ano ta, “Ei khazoh taopazy nata ei theihthaipa lapa ta, sie syulyu ha ei chi ta, khâpa ma ei hnei khao? Kheihtazieta ma, ‘Khâpa rimâ maw?’ eina tah thlâh ha ei chi?” tah ta.

RYUREITUHPAZY 18:30

Dânâ pathlazy ta nothlahpa khaipa cha âmo châta patyu ei ta, Mawsi sawchapawpa Kesao sawchapawpa Zawnathâ nata a sawchapawzy cha, Dânâ pathlazy theihthaipazy châ lymâ ei ta, râh cha sei ta â tâh hlâ zydua cha theihthaipa ama châ lymâ.

RYUREITUHPAZY 8:27

Chatawhcha Kidia ta ngôh ta ephaw tao ta, ano khihpi Ôpharâ liata soh ta. Cha nothlahpa liana cha Izarei zydua ta sihryh ei ta, cha hmo cha Kidia nata a chhôhkha châta khoheih lâta â lie haw.

1 SAMUELA 19:13

Mikâli cha terâfi la ta rakhô liata pazia ta, a luh lâ mie hmi lahuah soh ta, chysia ta khu ta.

1 SAMUELA 23:6

Ahimele sawchapawpa Abiathâ ta Keilâh khih liata Dâvi lâta â râ no kha, ephaw a phaopa ta zu ta.