RYUREITUHPAZY 17:4 - Mara Bible RV (BSI)

⁴ Mikâ ta tâkâ cha a nô a pie nahta, a nô ta tâkâ tlaw 200 la ta, tâkâ daihtuhpa pie ta, tâkâ daihtuhpa ta, cha tâkâ cha hmâpa ta nothlahpa khaipa nata nothlahpa leihpa tao ta. Chazy cha Mikâ o liata y ta.

RYUREITUHPAZY 17:4 Cross References

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

ISAI 44:13

Tho khazoh nothlahpa tao awpa ta, Tho zôthaipa ta chaori parai ta, Châsôh ta ngiana a tao; Tho pamihna ta pamih ta, Âhlôpa taona chhaichhi ta ngiana a tao. Tho khazoh nothlahpa cha, Chyhsapa pizie hawhta tao ta; O liata pahrâ awpa ta, Chyhsapa hmiphanazie hawhta a tao.

HABAKU 2:18

“Chyhsapa tao chhyhpa nothlahpa cha, Khâpa phahnaina ma a hnei? Nothlahpa deita châ ta, Haipa bie pachutuhpa a châ. A taotuhpa ta ano kuzô ta tao ta, Bie a reih thai leipa nothlahpazy cha, A ngâ kaw cha!

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYUREITUHPAZY 17:3

Mikâ ta tâkâ tlaw 1,100 cha a nô pie pakhua ta, a nô ta, “He tâkâ he nothlahpa khaipa nata nothlahpa leihpa tao nawpa ta, keima ku tawh tlai ta ei sawchapawpa châta Abeipa lâ ei hlâ. Chavâta tahmâ ei cha pie pakhua ha aw,” tah ta.

RYUREITUHPAZY 17:5

Mikâ ta khazoh achhyna su hnei ta, ephaw nothlahpa nata chhôhkha khazoh nothlahpazy tao ta, a sawchapaw pakha cha ano châta theihthaipa châ awpa ta chahnao ta.

RYUREITUHPAZY 18:17

Râh moparuna lâ a khypa chyhsa papangawhzy khata o chhôh lâ a ngia ei ta, nothlahpa khaipa, ephaw, terâfi nata nothlahpa leihpa zy cha la ei ta. Cha nota theihthaipa cha adyuhna chhaichhi atobipa chyhsa 600 zy hry liata thokhy chhikao kiah liata a duah thlâh ha hra ta.