RYUREITUHPAZY 14:5 - Mara Bible RV (BSI)

⁵ Chatawhcha Sâsawna cha a nô nata a paw chhaota Timnah khih lâ zu ei ta, Timnah kre sadôzy za tlô ei ta. Chakeibarôhneipa lochopa a vaw rôh laihna chôta ano lâ â vypa hmô ta.

RYUREITUHPAZY 14:5 Cross References

RYUREITUHPAZY 14:4

A nô nata a paw ta, cha hmo cha Abeipa pachhuahpanohpa a châ tahpa pahno veih ei. Philistinâ mo a dyuh awpa ta Khazohpa ta ryhpaohna a taopa a châ. He daihti he Philistinâ mo ta Izarei chô liata ryu ama rei daihti a châ.

RYUREITUHPAZY 14:6

Abeipa Thlahpa cha a chô liata thlai vaw tlô ta, a ku liata khâpa hmah â chaba leipa chhao ta, chakeibarôhneipa cha mietaw hriechheihpa hawhta a tlawhpoh ta hriechheih ha ta. Châhrasala a hmotaopa cha a paw tlyma, a nô tlyma chho vei.

ZAWSUA 15:10

Râhri cha Bâlâh liata pakopa ta notla lâta Seirâ Tlâh lâta sie ta, Ziari Tlâh maw lâ baikhaihpa chapiapa ta sie lymâ ta. Ziari he Keslaw a châ. Cha tawhna chata Beseme lâta chô ta, Timenâ chapiapa ta sie lymâ ta.

1 SAMUELA 17:35

a chadai na ta, chhei na ta, a pakah tawhta mietakutaw ei pachha tyh mâ tâh. Eina thyuhnao khiahta cha, a barôh ta patu na ta, tusao na ta, ei thie tyh.

2 SAMUELA 23:20

Zehôdâ sawchapawpa Benai cha Kâbaze chyhsa riahphapa châ ta, hmo rônahpazy a taotuhpa a châ. Môabâ chyhsa riahphapa pano thie ta, dâhaw tla daihti liata zu ta, khaohtlô liata chakeibarôhneipa a thiepa a châ.

1 THÂTIHZYRONA 11:22

Zehôdâ sawchapawpa Benai cha Kâbaze chyhsa riahphapa châ ta, hmo rônahpazy a taotuhpa a châ. Môabâ chyhsa riahphapa pano thie ta, dâhaw tla daihti liata zu ta, khaohtlô liata chakeibarôhneipa a thiepa a châ.

HLAZY 91:13

Chakeibarôhneipa nata vâzi zy tlypâ aw chi ta, Chakeibarôhneipa lochopa nata parihpi chhao, Phei ta na tlysao aw ei.

ZEREMIAH 2:15

Chakeibarôhneipa lochopazy ta a rôh thlu ei ta, A paro ngaitapa ta amâ rôh thlu lymâ. A râh roryhrapa ta tao ei ta, A khihpizy chhao ry khai ha ta, A chhôh liata a pahrâpa y khao veih ei.

HEBRAI 11:33

Âmo cha ngiapâna ta khinarâhzy la ei ta, adona a duakhei ei ta, bietaizy to ei ta, chakeibarôhneipa pakahzy ama pamosa.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.