RYUREITUHPAZY 14:4 - Mara Bible RV (BSI)

⁴ A nô nata a paw ta, cha hmo cha Abeipa pachhuahpanohpa a châ tahpa pahno veih ei. Philistinâ mo a dyuh awpa ta Khazohpa ta ryhpaohna a taopa a châ. He daihti he Philistinâ mo ta Izarei chô liata ryu ama rei daihti a châ.

RYUREITUHPAZY 14:4 Cross References

1 ABEIZY 12:15

Zawpi bie cha abei ta nathlie khoh vei. Abeipa ta Silô chyhsa Ahiza hmâpa ta Nebâ sawchapawpa Zerôbaw hnohta bie a reipa a vaw tlô thei nawpa ta, Abeipa ta a pataosapa a châ.

1 ABEIZY 12:24

‘Abeipa ta hetana heta a tah: Nama khy awpa châ leipa ta, nama unawhpa Izarei sawzy namâ kaw dyuh awpa châ vei. Nama o chyu lâta a di ha teh u. He bie he keima tawhta a puapa a châ,’ tahpa ta reih teh,” tah ta. Abeipa bie cha thei ei ta, Abeipa bie hawhta, o lâ a di ha ei ta.

2 ABEIZY 6:33

Cha hawhta a chho hai no ei ta, lyuhchâpa cha ano lâ a zu ta, a hnohta, “He hmo pha leipa he Abeipa vaw tuapa a châ hih! Khazia Abeipa cha ei hâ khao aw?” tah ta.

2 THÂTIHZYRONA 10:15

Zawpi bie cha abei ta nathlie khoh vei. Abeipa ta Silô chyhsa Ahiza hmâpa ta Nebâ sawchapawpa Zerôbaw hnohta bie a reipa a vaw tlô thei nawpa ta, Khazohpa ta a pataosapa a châ.

2 THÂTIHZYRONA 22:7

Châhrasala Zôrâ a kei tlypa cha, Ahazia pao nawpa ta Khazohpa raopa vaw châ ta. A tlô nahta, Nimsi sawchapawpa Zehu a tyh awpa ta Zehôrâ hnohta sie ta. Zehu cha Ahabâ chhôhkha chhawh pathlah awpa ta Abeipa raopa a châ.

2 THÂTIHZYRONA 25:20

Châhrasala Amazia ta nathlie khoh leipa ta. Edômâ khazohzy amâ chhypa vâta, ama chariahzy ku liata pie awpa ta Khazohpa ta ryh a rao hapa a châ.

HLAZY 115:3

Keimo Khazohpa cha vârâh liata y ta, A khopa maih a tao tyh.

DÂNIAH 6:4

Cha kyh vâna chata hyutuh laipazy nata bia avaotuhpazy ta Dâniah cha khinarâh avaona kyh liata ama leih nawpa tlua ei ta, châhrasala leih nawpa tlyma, â doleina tlyma hmô leipa ei ta. Ngâchhihpa a châpa vâta, taochheipa tlyma, adoleina tlyma ano liata hmô awpa y vei.

RYHPACHANEINA 28:48

nâmo châ dyuh awpa ta Abeipa ta a vaw tua awpa nama chariahzy cha, nodidâhphina, thluahruana nata ato phahlana chôta chakao aw ei chi ta, a cha pahleipadia khai hlâlei ei cha, nama rao liata thua raopaky a cha paky aw ei.

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.

RYUREITUHPAZY 13:1

Izarei sawzy cha Abeipa mohmô ta moleina hmo tao heih ei ta, chavâta Abeipa ta âmo cha Philistinâ mo ku liata kô sypalih paysa ta.

RYUREITUHPAZY 14:5

Chatawhcha Sâsawna cha a nô nata a paw chhaota Timnah khih lâ zu ei ta, Timnah kre sadôzy za tlô ei ta. Chakeibarôhneipa lochopa a vaw rôh laihna chôta ano lâ â vypa hmô ta.

RYUREITUHPAZY 15:11

Chatawhcha Zudâh chyhsa 3,000 zy cha Etamâ lôpu lâ zu ei ta, Sâsawna hnohta, “Philistinâ mo he eima chô liata ryureituhpazy ama châ tahpa pahno va chi ma? Khazia he hawhpa hmo he eima chô liata na tao?” tah ei ta. Sâsawna ta ama hnohta, “Ei chô liata ama taopa hawhta, ama chô liata ei tao hra,” tah ta.

RYUREITUHPAZY 15:3

Sâsawna ta ama hnohta, “Tahmâ cha Philistinâ mo pasasa hra aw sah la, thailei châ khao aw va na,” tah ta.