RYUREITUHPAZY 13:5 - Mara Bible RV (BSI)

⁵ Nathlie teh, saw phaoh aw chi ta, saw­chapaw na sa aw. A luh liata sâ rai ngyu awpa châ vei. Hawti cha chhi liata a y no tawhta Khazohpa châta Nâzarai châ aw ta, ano ta Philistinâ mo ku tawhta Izarei pachhana rai a pathao aw,” tah ta.

RYUREITUHPAZY 13:5 Cross References

2 SAMUELA 8:1

Cha khai tawhta Dâvi ta Philistinâ mo a dyuh ta, pahnie ta. Dâvi ta Philistinâ mo ku tawhta Methekamâ la ta.

1 THÂTIHZYRONA 18:1

Cha hnôh lâta Dâvi ta Philistinâ mo a dyuh ta, pahnie ta, Kâthâ khihpi nata a khichapeihzy cha Philistinâ mo tawhta la ta.

AMÔSÂ 2:11

Nama sawchapaw thokha hrohsopazy ta padua ei na ta, Nama thyutlia thokha Nâzarai ta ei padua ei. Hy Izarei sawzy saih u, Cha hawhna tlai chata châ vei ma?” Abeipa ta a tah.

MALUHREINA 6:5

“Nâzarai châ awpa ta bie â taih chhôh zydua a luh â ngyu awpa châ vei. Abeipa châta â pananona noh â ki hlâlei a pathaih awpa châ ta, a luh sâ â paseih awpa a châ.

LUKA 1:15

Abeipa hmiakô liata chyhsa rônahpa a châ aw. Kresawhti nata sahma a do awpa châ leipa ta, a nô chhi chhôh tawh tlai ta, Thlahpa Pathaihpa ta a bie aw.

RYUREITUHPAZY 16:17

Chatanachata a palôh zydua cha chho khai ha ta, a hnohta, “Ei nô chhi liata ei y no tawhta, Khazohpa châta Nâzarai ei châ hapa vâta, ei luh liata sâ ngyuna rai hmâpa châ beih vei. Ei sâ he ngyupa a châ khiahta cha, ei thatlôna heta na puasai aw ta, ei tha vaw chhâ aw ta, chyhsa tyhpa hawhta ei vaw châ ha aw,” tah ta.

1 SAMUELA 1:11

Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.

1 SAMUELA 7:13

Chatanachata Philistinâ mo cha pahniepa ta y ha ei ta, Izarei râh siehnao heih khao veih ei. Samuela hro chhôh zydua cha, Abeipa ku ta Philistinâ mo cha â dyuh lymâ.