RYUREITUHPAZY 13:1 - Mara Bible RV (BSI)

¹ Izarei sawzy cha Abeipa mohmô ta moleina hmo tao heih ei ta, chavâta Abeipa ta âmo cha Philistinâ mo ku liata kô sypalih paysa ta.

RYUREITUHPAZY 13:1 Cross References

ZEREMIAH 13:23

Kusi chyhsa ta a vo panano thei aw ma? Keichhoh ta a chei a panano thei aw ma? Cha hawhna hra chata, Nâmo, hmo chhiepa taopa liata nama tlai a châ hapazy chhao, Hmo phapa tao thei aw veih ei chi.

RAWMA 2:6

Khazohpa ta chyhsa to ama hmotaopa lymâ hawhta a pachia aw.

HEBRAI 11:32

Khâpa eima reih khao aw? Kidia, Bâraka, Sâsawna, Zephathâ, Dâvi, Samuela nata hrohsopazy kyh reih aw sah la, daihti ta nâ daih aw vei.

RYUREITUHPAZY 10:6

Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.

RYUREITUHPAZY 10:7

Chavâta Abeipa cha Izarei chô liata a hiehâh ngaita ta, Philistinâ mo ku lâta nata Amawna mo ku lâta Izarei sawzy cha zuah ha ta.

RYUREITUHPAZY 12:15

Chatawhcha Pirathô chyhsa Hile sawchapawpa Abadaw cha thi ta, Amale mo tlâh râh liata a ypa Epharai râh Pirathô khih liata ama pabu.

RYUREITUHPAZY 14:4

A nô nata a paw ta, cha hmo cha Abeipa pachhuahpanohpa a châ tahpa pahno veih ei. Philistinâ mo a dyuh awpa ta Khazohpa ta ryhpaohna a taopa a châ. He daihti he Philistinâ mo ta Izarei chô liata ryu ama rei daihti a châ.

RYUREITUHPAZY 15:11

Chatawhcha Zudâh chyhsa 3,000 zy cha Etamâ lôpu lâ zu ei ta, Sâsawna hnohta, “Philistinâ mo he eima chô liata ryureituhpazy ama châ tahpa pahno va chi ma? Khazia he hawhpa hmo he eima chô liata na tao?” tah ei ta. Sâsawna ta ama hnohta, “Ei chô liata ama taopa hawhta, ama chô liata ei tao hra,” tah ta.

RYUREITUHPAZY 15:20

Sâsawna cha Philistinâ mo daihti chhôh ta Izarei chô liata kô kih ryureih ta.

RYUREITUHPAZY 2:11

Izarei sawzy ta Abeipa mohmô liata moleina hmo taopa ta, Bâlâ khazohzy a chhy pathao ei ta.

RYUREITUHPAZY 3:7

Izarei sawzy cha Abeipa mohmô ta moleina hmo tao ei ta. Abeipa ama Khazohpa cha mypa ta, Bâlâ nata Aserô chakao ei ta.

RYUREITUHPAZY 4:1

Ehu a thi tawhta Izarei sawzy cha Abeipa mohmô ta moleina hmo tao heih ei ta.

RYUREITUHPAZY 6:1

Izarei sawzy cha Abeipa mohmô ta moleina hmo tao heih ei ta. Chavâta Abeipa ta âmo cha Midia mo ku liata kô sari paysa ta.

1 SAMUELA 12:9

Châhrasala Abeipa ama Khazohpa cha my ha ei ta. Chavâta Abeipa ta âmo cha Hâzaw pheisaih hyutuhpa Siserâ ku liata nata Philistinâ mo ku liata nata Môabâ bei ku liata zuah ha ta. Âmo chata Izarei sawzy cha a vaw dyuh ei ta.

1 SAMUELA 4:9

Hy nâmo, Philistinâ mozy saih u, riahphapa ta y u la, chapaw kawpa ta y teh u, chataleipatala nama sei a châ tyhpa Hebrai mo sei ta nama y pathlei aw na. Chapaw kawpa ta y u la, a dyuh teh u,” tah ei ta.

1 SAMUELA 7:13

Chatanachata Philistinâ mo cha pahniepa ta y ha ei ta, Izarei râh siehnao heih khao veih ei. Samuela hro chhôh zydua cha, Abeipa ku ta Philistinâ mo cha â dyuh lymâ.