RYUREITUHPAZY 11:8 - Mara Bible RV (BSI)

⁸ Kilia machâzy ta Zephathâ hnohta, “Cha vâna tlai chata tahmâ nâma lâ a vaw heihpa eima châ hih, Amawna mo a dyuh awpa ta eima hnohta sie aw chi ta, Kilia râh liata a pahrâpa zydua chô liata eima hyutuhpa na châ aw,” tah ei ta.

RYUREITUHPAZY 11:8 Cross References

1 ABEIZY 13:6

Chatawhcha abei ta a chhy ta, Khazohpa chyhsa hnohta, “Ei ku he a tlâh heih thei nawpa ta Abeipa na Khazohpa lâ ngiachhiena na hiapa la, thlah na chhâpa teh,” tah ta. Khazohpa chyhsa ta Abeipa lâ thlahchhâ ta, abei ku cha vaw tlâh heihpa ta, a y tyhpa hawhta vaw y ha ta.

PUASAINA 10:17

Chavâta tahmâ ei châ haw ei, he ei khata ngâlâh he ei moleina rie nâ ngiahthai u la, he thina he kei tawhta na lapa awpa ta Abeipa nama Khazohpa cha na hiapa teh u,” tah ta.

PUASAINA 8:28

Phiraoh ta, “Râhchawhpa liata Abeipa nama Khazohpa lâta namâ theih thei nawpa ta, cha pasiesa aw ei na ta, lâ hlapi taih deikua nama sie awpa châ vei, na hiapa teh u,” tah ta.

PUASAINA 8:8

Phiraoh ta Mawsi nata Arawna cha aw ta, ama hnohta “Kei tawhta nata ei phopi tawhta uphawhzy he la khai ha awpa ta Abeipa lâ hiah teh u. Abeipa lâ amâ theih thei nawpa ta Izarei phopi cha ei pasiesa aw ei,” tah ta.

PUASAINA 9:28

Abeipa lâ hiah teh u. Khazohpa tôkalôhpa nata pareihzy he â daih ha bâ na. Ei cha pasiesa bâ aw ei, y khao aw veih ei chi,” tah ta.

RYUREITUHPAZY 10:18

Zawpi nata Kilia khih nôpawpazy cha reihpahmaoh ei ta, “Amawna mo adyuhna lâ ahy ma a sie tua chai aw? Ano cha Kilia râh liata a pahrâpa zydua chô liata hyutuhpa a châ aw,” tah ei ta.

RYUREITUHPAZY 11:9

Zephathâ ta Kilia machâzy hnohta, “O lâ eina padisa heih khiah ei chi ta cha, Amawna mo cha a dyuh aw na ta, Abeipa ta âmo cha eina pi khiahta cha, nama hyutuhpa ei châ aw,” tah ta.